Myanmar Entrepreneur Group

ဂလိုဘယ်အမြည်းနှင့် ယမကာဖရီး (၇)

2010-09-19T00:43:00.000+06:30

ဂန်ပါပီကြီးနှင့် အိုစမာအာလာဒင်၏တပည့်များ ထွက်သွားပြီးနောက်
ချက်ချင်းဆိုသလို အွန်လိုင်းမယ်တော်ကြီးများဟု နာမည်ကြီးနေသော
ဘလော့ဂါမမများ ဆိုင်အတွင်းသို့ အူလျားဖားလျား ၀င်လာသည်ကို
တွေ့လိုက်ရလေသည်။ ယင်းအုပ်စုတွင် ...မတက်ဆင် (သက်ဆင်၏
ညီမမဟုတ်ပါ)၊ ဒရင်း၊ ဘုဝေ၊ နန္ဒာမှိုင် ၊ နှင်းပွဖြူလေး၊ ဆောင်းနှင်းဘူ၊
စားတော်ကဲ ချန်ဂိန်ခေါ် အန်တီဂလုဂလု၊ ခင်ဦးမြွေ၊ အီးဝေဖြိုး၊ ရောင်ဆင်၊
လက်လက်ဖြူ စသည့် ဘလော့ဂါ ပျိုဖြူလေး၊ ပျိုဖြူကြီး၊ ပျိုဖြူစကောစကကြီး
များ ပါဝင်လေသတည်း။ မတက်ဆင်မှ “..ကဲ..ကဲ..ဒီမှာဘာလုပ်နေကြတာလဲ
...ခုဘလော့ဂါတွေ.. ဆော်ကြနှက်ကြကုန်ပြီတဲ့” “ဘာ....ဘယ်သူတွေ
ဘာဖြစ်ကြတာလဲဗျ..” ထွန်းဂေါက်မြွေ၏အမေးသံနှင့်အတူ...ပလေသင်ကာမှ “..ဟာ..ဒါများဗျာ..အရင်ကတည်းက အုပ်စုတွေအမျိုးမျိုး ကွဲနေကြတာ..
.ဖြစ်ကြတာလည်း ဘာဆန်းတာမှတ်လို့..”ဟု အေးအေး လေး ပြောလိုက်၏။ “အေးလေ...ဘလော့ဂါယူနီယံဘာညာ တောင်မရှိသေးတဲ့ဟာ... ကိုယ်ထင်ရာကိုယ်ရေး..ကိုယ်ဆော်ချင်တဲ့သူကို ဆော်နေမှတော့ ဖြစ်မှာပေါ့”
“ဟာ..ဒီလိုကိုယ်ထင်ရာ ကိုယ်ရေးတယ်လို့တော့ လွယ်လွယ်မပြောနဲ့လေ” ဟု
ဟန်သစ်မိန်ကြီးမှ ထွန်းဂေါက်မြွေ၏ စကားကိုလက်မခံနိုင်သည့်ပုံစံဖြင့် ပြောလိုက်ရာ.
.“တော်ပါတော့ရှင်.. တော်ကြပါတော့..ရှင်တို့ကလည်း ဒီလိုပဲ တစ်ဆိတ်ရှိ
ကိုက်ချင်...အဲ..အချင်ချင်းတိုက်ဖို့ပဲ ချောင်းနေတာပဲ။ တကတည်း..ဟွန်း..” ဟု
မဘုဝေ မှ မြင်ပြင်းကတ်စွာ ပြောလိုက်လေသည်။ အခြေအနေကြည့်၍
ဂလိုဘယ်ကြီးခမျာလည်း ပုလင်းများ၊ ဖန်ခွက်များကို မသိမသာရော
သိသိသာသာကြီးပါ လိုက်သိမ်းနေ၏။ ထိုအခိုက်..ကိုကိုဖရီးမှ..“ဟားဟားဟား..
ဟုတ်ပြီ...ဒါ ဘလော့ဂါတွေအခက် ကျွန်တော်ရဲ့အကွက်ပဲဗျ. “ဘာ..ဘာကွက်လဲ၊
ပွေးကွက်လား” “ဟာ...ဘယ်ကလာ..ခင်ဗျားဖင်က အကွက်ဖြစ်ရမှာလဲ၊ ဒါဂွင်ဗျဂွင်..”
ဟု ထွန်းဂေါက်မြွေ၏ အမေးကို ကိုကိုဖရီးမှ ဖြေလိုက်သည်။ ကျုပ်စဉ်းစားမိတာက
ဘလော့ဂါပေါင်းစုံ လက်ဝှေ့ ပြိုင်ပွဲကြီး ကျင်းပမလို့လေ။ ၀ိတ်တန်းကတော့
အလွတ်တန်းလေးပေါ့ဗျာ။ ဟဲဟဲ။ “အင်း..ဒီဖရီးကလဲ အလကားနေရင်း ဖရီးရိတ်ရမဲ့
ဂွင်ပဲ ဆင်နေတာပဲ။ ” “ဆင်ရမယ်ဗျ။ ဆင်ရမယ်။ ခုဆိုရင် ဟီလာရီဆွဖ်နဲ့ မီဂန်ဖောက်စ်
တို့က သူတို့ကို အတည်တကျယူပါ တကဲကဲ ဖြစ်နေလို့ မနည်းတားထားရတယ်။
ဟွန်း။ ငွေက ရှာရလွယ်တာမဟုတ်ဘူး။” “ အု..ပြောမိတာမှားပါတယ် ဖရီးရယ်”
ကိုကိုဖရီးနှင့် ခင်ဦးမြွေ တို့၏ စကားကြောအား အန်တီဂလုဂလုမှ..ကဲ..ကဲ..အဲ့ဒါတွေ နောက်မှပြော..ဗိုက်ဆာနေပြီ။ ရောက်တုန်း ရှိတာလေးတွေအကုန်ချ၊ စားလိုက်ဦးမယ်။
ထိုအခါ ဒိုင်နာရီဆိုသည့် ကပြားမလေးမျက်နှာမှာ ၀မ်းချုပ်တာကြာ၍
အလွန်ပြင်းထန်သည့် ဓာတုဓာတ်ငွေ့အား ရှူရှိုက်မိသည့်အလား ရှုံတွသွားလေသည်။
မီးတို့ဆီမှာ ဘာမှအရှိတော့ဘူး။ စားချင်ရင် ကိုယ့်ဘာသာ သွားဝယ်ပြီး ချက်စားတော့ ဟု
လောကွတ်ပျူငှာစွာ ပြောလိုက်လေသည်။ ဂလိုဘဲကြီးမှ..ဟဲ့ဟဲ့.. အဲဒီလိုမပြောနဲ့လေ။
သွား..မနေ့က နောက်ဖေးမှာ ရိုက်သတ်ထားတဲ့ ကြွက်စုတ်ကြီးတစ်ကောင်ရှိသေးတယ်
မဟုတ်လား။ ရှယ်ကင်ပေးလိုက်ပါလား ။ ထိုအခါ...ဝေါ့....ဂလိုဘဲကြီး၏ ကြွက်ကင်အသ
ံ ကြားလိုက်သည်နှင့် ဟန်သစ်မိန်ကြီးခမျာ.. သောက်ထားသောရေများ..အဲ...အရက်များ ပြန်အန်ထွက်လာလေသည်။ “ခင်ဗျား..ဗျာ..အမြည်းကို ဒါမျိုးတွေ ပြင်ထားရလားဗျ။
တော်ပြီ နောက် လာမသောက်တော့ဘူး။” “အေးလေ၊ ရတယ်။ မသောက်ချင်နေပေါ့။
ခင်ဗျားလို အရက်ထက်ရေများများသောက်၊ အကြွေးကလဲ ယူသေးတဲ့သူမျိုး မရောင်းရရင် ပိုတောင်ကောင်းသေးတယ်။ ခင်ဗျားကို ရေဖိုးပဲယူမယ်၊ အရက်ဖိုးတော့မယူဘူး သိလား ၊
ဟွန်း။ ”ဂလိုဘဲကြီး၏ ဘုကျကျစကားကြောင့် ဟန်သစ်မိန်ကြီးခင်ဗျာ..အမြီးကုပ် အဲ.
.ဟိုကုပ်ဒီကုပ် ကုပ်ရင်း ငြိမ်သွားလေသည်။ ထိုစဉ်..ကဲ..ဘယ်လိုလဲ..ကျွန်တော့်အကြံကို...
ဟု ကိုကိုဖရီးမှမေးလိုက်စဉ် ဆောင်းနှင်းဘူ ဆိုသည့်ကောင်မလေးမှ...
(ဆက်လက်စောင့်စားဖတ်ရှုပါရန်ဟု တောင်းပန်ရင်း)

မူလလက်ဟောင်း အော်ရီဂျင်နယ်ဖရီး

ကမ္ဘာ့ကုန်သွယ်ရေးအဖွဲ့ကြီးနှင့် ဖွံ့ဖြိုးဆဲနိုင်ငံများအကြားမှ စည်းမျဉ်းဆိုင်ရာကစားပွဲများ (အပိုင်း - ၄)

2009-12-17T09:24:00.001+06:30

ဖွံ့ဖြိုးဆဲနိုင်ငံများတွင် Economic Liberalization လုပ်ရာမှ ပေါ်ထွက်လာတတ်သော ဘေးထွက်ဆိုးကျိုးများ

Free Trade နှင့် ပတ်သက်၍ ဘောဂဗေဒသီအိုရီတွင် အခြေခံ proposition တခုရှိပါသည်။ ယင်းမှာ အခြေအနေ အတိုင်းအတာ တခုတွင် Free Trade သည် တိုင်းပြည်အတွက် အကျိုးရှိစေသည် မှန်သော်လည်း Free Trade ဖြစ်အောင် ညှိယူနေဆဲကာလများတွင် စီးပွားရေးအဆောက်အအုံထဲမှ အချို့ကဏ္ဍများ ကျဆင်းပြီး၊ အချို့ကဏ္ဍများ တိုးတက်တတ်သည် ဟူ၍ဖြစ်သည်။ ပညာရှင်များက ဤသည်ကို sunrise sector များနှင့် sunset sector များဟူ၍ ခေါ်ဝေါ်သတ်မှတ်ကြသည်။ ကုန်သွယ်မှုတံခါးများ ဖွင့်လိုက်ချိန်တွင် ပြည်တွင်း ထုတ်လုပ်သူများသည် ကမ္ဘာတ၀ှမ်းတွင် ရှိနေသော နည်းပညာအပြောင်းအလဲ၊ စားသုံးသူလိုအင်နှင့် အစိုးရမူဝါဒများကို ဘွားခနဲ ရင်ဆိုင်တွေ့လိုက်ရတတ် လေ့ရှိသည်။ အဆိုပါ အခြေအနေမျိုးတွင် တိုင်းပြည်၏ ထုတ်လုပ်မှုအပေါ်သို့ ကောင်းကျိုး၊ ဆိုးကျိုး သက်ရောက်မှု များ ရှိလာတတ်ပါသည်။

ဖွံ့ဖြိုးပြီးနိုင်ငံများတွင်မူ နိုင်ငံတကာကုန်သွယ်ရေး၏ ပြောင်းလဲတိုးတက်မှုများနှင့် အညီ လေ့ကျင့် သင်ကြားရေး စီမံချက်များ၊ အလုပ်လက်မဲ့ ကူညီထောက်ပံ့ကြေးများ ရှိတတ်ပါသည်။ အထက်တွင် ဖော်ပြခဲ့ဖူးသော ဥပမာကဲ့သို့ပင် နိုင်ငံတကာကုန်သွယ်ရေးတွင် ယှဉ်ပြိုင်မှုအားကောင်းလာစေရန် လယ်သမားများအား ထောက်ပံ့ကြေးငွေ ပေးအပ်ခြင်းများ၊ လုပ်ငန်းရှင်များအား ပံ့ပိုးကူညီပေးခြင်းများ တွင်တွင်ကျယ်ကျယ်ရှိပေသည်။ Free Trade ကြောင့် ဖြစ်ပွားလာသော sunset sectors များမှ အလုပ်သမားများကိုလည်း အခြားသင့်လျော်ရာ ကဏ္ဍများတွင် ပြန်လည်လေ့ကျင့်ပေးသော အစီအစဉ်များ ရှိလေသည်။ သို့ရာတွင် ဖွံ့ဖြိုးဆဲ နိုင်ငံများတွင်မူ အလုပ်လက်မဲ့ထောက်ပံ့ကြေးများနှင့် နိုင်ငံတကာ ပြိုင်ဆိုင်မှုကြောင့် လျော့နည်းကျဆင်းသွားသော စီးပွားရေးကဏ္ဍများမှ လုပ်သားများအား အခြား ကဏ္ဍများတွင် ပြန်လည်လေ့ကျင့်သင်ကြားပေးခြင်း အစီအစဉ်များ နည်းပါးလေသည်။

ဥပမာ- ဥရောပသမဂ္ဂတွင် စက်ရုံ၊ အလုပ်ရုံများ ရပ်တန့်သွားခြင်းကြောင့် အလုပ်လက်မဲ့ပြဿနာများ ကြီးထွားလာသော နေရာဒေသများအတွက် structural funds များ ချမှတ်ပေးသော မူဝါဒများ ရှိလေသည်။ အဆိုပါ မူဝါဒများကို ဖွံ့ဖြိုးဆဲနိုင်ငံများတွင် ကျင့်သုံးရန်ကား မဖြစ်နိုင်ပေ။ ၄င်းအပြင် ဖွံ့ဖြိုးဆဲနိုင်ငံများတွင် safety net ဟုခေါ်သော အမျိုးသား ကျန်းမာရေးစောင့်ရှောက်မှု၊ သက်ကြီးရွယ်အို ပင်စင်၊ ဆင်းရဲနွမ်းပါး မိသားစုများအား ငွေကြေးထောက်ပံ့မှု စသည်များ နည်းပါးသည်ဖြစ်ရာ economic liberalization နှင့်အတူ ယှဉ်တွဲအသုံးပြုရမည့် လူမှုအသုံးစရိတ် (Social Spending) တွင် အားနည်းချက် ရှိခြင်းကြောင့် လူမှုရေးဆိုင်ရာ ဘေးထွက်ဆိုးကျိုးများ (Social consequences) များ ထွက်ပေါ်လာတတ်လေသည်။

ဟားဗတ်တက္ကသိုလ်မှ စီးပွားရေးပညာရှင် Dani Rodrik က ဒုတိယကမ္ဘာစစ်အပြီးကာလက ဖွံ့ဖြိုးပြီးနိုင်ငံများသည် economic liberalization, trade liberalization မူဝါဒများကို အကောင်အထည် ဖော်ရာတွင် သက်ဆိုင်ရာ အစိုးရများမှ လူမှုအသုံးစရိတ်များကိုပါ ဖူဖူလုံလုံ အသုံးပြုခဲ့ကြောင်း လေ့လာဖော်ပြခဲ့ပါသည်။ ဖွံ့ဖြိုးဆဲနိုင်ငံများတွင်မူ လူမှုအသုံးစရိတ် သုံးစွဲရေးတွင် အခက်အခဲ အမျိုးမျိုး ရှိနေတတ်သည်။ အခက်အခဲတမျိုးမှာ ဖွံ့ဖြိုးဆဲနိုင်ငံများတွင် အုပ်ချုပ်နေသော သက်ဆိုင်ရာ အစိုးရများသည် ကျန်းမာရေး၊ ပညာရေး၊ လူမှုရေး အသုံးစရိတ်များထက် စစ်အသုံးစရိတ်များကို ပိုမိုသုံးစွဲခြင်း ရှိနေပါက မည်သို့သော economic liberalization မူဝါဒများကို အကောင်အထည် ဖော်နေစေကာမူ တိုင်းပြည်စီးပွားရေး၊ လူမှုရေး အကျပ်အတည်း ပြဿနာများ မလွဲမသွေ ဖြစ်ပွားနေမည်သာ ဖြစ်သည်။

အခြားအခက်အခဲ တမျိုးမှာကား သက်ဆိုင်ရာ အစိုးရများသည်း နိုင်ငံခြား ထောက်ပံ့မှုပေါ်တွင် မှီခိုသော စီးပွားရေးမူဝါဒများ ကျင့်သုံးရခြင်းမှ ထွက်ပေါ်လာနိုင်သော အခက်အခဲတရပ်ဖြစ်သည်။ ပြည်ပ ထောက်ပံ့မှုများအပေါ်တွင် မှီခိုသည့် (aid dependency model) ၏ ဆိုးကျိုးတရပ်တွင် အလှူရှင်နိုင်ငံများနှင့် အဖွဲ့အစည်းများမှ အစိုးရအသုံးစရိတ်ကို လျှော့ချခိုင်းခြင်း ပြဿနာရှိတတ်သည်။ စစ်အသုံးစရိတ်ကြီးမားသော အစိုးရများ၊ လာဘ်စားမှုများကို တိုက်ဖျက်သည့် အစီအစဉ်များအတွက် ကောင်းမွန်သော်လည်း အမှန်တကယ် ကျန်းမာရေး၊ ပညာရေး၊ လူမှုရေးနှင့် ဆင်းရဲနွမ်းပါးမှု တိုက်ဖျက်ရေးအစီအစဉ်များတွင် အစိုးရအသုံးစရိတ်များပြားသော နိုင်ငံများကိုမူ တိုက်ရိုက်ထိခိုက်မှု ရှိလာတတ်ပြန်သည်။

မည်သို့ဆိုစေ အဆိုပါ အခက်အခဲများ ဖြစ်ပွားနေချိန်တွင် စီးပွားရေး၊ လူမှုရေး အကျပ်အတည်း ပြဿနာများသည် နိုင်ငံရေး မတည်ငြိမ်မှုနှင့် အစွန်းရောက်မှုများကို ဖြစ်ပွားစေနိုင်ပြီး ဦးနှောက်ယိုစီးမှုပြဿနာများကိုလည်း ပေါ်ထွက်စေနိုင်သည်။ တပြိုင်နက်တည်းတွင် ပြည်ပမှ ၀င်ရောက်လာသော နိုင်ငံတကာ စီးပွားရေး လုပ်ငန်းကြီးများမှ ပြည်တွင်းဈေးကွက်ကို ချုပ်ကိုင်၍ ပြည်တွင်းထုတ်လုပ်သူများကို အစားထိုးမှုများလည်း ပေါ်ထွက်လာမည်ဖြစ်သည်။

နိုင်ငံတကာစံချိန် စံညွှန်းများ

ကမ္ဘာ့ကုန်သွယ်ရေးအဖွဲ့ကြီးမှ ချမှတ်ထားသော အချို့စံချိန်စံညွှန်းများကလည်း ဖွံ့ဖြိုးဆဲနိုင်ငံများ၏ စီးပွားရေးဖွံ့ဖြိုး တိုးတက်မှု အကောင်အထည်ဖော်ဆောင်မှုများကို အနုတ်လက္ခဏာ သက်ရောက်မှု ရှိနေပြန်သည်။ လယ်ယာပို့ကုန်များတင်ပို့သော နိုင်ငံများသည် ကုန်ပစ္စည်းတင်သွင်းသော နိုင်ငံများမှ သတ်မှတ်ထားသည့် Sanitary and phytosanitary (SPS) စံချိန်စံညွှန်းများကို ပြည့်မှီရမည် ဖြစ်ပေသည်။ အဆိုပါ သတ်မှတ်ချက်များမှ နိုင်ငံတကာထုတ်ကုန် အဆင့်အတန်း မြင့်မားရေးကို ရည်ရွယ်ခြင်းကြောင့် ကောင်းကျိုးကို ဦးတည်စေသည်ဖြစ်သော်လည်း၊ မိမိနိုင်ငံတွင်းမှ ထုတ်လုပ်မှုများကို မြှင့်တင်ရန် ရည်ရွယ်ပြီး အထက်ပါ စံညွန်းများကို အသုံးပြု၍ ပို့ကုန်တင်သွင်းမှုကို တားမြစ်သော နိုင်ငံများလည်း ရှိလေသည်။

နိုင်ငံတကာ စံချိန်စံညွှန်းများ သတ်မှတ်ခြင်းသည် လူ့စွမ်းအားအရင်းအမြစ် ဖွံ့ဖြိုးပြီး၊ ကဏ္ဍအလိုက် ကျွမ်းကျင်သော ပညာရှင်များ ရှိနေသည့် ဖွံ့ဖြိုးဆဲနိုင်ငံများအတွက် အခက်အခဲ မရှိသော်လည်း လူ့စွမ်းအား အရင်းအမြစ် ဖွံ့ဖြိုးတိုးတက်မှု နှေးကွေးနေသော နိုင်ငံများအတွက် အခက်အခဲ၊ အတားအဆီးများ ဖြစ်လာတတ်ပါသည်။ ဥပမာ- ကုန်သွယ်ရေးဆိုင်ရာ စံချိန်စံညွှန်းများ ပြည့်မှီရန် ကြိုးပမ်းရမည့် ဖွံ့ဖြိုးဆဲနိုင်ငံများသည် tariff နှင့် permissible countervailing duties များ တွက်ချက်ခြင်းတွင် ကျွမ်းကျင်ရန် လိုအပ်သည်။ မူပိုင်ခွင့်များ၊ ကျန်းမာသန့်ရှင်းမှုများနှင့် ပတ်သက်သော စံချိန် စံညွှန်းများ ပြည့်မှီစေရန်အတွက် ကျွမ်းကျင်သည့် စစ်ဆေးရေးဝန်ထမ်းများ ခန့်အပ်ထားရှိရမည်။ ယင်းသို့သော လုပ်ငန်းဆောင်တာများအတွက် institutional development အတိုင်းအတာတခုအထိ လိုအပ်သည်ဖြစ်ရာ ကနဦးအစမှ အကောင်အထည်ဖော်ရသော နိုင်ငံများအတွက် ကြီးစွာသော အသုံးစရိတ်များ ပေါ်ထွက်လာပါတော့သည်။

စီးပွားရေးပညာရှင် Finger နှင့် Schuler တို့က အဆိုပါ အသုံးစရိတ်များနှင့် ပတ်သက်၍ နှိုင်းယှဉ်တွက်ချက်လေ့လာကြည့်ရာတွင် စံချိန်စံညွှန်းဆိုင်ရာ သဘောတူညီချက် သုံးခုဖြစ်သော customs valuation, Trade-Related Aspects of Intellectual Property Rights (TRIPS) နှင့် Sanitary and phytosanitary (SPS) measures တို့အတွက် နိုင်ငံတနိုင်ငံချင်းစီအလိုက် ကုန်ကျစရိတ်မှာ ဒေါ်လာ သန်း (၁၅၀) ဖြစ်ကြောင်း တွေ့ရှိခဲ့ကြပါသည်။ ယင်းပမာဏမှာ ဖွံ့ဖြိုးဆဲနိုင်ငံအများစု၏ ဖွံ့ဖြိုးတိုးတက်ရေး ဘတ်ဂျက်ပမာဏ ထက် ပိုမိုမြင့်မားပါသည်။ သို့ဖြစ်ရာ အချို့သော ပညာရှင်များက ဖွံ့ဖြိုးပြီး နိုင်ငံများသည် ကမ္ဘာ့ကုန်သွယ်ရေးအဖွဲ့ကြီး၏ အရှိန်အ၀ါကို အသုံးပြု၍ ယင်းတို့တွင် နှစ်ပေါင်းများစွာ ဖွံ့ဖြိုးပြီးဖြစ်သော institutions များနှင့် စံချိန်စံညွှန်းများကို ဖွံ့ဖြိုးဆဲနိုင်ငံများအား အတင်းအကြပ် ဖိအားပေး သုံးစွဲစေသောကြောင့် ဖွံ့ဖြိုးဆဲတိုင်းပြည်များ၏ စီးပွားရေးတိုးတက်မှုကို နှောင့်နှေးစေသည်ဟု ဝေဖန်ပြောဆိုကြပါသည်။

နိဂုံး

မည်သို့ဆိုစေ နိုင်ငံတကာ စီးပွားရေး ဆက်နွယ်မှုများသည် နိုင်ငံတကာကုန်သွယ်ရေးနှင့် ရင်းနှီးမြှုပ်နှံမှု ပေါ်တွင် များစွာ မူတည်ပါသည်။ ယင်းသို့သော အခြေအနေတွင် ကမ္ဘာ့ကုန်သွယ်ရေး အဖွဲ့ကြီးမှ ပြုလုပ်အကောင်အထည်ဖော်နေသော negotiated rule-making စနစ်သည် ဖွံ့ဖြိုးဆဲ နိုင်ငံများ၏ အမှန်တကယ်လိုအပ်နေသော ဖွံ့ဖြိုးတိုးတက်ရေး လိုအပ်ချက်များနှင့် ကိုက်ညီမှု မရှိ ဖြစ်နေဆဲပင်ဖြစ်သည်။ သို့ဖြစ်ရာ ကမ္ဘာ့ကုန်သွယ်ရေးအဖွဲ့ကြီးနှင့် ဖွံ့ဖြိုးဆဲနိုင်ငံများအကြားမှ စည်းမျဉ်းဆိုင်ရာ ကစားပွဲများ သည်ကား စဉ်ဆက်မပြတ် ဆက်လက်ရှိနေဦးမည် ဖြစ်ပါကြောင်း ရေးသားတင်ပြလိုက်ရပါသည်။

ခင်မမမျိုး (၁၇၊ ၁၂၊ ၂၀၀၉)

ရည်ညွှန်းကိုးကားစာရင်း

Bhattacharjea, A. (2004) 'Developing Countries in the world trade regimes' in Mackintosh (eds.) Making the International: Economic Interdependence and Political Order, London, Pluto Press,

Chang, H. (2002) Kicking Away the Ladder: Development Strategy in Historical Perspective, London, Anthem Press

Das, B. (1998) WTO Agreements: Deficiencies, Imbalances and Required Changes, London, Zed Books

Finger, J. & Schuler, P. (2000) 'Implementation of the WTO Commitments: the development challenge in Hokeman, B, English, P. and Matto, A. (eds) Development, Trade and WTO: A Handbook, Washington DC, World Bank

Oxfam (2002) Rigged Rules and Double Standards: Trade, Globalization and the Fight against Poverty, London, Oxfam

Rodrik, D. (2001) The Global Governance of Trade as if Development really mattered, New York, UNDP

ပြိုင်ဆိုင်မှု အကျိုးကျေးဇူးကို ဖန်တီးပေးနိုင်သည့် ခေတ်မှီသယံဇာတ အင်အားစုများ (အပိုင်း-၂)

2009-11-09T14:49:00.002+06:30

ပြိုင်ဆိုင်မှု အကျိုးကျေးဇူး (Competitive Advantage) ကို ရရှိစေရန် ခေတ်မီသယံဇာတများတွင် ရင်းနှီးမြှုပ်နှံရာတွင် အခြေခံနှင့် အဆင့်မြင့် ပညာများတွင် ရင်းနှီးမြှုပ်နှံခြင်း (Investing in basic and higher institutions)၊ စွမ်းရည် ဗဟုသူတများ တိုးတက်လာစေခြင်း (Improving in general skill and knowledge)၊ သုတေသနနှင့် ဖွံ့ဖြိုးမှု လုပ်ငန်းစဉ်များ (Stimulating R & D at higher institutions) တို့အား ပြုလုပ်ပေးခြင်းဖြင့် ရရှိနိုင်စေသည်။

အခြေခံသဘာဝအင်အားစုများ (Basic Factors) ကောင်းမွန်မှုသည် ကနဦး အကျိုးကျေးဇူး (Initial Advantages) ကိုသာ ဖန်တီးပေးနိုင်သည်။ ထို Basic Factory များ မရှိလျှင်လည်း သွင်းကုန်များအဖြစ် တင်သွင်းကြခြင်းဖြင့် ရရှိနိုင်ပေသည်။ ပြိုင်ဆိုင်မှု အကျိုးကျေးဇူးကို တွန်းအားပေးသည့် အဓိက အောင်မြင်မှုများ ကို ဆက်လက်ထိန်းသိမ်းပေးနိုင်မည့် အင်အားစုမှာ ခေတ်မှီသယံဇာတအင်အားစုများ (Advanced Factors) များပင် ဖြစ်သည်။

သို့ဖြစ်ရာ နိုင်ငံများတွင် အခြေခံသဘာဝအင်အားစု (Basic Factors) များ ပြည့်စုံစွာ မရှိပါက ၎င်းနိုင်ငံသည် မည်ကဲ့သို့ ပြုလုပ်သင့်သနည်း။ နိုင်ငံများတွင် အခြေခံသဘာဝအင်အားစုများ မရှိပါက Advanced Factors များတွင် တိုးချဲ့ရင်းနှီးမြှုပ်နှံရန် ဖြစ်သည်။ ဥပမာအားဖြင့် ဂျပန်နိုင်ငံသည် Natural Resources တွင် ရှားပါးပြီး ဧရိယာကျဉ်းမြောင်းသော နိုင်ငံတစ်ခုဖြစ်သော်လည်း Advanced Factors များဖြစ်သော Engineering, Entrepreneurship, Skilled Labors များရရှိအောင် ဖန်တီးထားသဖြင့် ထုတ်လုပ်မှုလုပ်ငန်းများတွင် အောင်မြင် မှုများ အမြဲရရှိခဲ့သည်။

နိုင်ငံများသည် မိမိနိုင်ငံအတွက် ပြိုင်ဆိုင်မှု အားကောင်းသော၊ စဉ်ဆက်မပြတ်ဖြစ်သော၊ တိုးတက်မြန်ဆန်သော စီးပွားရေးအဆောက်အအုံ ဖြစ်ပေါ်စေရန် အခြေအနေများကို ရယူဖန်တီးရပေမည်။ နည်းပညာသည် စီးပွားရေးအဆောက်အအုံကြီး ပြောင်းလဲမှု ဖြစ်ပေါ်စေရန် အရေးကြီးဆုံး ဇစ်မြစ်ထဲတွင် ပါဝင်သည်။ သိပ္ပံနှင့် နည်းပညာ စွမ်းရည် (Capacity for Science and Technology) သည် တီထွင်မှု အားကောင်းသော၊ ပြောင်းလဲမှုများကို တိုးတက်လက်ခံနို်င်သော စီးပွားရေး လုပ်ငန်းများ လက်ထဲသို့ ရောက်ရှိစေရန် လိုအပ်သည်။ ထို့ကြောင့် ဖွံ့ဖြိုးမှုနှင့် သုတေသနလုပ်ငန်းများ (Research and Development) ကို ပြုလုပ်နေသော အဖွဲ့အစည်းများ (Institutions) များနှင့် လက်တွေ့နယ်ပယ်မှ ထုတ်လုပ်မှု လုပ်ငန်းများကြား ဆက်စပ်မှုအားကောင်းစေရန် ဆက်စပ်မှုအား မြှင့်တင်ပေးခြင်း (Linkage Promotion) ပြုလုပ်ပေးရပေမည်။ များသောအားဖြင့် ဖွံ့ဖြိုးဆဲနိုင်ငံများတွင် သုတေသနပြုလုပ်နေသည့် အဖွဲ့အစည်းများနှင့် လက်တွေ့အသုံးချ ထုတ်လုပ်မှု ပြုလုပ်နေသည့် လုပ်ငန်းများကြား ဆက်စပ်မှု အားနည်းနေသည့်အပြင် သုတေသန အသုံးစရိတ် (Research and Development Expenditure) လည်း သုံးစွဲနိုင်မှု အားနည်းခြင်း၊ သတင်းအချက်အလက်များကို ဖြန့်ဖြူးမှု အားနည်းခြင်း၊ မူပိုင်ခွင့်ဥပဒေများ အားနည်းခြင်း၊ အလုပ်ရုံဆွေးနွေးပွဲများ၊ သင်တန်းများပေးမှုများ အားနည်းခြင်းတို့ကို တွေ့ရှိရပေသည်။

နိုင်ငံတစ်နိုင်ငံ၏ သိပ္ပံနှင့် နည်းပညာတီထွင်ခြင်း တိုးတက်မှုကို တိုင်းတာနိုင်သော ညွှန်ကိန်းများထဲတွင် သုတေသန အသုံးစရိတ်လည်း ပါဝင်သည်။ သုတေသန အသုံးစရိတ်အတွက် ရင်းနှီးမှုများလေလေ၊ မိမိနိုင်ငံ၊ မိမိကုမ္ပဏီ၏ တီထွင်မှု အတိုင်းအတာမှာ များပြားလေလေပင် ဖြစ်သည်။ ထို့ကြောင့် ခိုင်မာသော သိပ္ပံ နှင့် နည်းပညာ အခြေခံနှင့် ဥစ္စာဓနကို ဖန်တီးပေးနိုင်သော နည်းပညာ တီထွင်ခြင်း (Wealth Creating Technological Innovations) နှင့်အတူ အသုံးချမှု (Application) တို့ကိုပါ တွဲဖက်အသုံးပြုနိုင်လေလေ အပြည်ပြည်ဆိုင်ရာ ပြိုင်ဆိုင်မှု ပတ်ဝန်းကျင် (Competitive International Environment )၌ မရှိမဖြစ် လိုအပ်သော စီးပွားရေး တိုးတက်မှု (Essential to Economic Growth) ကို ဖော်ဆောင်နိုင်မှု ဝေးလေလေပင်ဖြစ်သည်။

ယခုအခါ အသိပညာ၊ ဗဟုသုတ၊ ပညာတို့ကို အခြေခံသော စီးပွားရေး အဆောက်အအုံ (Knowledge Based Economy) ဖြစ်ပြီး သဘာဝသယံဇာတ အရင်းအမြစ် (Natural Resource)၊ အခြေခံကျသော သမရိုးကျ ထုတ်လုပ်မှု (Primary Processing and manufacturing) မျိုးဖြင့် ရပ်တည်၍ မရတော့ပေ။ ထိရောက်သော ထုတ်လုပ်မှုများ (Effective Production) နှင့်အတူ အသိပညာ၊ ဗဟုသုတ၊ ပညာတို့ကို အခြေခံသော ခေတ်မှီနည်းပညာာ (Advanced Technology)၊ ဈေးကွက် ရှာဖွေမှု (Marketing)၊ ရောင်းချမှု (Sales)၊ ၀န်ဆောင်မှု (Services) နှင့် ဖြန့်ဖြူးမှု (Distribution) များ ရရှိမည် ဖြစ်သည်။

စီးပွားရေး လုပ်ငန်းစု အဆင့်ဆင့်တွင် ပြိုင်ဆိုင်မှုသည် အရေးပါလျှက်ရှိပြီး ဈေးပေါလျှက်ရှိပြီး ဈေးပေါသော ကုန်ကြမ်းနှင့် လုပ်အား ရနိုင်မှု၊ နည်းပညာရနိုင်မှု၊ ဈေးကွက်ရနိုင်မှု တို့သည် ပြိုင်ဆိုင်မှုကို တွန်းအားပေးသော အရာများ ဖြစ်ခဲ့သော်လည်း ပညာခေတ် (Knowledge Era) တွင် တွန်းအားပေးနိုင်သော တွန်းအားစုအသစ် (New Drivers for Competitiveness) အဖြစ် ၀ယ်ယူသူများကို တန်ဖိုးထားခြင်း (Customer Value) ကို တွေ့ရှိရပေမည်။ ၀ယ်သူများကို တန်ဖိုးထားခြင်းတွင် ဒီဇိုင်းနှင့် ကုန်အမှတ်တံဆိပ် ပိုင်ဆိုင်မှု (Ownership of Designs and Brands)၊ ဈေးကွက် ရှာဖွေမှု စွမ်းရည် (the excellence of marketing skills) နှင့် ၀ယ်သူများ၏ လိုအင်ဆန္ဒကို ချဉ်းကပ်မှု (Focus on Customer Demands) တို့ ပါဝင်ပေသည်။ ထို့ကြောင့် ပုံစံကျနသော ထုတ်လုပ်မှု ဖြစ်စဉ် (Smart Production Process) သည် အလွန်အရေးပါလာခဲ့သည်။ နည်းပညာ စီမံခန့်ခွဲမှု (Management for Technology)၊ တီထွင်မှု (Innovation) နှင့် သတင်းအချက်အလက် (Information) တို့မှာ ၂၁ရာစု၏ အဓိက လိုအပ်ချက်များ ဖြစ်လာခဲ့သည်။

ထို့ကြောင့် စီးပွားရေး တိုးတက်မှုနှင့် အပြည်ပြည်ဆိုင်ရာ ပြိုင်ဆိုင်မှု ရရှိရေးတို့သည် အပြန်အလှန် ဆက်စပ်လျှက်ရှိပြီး ပညာဗဟုသုတ၊ နည်းပညာ လွဲပြောင်းရေး (Generation and Transfer of Knowledge and Technology) တို့အပေါ်တွင် မူတည်လျှက်ရှိသည်။ ပညာဗဟုသုတနှင့် နည်းပညာများမြှင့်တင်ခြင်း၊ စဉ်ဆက်မပြတ်တီထွင်မှုများ ပြုလုပ်နိုင်ခြင်း (Sustained Innovation) တို့သည် စက်မှုနှင့် စီးပွားရေး လုပ်ငန်းများအတွက် ပြဿနာများကို အောင်မြင် ကျော်လွှားစေနိုင်ပြီး နိုင်ငံ၏ စီးပွားရေး တိုးတက်မှုကို အထောက်အကူ ပြုနိုင်ပေသည်။

ပြိုင်ဆိုင်မှုအကျိုးကျေးဇူးကို ဖန်တီးပေးနိုင်သည့် ခေတ်မှီသယံဇာတ အင်အားစုများ - အပိုင်း ၁

2009-11-09T10:09:00.002+06:30

၂၀ ရာစု ကုန်ခါနီးအချိန်မှ စတင်၍ ကမ္ဘာ့စီးပွားရေး အဆောက်အအုံအတွင်း တွင် အပြောင်းအလဲများ ဖြစ်ပေါ်ခဲ့သည်။ ကုန်စည်နှင့် ၀န်ဆောင်မှု၊ ဘဏ္ဍာငွေ စီးဆင်းမှု၊ အရင်းအနှီး နှင့် နည်းပညာများ စသည်တို့သည် နိုင်ငံတစ်နိုင်ငံမှ တစ်နိုင်ငံသို့ အလွယ်တကူ ၀င်ထွက်သွားလာနိုင်ကြသည်နှင့်အမျှ ယနေ့ကမ္ဘာ ပေါ်တွင် လွန်ခဲ့သော ဆယ်စုနှစ်အနည်းငယ်မှ စ၍ နှိုင်းယှဉ်အကျိုးကျေးဇူး များ (Comparative Advantage)ကို မှီခို အားကိုး၍ မရတော့ဘဲ ကမ္ဘာ့ ဈေးကွက်တွင် အပြိုင်အဆိုင် ဈေးကွက်ရှာဖွေမှုမှ တဆင့် ပြိုင်ဆိုင်မှု အကျိုးကျေးဇူး (Competitive Advantages) ကို ရရှိအောင် ဖန်တီးလျှက်ရှိသည်။

ပြိုင်ဆိုင်မှု (Competitiveness) ဆိုသည့် ဝေါဟာရကို စီးပွားရေးလုပ်ငန်းများ၊ စီးပွားရေးဘာသာ ရပ်နယ်ပယ်၊ နိုင်ငံရေးနယ်ပယ်များတွင် အသုံးများလာ သည်ကို တွေ့ရှိရသည်။ စီးပွားရေးရှုထောင့်အရ ပြိုင်ဆိုင်မှု (Competitiveness) ဆိုသည်မှာ အမြတ်၊ ဈေးနှုန်း၊ ရင်းနှီးမြှုပ်နှံမှုတို့၏ ပြန်ရချက်၊ ထုတ်ကုန်အရည်အသွေး စသည်တို့၏ ရလဒ်များ ကြောင့် စီးပွားရေး လုပ်ငန်းနယ်ပယ်အတွင်းမှာ ဆက်လက်ရှင်သန် ရပ်တည်နေနိုင်ပြီး အသစ်အသစ်သော ဈေးကွက်များအထိ တိုးချဲ့နိုင်သော လုပ်ငန်း၏ စွမ်းရည်ကို ခေါ်ဆိုသည်။

နိုင်ငံ၏ ပြိုင်ဆိုင်မှု (National Competitiveness) ဆိုသည်မှာ အပြည်ပြည်ဆိုင်ရာ ဈေးကွက်များတွင် မိမိနိုင်ငံထုတ်ကုန်စည်နှင့် ၀န်ဆောင်မှုများကို ကမ္ဘာ့ဈေးကွက်တွင် ဖန်တီးထုတ်လုပ်၊ ဖြန့်ဖြူး၊ ရောင်းဝယ်နိုင် သော နိုင်ငံတစ်ခု၏ စွမ်းရည်ပင်ဖြစ်သည်။ ထို့ကြောင့် နိုင်ငံတစ်ခု၏ ယှဉ်ပြိုင်မှုကို အရှင်းဆုံးဖွင့်ဆိုရလျှင် ကမ္ဘာ့ဈေးကွက်တွင် ဆက်လက်ရှင်သန်ရပ်တည်နိုင်စွမ်းရှိသော လုပ်ငန်း၏ စွမ်းရည်ပင် ဖြစ်ပေသည်။

နိုင်ငံတစ်ခု၏ ပြိုင်ဆိုင်မှု တိုးတက်စေရန် အဓိကကျသော အင်အားစုများမှာ -

Ø သဘာဝသယံဇာတအင်အားစု (Factor Endowment)

Ø ပြည်တွင်းဝယ်လိုအား အခြေအနေ (Demand Condition)

Ø ၎င်းလုပ်ငန်းနှင့် ဆက်စပ်ပတ်သက်လျှက်ရှိသော၊ အထောက်အပံ့ ပြုလျှက်ရှိသော စက်မှုလုပ်ငန်းများ ( Related and Supporting Industries)

Ø လုပ်ငန်းစု၏ မဟာဗျူဟာ၊ လုပ်ငန်းပုံသဏ္ဍာန် နှင့် လုပ်ငန်းပြိုင်ဆိုင်မှု (Firm Strategy၊ Structure and Rivalry) တို့ ဖြစ်ကြသည်။

ဤအင်အားစုများ အားကောင်းလေ နိုင်ငံ၏ ပြိုင်ဆိုင်မှု အင်အားကောင်းလေ ဖြစ်သည်။ သို့သော် ဤအင်အားစုများသည် လုပ်ငန်း၏ အတွင်းအင်အားစုများ (Internal Factors) များဖြစ်ပြီး အခွင့်အလမ်း (Chance) နှင့် အစိုးရ၏ ထိန်းချုပ်မှုနှင့် မူဝါဒ (Government Control and Policy) ကဲ့သို့သော လုပ်ငန်း၏ ပြင်ပမှ ထိရောက်စေသော အင်အားစုများ (External Factors) များလည်း ရှိသည်။

နိုင်ငံများအကြားတွင် မိမိနိုင်ငံထုတ်ပစ္စည်းများ၊ ၀န်ဆောင်မှုများကို ကမ္ဘာ့ဈေးကွက်အတွင်း ရှယ်ယာ အပြိုင်အဆိုင်ရယူနိုင်ရန် တီထွင်မှုများ (Innovation) ဆက်တိုက်လိုအပ်လာသည်။ ထို့ကြောင့် နိုင်ငံများအကြား ပြိုင်ဆိုင်မှု အကျိုးကျေးဇူးကို ရရှိခံစားနိုင်ရန်၊ ပြိုင်ဆိုင်မှု အကျိုးကျေးဇူးသည် မည်သည့်အကြောင်းအရာများပေါ် မူတည်နေသနည်း၊ မည်သို့စီမံခန့်ခွဲလျှင် ရနိုင်မည်နည်း ဆိုသည်ကို နိုင်ငံများအကြား အပြိုင်အဆိုင် လေ့လာ သုံးသပ်မှုများ ပြုလုပ်လာခဲ့သည်။ အာရှနိုင်ငံများဖြစ်သော စင်္ကာပူနှင့် ဟောင်ကောင်တို့သည်လည်း အမေရိကန် နှင့် ပြိုင်ဆိုင်မှု ကွာဟချက် (Competitiveness Gap) ကျဉ်းမြောင်း လာခဲ့သည်။

ကမ္ဘာ့စီးပွားရေးအဆောက်အအုံတွင် စီးပွားရေးလုပ်ငန်းများ၊ ကုမပဏီများသည် ပြိုင်ဆိုင်မှု အကျိုးကျေးဇူးကို ရရှိနိုင်ရန် အတွက် အပြိုင်အဆိုင်ရှာဖွေကြသည်။ ထိုသို့ ရှာဖွေကြရာတွင် -

Ø ကုန်ကြမ်းဇစ်မြစ်ကို သေချာစွာ ထိန်းသိမ်းခြင်း (Maintaining a Secure Source of Materials)

Ø ထုတ်လုပ်မှု အခြေအနေအား ပြိုင်ဆိုင်မှု ရှိအောင် ထိန်းသိမ်းခြင်း (Maintaining a Competitive Manufacturing Position)

Ø ဈေးကွက်ချဲ့ထွင်ခြင်းကို ဖြစ်ထွန်းစေရန် ၀ယ်ယူသူများအကြား ၀န်ဆောင်မှု (Customer Service) နှင့် ဈေးနှုန်းအားဖြင့် လျော့ချ ရောင်းချခြင်း (Lower Price) ဟူ၍ ဈေးနှုန်းအရ ပြိုင်ဆိုင်မှု (Price Competition) နှင့် ဈေးနှုန်းအရ မဟုတ်သော ပြိုင်ဆိုင်မှု (Non- Competitive Competition) ဟူ၍ နှစ်မျိုးခွဲခြားနိုင်သည်။

ဤနေရာတွင် ဈေးနှုန်းအရ ပြိုင်ဆိုင်မှုဆိုသည်မှာ ဈေးနှုန်းကို အပြိုင်အဆိုင် လျော့ချခြင်းအားဖြင့် ရောင်းအား မြှင့်တင်ခြင်းဖြစ်ပြီး ဈေးနှုန်းအရ မဟုတ်သော ပြိုင်ဆိုင်မှု ဆိုသည်မှာ ထုတ်ကုန်အရည်အသွေးကို မြှင့်တင်ခြင်း (Promotion of Quality Product) ၊ ထုတ်ကုန်ဒီဇိုင်းအသစ်များ တီထွင်ခြင်း (Innovation of new design products)၊ ၀န်ဆောင်မှုပေးခြင်း (Services)၊ ကြော်ငြာခြင်း (Advertising) တို့ပင်ဖြစ်သည်။ နိုင်ငံများ၊ စီးပွားရေး လုပ်ငန်းများအဖို့ ပြိုင်ဆိုင်မှု အကျိုးကျေးဇူးဟု ခေါ်၍ ထိုစိန်ခေါ်များကို ရင်ဆိုင်နိုင်ရန် အသင့်ဖြစ်ပြီလားဟု (Are you up for the challenges?) ဟူ၍ စဉ်းစားစရာပင် ဖြစ်ပေသည်။

သဘာဝသယံဇာတအင်အားစုကို Heckscher-Ohlin သီအိုရီအရ အခြေခံသဘာဝအင်အားစု (Basic factors) နှင့် ခေတ်မှီ သယံဇာတအင်အားစု (Advanced Factors) ဟူ၍ နှစ်မျိုးခွဲခြားနိုင်သည်။ အခြေခံ သဘာဝအင်အားစု (Basic Factors) တွင် သဘာဝသယံဇာတ (Natural Resources)၊ ရာသီဥတု (Climate)၊ နေရာ (Location) တို့ပါဝင်သည်။ ခေတ်မှီသယံဇာတအင်အားစု (Advanced Factors) တွင် ဆက်သွယ်ရေး (Communication)၊ ကျွမ်းကျင်လုပ်သား (Skilled Labor)၊ နည်းပညယ (Technology) တို့ ပါဝင်သည်။

ပြိုင်ဆိုင်မှု အကျိုးကျေးဇူး (Competitiveness Advantages) ကိုရရှိစေရန် ခေတ်မှီသယံဇာတ အင်အားစုများက ပိုမိုအရေးပါကြောင်း တွေ့ရသည်။ ခေတ်မီသယံဇာတ အင်အားစုများသည် လူများ၊ စီးပွားရေး လုပ်ငန်းစုများနှင့် အစိုးရတို့မှ ရင်းနှီးမြှုပ်နှံခြင်းအားဖြင့် ရရှိလာနိုင်စေသော ရလဒ်များပင် ဖြစ်သည်။

Wow ..... Challenging!

2009-09-30T15:12:00.001+06:30

Wow.....Challenging!

We like entrepreneurs!

Entrepreneurs like challenging!

Challenging gives a lot of uncertainties!

If Uncertainties can turn to Opportunities or Threats,You can choose Opportunities to result! That's SUCCESS!

We don't even content SUCCESS!

To become Sustainable growth to ensure END!

Flying^A^

ကျပ်ငါးထောင်တန် ငွေစက္ကူ၊ ငွေကြေးဖောင်းပွမှုနှင့် မြန်မာနိုင်ငံ

2009-09-27T06:12:00.003+06:30

လာမယ့် အောက်တိုဘာလ၊ ၂၀၀၉ ခုနှစ်မှာဆိုရင် မြန်မာနိုင်ငံမှာ ကျပ်ငါးထောင်တန် ငွေစက္ကူတွေကို စတင်သုံးစွဲတော့မှာ ဖြစ်ပါတယ်။ ဒီကျပ်ငါးထောင်တန် ငွေစက္ကူတွေ ထုတ်ဝေလိုက်တာဟာ တနည်းဆိုရင် အာဏာရှင်လက်ထက်မှာ မြန်မာ့စီးပွားရေးစနစ် ဘယ်လောက်ထိ ကမောက်ကမဖြစ်နေတယ်ဆိုတာကို ညွန်းဆိုတဲ့ သက်သေတမျိုးပါပဲ။ ဒီကျပ်ငါးထောင်တန်တွေဟာ မြန်မာနိုင်ငံရဲ့ ငွေကြေးလည်ပတ်သုံးစွဲမှု (circular flow) မှာ ပမာဏကြီးမားတဲ့ ငွေကြေးတွေ သုံးစွဲလာရမှုနဲ့ အဆမတန် ငွေကြေးဖောင်းပွမှုတွေ ဖြစ်နေခြင်းရဲ့ ပြယုဂ်တွေပဲ ဖြစ်ပါတယ်။

ငွေကြေးလည်ပတ်သုံးစွဲမှု ပမာဏ များပြားလာခြင်း

မြန်မာနိုင်ငံမှာ နိုင်ငံတော်ရဲ့ money supply ကို မူဝါဒချမှတ်သူ၊ အုပ်ချုပ်သူများက ထိန်းချုပ်တဲ့ instrument potency ကြီးမားပါတယ်။ ဗဟိုဘဏ်ရဲ့ လွတ်လပ်စွာ ဆောင်ရွက်ခွင့် နည်းပါးမှုကြောင့် ဒီလို instrument potency ကို ထိန်းချုပ်နိုင်မယ့် အခြေအနေမရှိပါဘူး။ ရလာဒ်ကတော့ မြန်မာနိုင်ငံတော်အစိုးရဟာ ငွေကြေးရိုက်နှိပ်ထုတ်ဝေမှုတွေကို အကြောင်းပြချက် အမျိုးမျိုး အသုံးပြုပြီး အထိန်းအချုပ်မရှိ ပြုလုပ်တော့တာပဲ ဖြစ်ပါတယ်။ ဥပမာ- ခေတ်မီဖွံ့ဖြိုးတိုးတက်သော တပ်မတော်တရပ် ပေါ်ထွက်လာရေးဆိုတဲ့ အကြောင်းပြချက်နဲ့ စစ်အသုံးစရိတ်အတွက် ရိုက်နှိပ်ထုတ်ဝေတဲ့ ငွေကြေးပမာဏတွေက အရမ်းကြီးမားပါတယ်။

အဲဒီအခါကျတော့ မြန်မာပြည်တွင်းမှာ လည်ပတ်သုံးစွဲနေတဲ့ ငွေကြေးပမာဏက များပြားလာပါတယ်။ သာမန်ဈေးဝယ်ထွက်မှုတွေမှာတောင် ပိုက်ဆံအိတ်အကြီး ကိုင်သွားရတဲ့ အခြေအနေဖြစ်နေတယ်။ စားသောက်ဆိုင်တွေမှာ ငွေရှင်းရင် ငွေစက္ကူတထပ်ကြီး ရှင်းကြရတယ်။ စိန်အရောင်းအ၀ယ်၊ ကားအရောင်းအ၀ယ်၊ အိမ်အရောင်းအ၀ယ် ငွေပေးချေမှုတွေမှာဆိုရင် လူမြင်သူမြင် မကောင်းအောင် ငွေစက္ကူအုပ်တွေ အပြည့်သိပ်ထားတဲ့ ဆာလာအိတ်ကြီးတွေနဲ့ သွားကြရတယ်။ ဘဏ်တွေမှာ ငွေသွင်း၊ ငွေထုတ်ရင် ဘဏ်ဝန်ထမ်းတွေက ဒီငွေထုပ်ကြီးတွေကို ထမ်းကြရတယ်။ ဒီလိုအခြေအနေမျိုးတွေအတွက် ပြည်တွင်းမှာ ဆိုရင် တန်ဖိုးမြင့်မားတဲ့ ငွေစက္ကူတွေကို ရိုက်နှိပ်ထုတ်လာကြတယ်။ ကနဦးမှာ ငါးရာတန် ငွေစက္ကူတွေထွက်လာတယ်။ တထောင်တန် ငွေစက္ကူတွေ ထွက်လာတယ်။ အခုနောက်ဆုံးကျတော့ ငါးထောင်တန် ငွေစက္ကူတွေ ထွက်လာတယ်။

ဒီလို ပမာဏမြင့်မားတဲ့ ငွေစက္ကူတွေ ထွက်လာရတာဟာ စီးပွားရေး တိုးတက်လာတာမဟုတ်ဘူး။ ချွတ်ချုံကျ ပျက်ယွင်းလာတာပဲ ဖြစ်တယ်။ ဘာလို့လဲဆိုတော့ ဒီငွေစက္ကူတွေဟာ တန်ဖိုးကြီးသလို ထင်ရပေမယ့် ဒီငွေပမာဏတွေရဲ့ မူလတန်ဖိုးကတော့ တက်မလာလို့ပဲ ဖြစ်ပါတယ်။ ဥပမာ- လွန်ခဲ့တဲ့ အနှစ်နှစ်ဆယ်တုန်းက မုန့်ဟင်းခါးတပွဲရဲ့ တန်ဖိုးဟာ နှစ်ကျပ် ဆိုပါစို့။ အခုအချိန်မှာ မုန့်ဟင်းခါးတပွဲရဲ့ တန်ဖိုးဟာ တထောင်ဖြစ်နေတယ်ဆိုရင် ဈေးနှုန်းဟာ ငါးရာ တက်သွားပြီလို့ ဆိုနိုင်ပါတယ်။ ဒီတော့ ယနေ့ခေတ် ငွေငါးထောင်ကျပ်တန်ရဲ့ တန်ဖိုးဟာ ဟိုလွန်ခဲ့တဲ့ အနှစ်နှစ်ဆယ်က ငွေတဆယ်တန် တရွက်ရဲ့ တန်ဖိုးအတိုင်းပဲ ရှိတယ်လို့ ဆိုနိုင်ပါတယ်။

နောက်တချက်က ငွေကြေးသုံးစွဲနိုင်မှု အခြေအနေနဲ့ ဆက်စပ်ပါတယ်။ ပမာဏကြီးမားတဲ့ ငွေကြေးတွေ ထွက်ပေါ်လာတာဟာ ပြည်သူတွေရဲ့ ငွေသုံးစွဲနိုင်မှု ပမာဏ များပြားလာတာ မဟုတ်ပါဘူး။ တလကို ၀င်ငွေ ငါးသောင်း ရှိသူတယောက်ဟာ သူ့ရဲ့ ၀င်ငွေအနေနဲ့ တထောင်တန် အရွက်ငါးဆယ် ရခဲ့မယ်ဆိုရင် အခုငါးထောင်တန် ငွေစက္ကူသစ်တွေ ထွက်ပေါ်လာမှုမှာ ငါးထောင်တန် ငွေစက္ကူ ဆယ်ရွက် ရရှိလာတာပဲ ဖြစ်ပါလိမ့်မယ်။ ဒါပေမယ့် ငွေကြေးသုံးစွဲနိုင်မှု အခြေအနေကတော့ ပိုပြီးတောင် လျော့နည်းသွားနိုင်ပါတယ်။ ဘာကြောင့်လဲဆိုတော့ ပမာဏမြင့်မားတဲ့ ငွေစက္ကူသစ်တွေ ထွက်ပေါ်လာချိန်တိုင်းမှာ ကုန်ဈေးနှုန်းတွေ မြင့်တက်လာတတ်လို့ပါပဲ။ ဒီလိုတွေ ဖြစ်လာတဲ့အခါ ပြည်သူတွေရဲ့ ငွေသုံးစွဲနိုင်မှု လျော့ကျသွားပါတယ်။ ကြီးမားလှတဲ့ ကုန်ဈေးနှုန်းတွေကို ကာမိဖို့ လုပ်ကြရင်း လုပ်ခတွေ မြင့်တက်လာပြန်တယ်။ ဒီလိုနဲ့ ငွေကြေးရိုက်နှက်ထုတ်လုပ်မှု၊ ကုန်ဈေးနှုန်းကြီးမားမှု၊ လစာတိုးမြင့်မှု၊ ကုန်ဈေးနှုန်းကြီးမားမှု၊ ငွေကြေးရိုက်နှက်ထုတ်လုပ်မှုတွေဟာ ကြောင်လိမ်လှေကား သဖွယ် တစတစ မြင့်တက်လာတာပဲ ရှိပြီး ပြန်ဆင်းတယ်ဆိုတာ မရှိတော့ပါဘူး။

တခါတရံမှာ အစိုးရက ဒီပြဿနာကို ၀ိသမ စီးပွားရေးသမားတွေလုပ်တာဆိုပြီး ကုန်သည်တွေကို ဖမ်းတာ၊ ခေါ်ယူသတိပေးတာတွေ ပြုလုပ်တတ်ပါသေးတယ်။ ဒီလို ကုန်သည်ကြီးများရဲ့ လုပ်ငန်းဆောင်တာတွေကို ထိန်းချုပ်တယ်ဆိုရင်တဲ့ တိကျတဲ့ မူဝါဒတွေ ချမှတ်ပြီးမှ ပြုလုပ်လို့ရပါတယ်။ အာဏာရှင်အသိုင်းအ၀ိုင်းနဲ့ နီးစပ်တဲ့ ကုန်သည်များကို မူဝါဒတမျိုး၊ နီးစပ်မှုမရှိတဲ့ ကုန်သည်များကို မူဝါဒ တမျိုး ပြုလုပ်လို့ မရပါဘူး။ အဓိက မြန်မာနိုင်ငံမှာ ဖြစ်ပျက်နေတဲ့ စီးပွားရေးယိုယွင်းပျက်စီးမှု၊ ငွေကြေးစနစ် ယိုင်နဲ့မှု ပြဿနာကတော့ “ရွှေသမင် ဘယ်ကထွက်၊ မင်းကြီးတာကထွက်“ ဆိုသလိုပဲ ပြဿနာရဲ့ အစဟာ နိုင်ငံတော်ရဲ့ စီးပွားရေးစီမံခန့်ခွဲမှု ညံ့ဖျင်းမှုနဲ့ တိုင်းပြည်ရဲ့ money supply ကို ချုပ်ကိုင်ပြီး ထင်ရာစိုင်းလုပ်နေတဲ့ instrument potency မြင့်မားမှု၊ ငွေကြေးဖောင်းပွမှုနှုန်းမြင့်မားမှု စတာတွေကြောင့်ပဲ ဖြစ်ပါတယ်။ ဒီလို ပမာဏကြီးမားတဲ့ ငွေစက္ကူတွေ ရိုက်နှိပ်ထုတ်ဝေနေရမှုဟာ အဆမတန်ကြီးမားနေတဲ့ တိုင်းပြည်ရဲ့ ငွေကြေးဖောင်းပွမှုနှုန်းရဲ့ အကျိုးဆက်လို့ ဆိုနိုင်ပါတယ်။

ငွေကြေးဖောင်းပွမှု

ငွေကြေးဖောင်းပွမှုနှုန်းဆိုတာ နှစ်စဉ်တက်လာတဲ့ ဈေးနှုန်းရာခိုင်နှုန်းတွေကို တိုင်းတာတဲ့ indicator တခုဖြစ်ပါတယ်။ အများဆုံးအသုံးပြုတဲ့ ဈေးနှုန်းတွေကတော့ retail prices ပဲ ဖြစ်ပါတယ်။ လက်ရှိမြန်မာနိုင်ငံရဲ့ ငွေကြေးဖောင်းပွမှုနှုန်းဟာ နှစ်စဉ် သုံးဆယ်ရာခိုင်နှုန်းဝန်းကျင်မှာ ရှိကြောင်း စီးပွားရေး ပညာရှင်များက တွက်ချက်ထားကြပါတယ်။ နိုင်ငံတနိုင်ငံနဲ့ တနိုင်ငံရဲ့ ငွေကြေးဖောင်းပွမှုနှုန်း အတက်အကျသဏ္ဍာန် မတူညီပေမယ့် စီးပွားရေး ဖွံ့ဖြိုးတိုးတက်တဲ့ နိုင်ငံအများစုရဲ့ ငွေကြေး ဖောင်းပွမှုနှုန်းဟာ ၂ ရာခိုင်နှုန်းနဲ့ ၆ ရာခိုင်နှုန်း အကြားမှာပဲ ရှိတတ်ပါတယ်။ ငွေကြေးဖောင်းပွမှုနှုန်း မြင့်တက်လာတာကို ထိန်းချုပ်တဲ့ နည်းလမ်းပေါင်းများစွာကိုလဲ ဗဟိုဘဏ်နဲ့ အစိုးရ မူဝါဒပြုလုပ်သူတွေက အသုံးပြုကြပါတယ်။ ငွေကြေးဖောင်းပွမှုနှုန်း မြင့်မားတာဟာ တိုင်းပြည်စီးပွားရေးကို ထိခိုက်မှုရှိကြောင်း သိရှိနားလည်ကြလို့ပဲ ဖြစ်ပါတယ်။

ငွေကြေးဖောင်းပွမှုနှုန်း မြင့်မားတဲ့အခါ income redistribution၊ balance of paymentsနဲ့ အရင်းအမြစ်ပိုင်းဆိုင်ရာ အကျိုးဆက်တွေ ဖြစ်စေနိုင်ပါတယ်။ ငွေကြေးဖောင်းပွမှုဟာ ပုံမှန်ဝင်ငွေရှိသူများ (ဥပမာ- လခစားလုပ်သားများ) နဲ့ ကျပန်းလုပ်သားများ၊ ဆင်းရဲနွမ်းပါးသူများရဲ့ ၀င်ငွေတွေကို စီးပွားရေး တောင့်တင်းသူများ၊ ပုံမှန်ဝင်ငွေမဟုတ်တဲ့ အကျိုးအမြတ် ရရှိသူများထံ redistribute လုပ်ပါတယ်။ ဒီအခါမှာ ပုံမှန်အတိုးနှုန်းပဲ ရတဲ့ ဘဏ်တွေမှာ အပ်နှံစုဆောင်းမှုတွေထက် တခြား assets တွေ (ဥပမာ- အိမ်၊ ခြံမြေ) စတာတွေမှာ ရင်းနှီးမြှုပ်နှံမှုက အကျိုးအမြတ် ပိုများပါတယ်။ ဒီတော့ အကျိုးအမြတ် နည်းတာကြောင့်ပဲဖြစ်ဖြစ်၊ ယုံကြည်မှုနည်းလို့ပဲဖြစ်ဖြစ် ဘဏ်တွေမှာ ငွေကြေးအပ်နှံမှုက နည်းပါး လာပါတယ်။ ၁၉၉၄ ခုနှစ်မှာ ၃၅ သိန်းတန် လုံးချင်းတိုက်လေးတခုဟာ အခု ၂၀၀၉ ခုနှစ်မှာ သိန်း သုံးရာ့ ငါးဆယ်၊ လေးရာ မှာ ဖြစ်နေပါပြီ။ ကျပ် ၃၅ သိန်းကို ဘဏ်မှာသာ အပ်ထားခဲ့မယ်ဆိုရင် ရမယ့် အတိုးနှုန်းက ငွေဖောင်းပွမှုရာခိုင်နှုန်းထက် နည်းနေမှာ ဖြစ်တဲ့အတွက် ရင်းနှီးမြှုပ်နှံမှု အရှုံးပေါ်တယ်လို့ ဆိုနိုင်ပါတယ်။ ဒါကြောင့် ဘဏ်အတိုးနှုန်းမြှင့်ပြီး ငွေကြေးဖောင်းပွမှုကို လျော့ကျအောင် လုပ်ဖို့က အလွန်ပဲ ခက်ခဲနေမှာ ဖြစ်ပါတယ်။ ငွေကြေးဖောင်းပွမှုဟာ savings ပေါ် အခြေခံတဲ့ ရင်းနှီးမြှုပ်နှံသူတွေဆီကနေ တန်ဖိုးမြင့်တက်မယ့် assets တွေမှာ ရင်းနှီးမြှုပ်နှံမှုတွေဆီကို ချမ်းသာကြွယ်ဝမှု (wealth) ကို redistribute လုပ်လိုက်တာကြောင့် savings မှာ လျော့ကျမှု ဖြစ်စေပါတယ်။

နောက်ထပ်အကျိုးဆက်တခုကတော့ မသေချာမရေရာမှုနဲ့ ရင်းနှီးမြှုပ်နှံမှု နည်းပါးခြင်းတွေကို ဖြစ်စေနိုင်တာ ဖြစ်ပါတယ်။ ငွေကြေးဖောင်းပွမှုနှုန်းတွေ ထိုးတက်နေတဲ့အခါ fluctuations ဖြစ်တာများပါတယ်။ အဲဒီအခါမှာ စီးပွားရေးအသိုင်းအ၀ိုင်းအတွင်းမှာ မသေချာ၊ မရေရာမှုတွေ ဖြစ်လာပါတော့တယ်။ စရိတ်တွေနဲ့ ၀င်ငွေတွေကို ခန့်မှန်းဖို့ ခက်ခဲလာပါတယ်။ ပြည်ပက မှာယူတဲ့ ပစ္စည်းတွေဆို ပိုဆိုးပါတယ်။ ပြည်ပကနေ အမေရိကန် ဒေါ်လာ ၂၈၀ တန် ပစ္စည်းတခုကို ငွေလဲနှုန်း ၅၀၀ နဲ့ တွက်ချက်ပြီး၊ အမြတ်နဲ့ ကုန်ကျစရိတ်တွေပါ ထပ်ဖြည့်လိုက်ပြီးတော့ မြန်မာကျပ်ငွေ တသိန်းခွဲနဲ့ ရောင်းချနေတယ် ဆိုပါစို့။ နောက်ထပ် လေးလအကြာမှာ ပစ္စည်းသစ်တွေ ထပ်မှာတော့ ဒေါ်လာ ၂၈၀ က ဈေးမတက်ပေမယ့် ငွေလဲနှုန်းက ခြောက်ရာ ဖြစ်နေပါပြီ။ ဒီလိုအခြေအနေမျိုးတွေကို စီးပွားရေးသမားတွေ ကြုံခဲ့ကြရပါတယ်။ ဈေးတွေထပ်တင်ပြန်တော့ ကုန်သည်တွေ ၀ိသမလောဘနဲ့ လုပ်တယ်ဆိုပြီး ခေါ်ယူပြစ်တင်ကြိမ်းမောင်း ခံကြရပြန်ပါတယ်။ ဒါပေမယ့် ဒီလိုဖြစ်ရပ်တွေဟာ နိုင်ငံတော်ရဲ့ စီးပွားရေး စီမံခန့်ခွဲမှု ညံ့ဖျင်းပြီး၊ ငွေဖောင်းပွမှုနှုန်းကို စနစ်တကျ မထိန်းချုပ်နိုင်လို့ပဲ ဖြစ်ပါတယ်။

ဒီလို အခြေအနေတွေ ဖြစ်လာတဲ့အခါကျတော့ ရင်းနှီးမြှုပ်နှံမှုမှာ လူတွေရဲ့ စိတ်ပါဝင်စားမှု လျော့နည်းလာပါတော့တယ်။ မြန်မာလူငယ်တွေ ပြည်ပအထွက်များတာ၊ ပြည်ပမှာ ကျောင်းသွားတက်ပြီး၊ ပြည်ပနိုင်ငံတွေဆီမှာ အလုပ်ဝင်တာတွေအပေါ်မှာ ပြစ်တင်ဝေဖန်မှုတွေ ရှိကြပါတယ်။ ပြည်ပမှာ ကျောင်းတက်တဲ့အခါ ၊ ဥပမာ- အင်္ဂလန်ကို ကျောင်းလာတက်တဲ့အခါမှာ ၃နှစ်တာကြာတဲ့ ဂုဏ်ထူးဘွဲ့ကို တက်မယ်ဆိုရင် ကျောင်းစရိတ်၊ နေထိုင်စရိတ် စသဖြင့် စုစုပေါင်း စတာလင်ပေါင် ခြောက်သောင်းခန့် ကုန်ကျနိုင်ပါတယ်။ မြန်မာငွေပေါက်ဈေးနဲ့ တွက်မယ်ဆိုရင် ဒီငွေဟာ ငွေကျပ်သိန်းပေါင်း ကိုးရာ ၀န်းကျင်မှာ ရှိပါတယ်။ ဒီငွေတွေနဲ့ မြန်မာနိုင်ငံမှာ စီးပွားရေး လုပ်မယ်ဆိုရင် အတိုင်းအတာတခုအထိတော့ လုပ်နိုင်ပါတယ်။ ဒါပေမယ့် မြန်မာလူငယ်တွေ ဘာကြောင့် စီးပွားရေးရင်းနှီးမြှုပ်နှံမှု လမ်းကြောင်းကို မရွေးချယ်ကြပါသလဲ။ အင်္ဂလန်မှာ ပညာသင်ရမှဆိုတဲ့ စွဲစွဲလန်းလန်း စိတ်မရှိဘူးဆိုရင်တော့ အင်္ဂလန်က ဘွဲ့ရပြီးရင် ဥရောပမှာ အလုပ်မလုပ်ရင်တောင် အာရှတိုက်နိုင်ငံများမှာ သေချာရေရာတဲ့ အလုပ်တခုတော့ ရမှာပဲဆိုတဲ့ မျှော်လင့်ချက်တွေနဲ့ ဖြစ်ပါတယ်။ ဘ၀နောင်ရေးအတွက် ပညာရေးမှာ ရင်းနှီးမြှုပ်နှံမှု ပြုလုပ်ခြင်းပဲ ဖြစ်ပါတယ်။ မြန်မာနိုင်ငံရဲ့ စီးပွားရေး ရင်းနှီးမြှုပ်နှံမှုကသာ ရေရာသေချာမှုရှိတယ်ဆိုရင် ပညာရှင်ပဲ ဖြစ်ချင်တယ်ဆိုတဲ့ ကျောင်းသားတချို့ကလွဲပြီး ကျန်လူများကတော့ သူများနိုင်ငံမှာ ၀န်ထမ်းဘ၀နေမယ့်အစား ကိုယ့်မြေ၊ ကိုယ့်ရေမှာ စီးပွားရေးလုပ်ငန်းလုပ်ကိုင်နေသူတွေ ဖြစ်နေမှာ မလွဲမသွေပါပဲ။ အခုလက်ရှိအခြေအနေမှာတော့ အောင်မြင်နေတဲ့ စီးပွားရေးလုပ်ငန်းရှင်များကိုယ်တိုင်ကိုက သား၊ သမီးတွေ အရွယ်ရောက်တာနဲ့ နိုင်ငံရပ်ခြားပို့၊ ပညာသင်ပေးပြီး၊ မြန်မာပြည်ပြန်မလာဖို့ ပြောဆိုနေကြတဲ့ အခြေအနေတွေ ဖြစ်ကုန်ခဲ့ပါပြီ။ တနည်းဆိုရင် နိုင်ငံတော်အတွက်တော့ ဦးနှောက်ယိုစီးမှု ပြဿနာပါပဲ။ ဒီလိုဖြစ်ရပ်တွေဟာ ငွေကြေးဖောင်းပွမှုကြောင့် စီးပွားရေးရင်းနှီးမြှုပ်နှံမှုအပေါ်မှာ ယုံကြည်မှု နည်းရာက ဖြစ်လာခဲ့တဲ့ အကျိုးဆက်တွေပါပဲ။

နောက်တချက်ကတော့ ငွေကြေးဖောင်းပွမှုဟာ နိုင်ငံတော် စီးပွားရေးအခန်းကဏ္ဍနဲ့ နိုင်ငံတကာ ကုန်သွယ်ရေးမှာ အဓိကကျတဲ့ Balance of payments ကို ပျက်ယွင်းစေနိုင်ပါတယ်။ တကယ်လို့ နိုင်ငံတနိုင်ငံမှာ ငွေကြေးဖောင်းပွမှုနှုန်း သိပ်မြင့်နေမယ်ဆိုရင် ဒီနိုင်ငံရဲ့ ပို့ကုန်တွေဟာ ကမ္ဘာ့ဈေးကွက်မှာ ပြိုင်ဆိုင်နိုင်တဲ့ အခြေအနေ လျော့ကျပါတယ်။ တပြိုင်နက်တည်းမှာပဲ ပြည်ပသွင်းကုန်တွေဟာ ပြည်တွင်းထုတ်လုပ်တဲ့ ကုန်ပစ္စည်းတွေထက် ပိုပြီး ဈေးပေါပါတယ်။ ဒီတော့ စုစုပေါင်း ပို့ကုန်ပမာဏလျော့ကျပြီး သွင်းကုန်ပမာဏ ကြီးမားပါတယ်။ ဒီအခါမှာ Balance of payments ပျက်စီးယိုယွင်းသွားနိုင်ပါတယ်။

နောက်တချက်ကတော့ အရင်းအမြစ်တွေနဲ့ သက်ဆိုင်ပါတယ်။ ငွေကြေးဖောင်းပွမှုရဲ့ အကျိုးဆက်တွေကို ဖြေရှင်းဖို့အတွက် ပိုလျှံတဲ့ အရင်းအမြစ်တွေကို ထပ်မံ သုံးစွဲကြရတာ ဖြစ်ပါတယ်။ မသေချာမရေရာမှုတွေကို စီမံခန့်ခွဲနိုင်ဖို့အတွက် စီးပွားရေးလုပ်ငန်းတွေဟာ စာရင်းကိုင်တွေ၊ တခြားဘဏ္ဍာရေးကျွမ်းကျင်သူတွေကို ထပ်မံငှားရမ်းကြရပါတယ်။ အခုလို ကမ္ဘာ့စီးပွားရေးပျက်ကပ်မှာ နိုင်ငံတကာ စီးပွားရေးလုပ်ငန်းကြီးတွေအားလုံး risk professionals တွေ ကို အပြိုင်အဆိုင်၊ အလုအယက် ခန့်အပ်တာဝန်ပေးနေကြပါတယ်။

ငွေကြေးဖောင်းပွမှုအကျိုးဆက်တွေဟာ ဖောင်းပွမှုနှုန်း ဂဏန်း တလုံးတည်း ရှိတဲ့အခါမှာ သိပ်ဆိုးဆိုးရွားရွားမရှိပေမယ့် ဆယ်ရာခိုင်နှုန်း ကျော်လာပြီဆိုတာနဲ့ အန္တရာယ်ကြီးလာပါပြီ။ ဈေးကွက်တခုလုံးကို ပျက်စီးယိုယွင်းနိုင်စွမ်း ရှိနေလို့ပါပဲ။ အဲလိုအချိန်မှာ အထက်မှာဆိုခဲ့သလိုပဲ လုပ်ငန်းတွေက အဆမတန်ကြီးထွားနေတဲ့ စရိတ်တွေကို ကာမိအောင် ဈေးနှုန်းတွေ မြှင့်မယ်။ လုပ်သားတွေက အဆမတန်ကြီးမားနေတဲ့ ကုန်ဈေးနှုန်းတွေ၊ နေထိုင်မှုကုန်ကျစရိတ်တွေကို ကာမိအောင် လုပ်ခတွေကို ပိုတောင်းမယ်။ ဒီတော့ ဈေးနှုန်းက တက်လိုက်၊ လုပ်ခကတက်လိုက်၊ ဈေးနှုန်းက ထပ်တက်လိုက်နဲ့ ဘောဂဗေဒအခေါ်အားဖြင့် ever- rising inflationary spiral ဆိုတဲ့ ငွေကြေးဖောင်းပွမှုက ကြောင်လိမ်လှေကားလို တပတ်ပြီးတပတ်ရစ်ပြီး တက်သွားတဲ့ အနေအထားကို ရောက်တော့တာပါပဲ။ ဒီလိုဆိုးဝါးတဲ့ အကျိုးဆက်တွေနဲ့ စီးပွားရေးအဆောက်အအုံတခုလုံး ပြိုလဲမှု မဖြစ်စေဖို့ ငွေကြေးဖောင်းပွမှု ပြဿနာကို ဖြေရှင်းနိုင်မယ့် သင့်လျော်တဲ့ မူဝါဒများ ချမှတ်အကောင်အထည်ဖော်ဖို့ လိုအပ်ပါတယ်။

ငွေကြေးဖောင်းပွမှုနှုန်း ထိန်းချုပ် လျှော့ချရေး မူဝါဒများ

ငွေကြေးဖောင်းပွမှုနှုန်း မြင့်မားလာမှုကို ထိန်းချုပ်လျှော့ချရေး မူဝါဒတွေအကြောင်း မဖော်ပြခင်မှာ ငွေကြေးဖောင်းပွမှုကို ဖြစ်စေတဲ့ ၀ယ်လိုအားဆွဲအား ငွေကြေးဖောင်းပွမှု (Demand-pull inflation) နဲ့ စရိတ်တွန်းအား ငွေကြေးဖောင်းပွမှု (Cost-push inflation) အမျိုးအစားတွေအကြောင်းကို အနည်းငယ် တင်ပြလိုပါတယ်။ စီးပွားရေးအဆောက်အအုံထဲက ဈေးနှုန်းတွေကို aggregate demand နဲ့ aggregate supply တို့ရဲ့ ဆက်စပ်မှုတွေက အဆုံးအဖြတ်ပေးပါတယ်။ aggregate demand ဆိုတာက စားသုံးသူ၊ အစိုးရ၊ ရင်းနှီးမြှုပ်နှံနေတဲ့ စီးပွားရေးလုပ်ငန်းများနဲ့ နိုင်ငံခြားသားများရဲ့ စုစုပေါင်း သုံးစွဲမှုတွေ ဖြစ်ပါတယ်။ သက်ဆိုင်ရာ ဈေးနှုန်းအမျိုးမျိုးမှာ လုပ်ငန်းတွေက ဘယ်လောက်အရေအတွက်အထိ ထုတ်လုပ်ဖို့ ဆန္ဒရှိလဲ ဆိုတာကိုတော့ ဘောဂဗေဒပညာရှင်တွေက aggregate supply curve နဲ့ ညွှန်ပြကြပါတယ်။ ဒီ curve နှစ်ခု ဆုံတဲ့ ဆုံမှတ်ဟာ equilibrium price level ပဲ ဖြစ်ပါတယ်။ ပိုပြီးရှင်းလင်းအောင် ပုံနဲ့ တွဲပြီး ဖော်ပြထားပါတယ်။

အထက်က ပုံမှာ ဖော်ပြထားတာက aggregate demand aggregate supply တို့ ဆုံတဲ့ နေရာမှာ ပေါ်ထွက်လာတဲ့ ဈေးနှုန်းနဲ့ ထုတ်ကုန်အနေအထားတွေ ဖြစ်ပါတယ်။ ၀ယ်လိုအားဆွဲအားကြောင့် ဖြစ်ပေါ်တဲ့ ငွေကြေးဖောင်းပွမှုဆိုတာက aggregate demand မြင့်တက်လာပြီး၊ ပုံမှာ ဖော်ပြထားတဲ့ AD curve ဟာ ညာဘက်ကို ရွေ့သွားတဲ့ အခြေအနေကို ဆိုလိုတာပါ။

အထက်က ပုံမှာတွေ့မြင်ရတဲ့အတိုင်း aggregate demand မြင့်တက်လာတဲ့အခါမှာ ဈေးနှုန်းလဲ မြင့်တက်သွားပါတယ်။ ၀ယ်လိုအားဆွဲအားငွေကြေးဖောင်းပွမှုကို ဖြစ်စေတဲ့ အကြောင်းရင်းတွေကတော့ စားသုံမှုမြင့်တက်လာတာ (သို့မဟုတ်) အစိုးရ အသုံးစရိတ်မြင့်မားလာတာ (သို့မဟုတ်) ရင်းနှီးမြှုပ်နှံမှုပမာဏ မြင့်မားလာတာ (သို့မဟုတ်) ပို့ကုန်ပမာဏ များပြားမှုကနေ ၀ယ်လိုအား မြင့်တက်လာတာ (သို့မဟုတ်) ဒီအချက်တွေအားလုံးလဲ ဖြစ်နိုင်ပါတယ်။

စရိတ်တွန်းအားကြောင့် ဖြစ်ပေါ်တဲ့ ငွေကြေးဖောင်းပွမှုမှာကျတော့ aggregate supply curve က ဘယ်ဘက်ကို ရွေ့လျားသွားတဲ့ အခြေအနေကို ဆိုလိုတာပါ။ စရိတ်တွေကြီးမားလာတဲ့အခါ စီးပွားရေးလုပ်ငန်းတွေအနေနဲ့ ဈေးနှုန်းတက်တာ၊ ထုတ်လုပ်မှုပမာဏလျှော့ချတာတွေ ပြုလုပ်ပါတယ်။ ဒီအခါမှာ ဈေးနှုန်းတွေ မြင့်တက်ပြီး၊ ထုတ်ကုန်ပမာဏလျော့ကျသွားပါတယ်။

ဒီလို စရိတ်တွန်းအားငွေကြေးဖောင်းပွမှု ဖြစ်လာရတဲ့ အကြောင်းရင်းတွေကတော့ ကုန်ကြမ်းတင်သွင်းမှု စရိတ်စကတွေ ကြီးမားလာတာ၊ လုပ်အားခတွေ မြင့်မားလာတာ၊ အစိုးရရဲ့ သွယ်ဝိုက်အခွန်အခနှုန်းထားတွေ မြင့်မားလာတာ စတာတွေကြောင့်ပဲ ဖြစ်ပါတယ်။ ဘောဂဗေဒပညာရှင်များကတော့ လုပ်ခတွန်းအား ငွေကြေးဖောင်းပွမှု၊ အမြတ်တွန်းအား ငွေကြေးဖောင်းပွမှု၊ သွင်းကုန်ဈေးနှုန်းတွန်းအား ငွေကြေးဖောင်းပွမှု၊ အခွန်တွန်းအား ငွေကြေးဖောင်းပွမှု၊ သဘာဝသယံဇာတပစ္စည်းများ ရှားပါးမှု စတဲ့ စရိတ်ကြီးမားလာရခြင်းဆိုင်ရာ ငွေကြေးဖောင်းပွမှုအမျိုးမျိုးကို ခွဲခြားဖော်ပြလေ့ရှိပေမယ့် ဘောဂဗေဒ ကျမ်းတစောင် ရေ့းသားနေခြင်း မဟုတ်တဲ့အတွက် အသေးစိတ်ရေးသား ဖော်ပြခြင်း မပြုလိုပါဘူး။ မူဝါဒရေးရာများမှာ demand-side မူဝါဒတွေနဲ့ supply-side မူဝါဒများရှိတဲ့အတွက် ဘောဂဗေဒအခြေခံ သဘောတရားများကို ထည့်သွင်းဖော်ပြခြင်းသာ ဖြစ်ပါတယ်။

Demand-side မူဝါဒတွေမှာ monetary policy နဲ့ fiscal policy ဆိုပြီး နှစ်မျိုးရှိပါတယ်။ Fiscal policy က အစိုးရအသုံးစရိတ်၊ အခွန်ကောက်ခံခြင်းတွေနဲ့ သက်ဆိုင်ပါတယ်။ aggregate demand ကို အစိုးရအသုံးစရိတ်လျှော့ချခြင်း၊ အခွန်များတိုးမြှင့်ကောက်ခံ၍ စားသုံးသူများ၏ ငွေသုံးစွဲနိုင်စွမ်း လျှော့ချခြင်း စတဲ့ မူဝါဒတွေအသုံးပြုပြီး လျော့နည်းအောင် ပြုလုပ်လို့ ရပါတယ်။ ဒါကတော့ deflationary fiscal policy ဖြစ်ပါတယ်။ တခြားအမျိုးအစားတခုဖြစ်တဲ့ reflationary fiscal policy ကတော့ အလုပ်လက်မဲ့ပြဿနာနဲ့ ဆိုင်တာဖြစ်တဲ့အတွက် ဒီဆောင်းပါးမှာ မဖော်ပြတော့ပါဘူး။

နောက်တမျိုးဖြစ်တဲ့ Monetary policy ကတော့ ငွေကြေးရိုက်နှိပ်ထုတ်ဝေသုံးစွဲမှု (money supply) အတိုးနှုန်း (interest rate) စတာတွေနဲ့ သက်ဆိုင်ပါတယ်။ အစိုးရမှ ငွေကြေးရိုက်နှိပ်ထုတ်ဝေမှုတွေ လျှော့ချခြင်း၊ အစိုးရမှ ငွေကြေးရိုက်နှိပ်ထုတ်ဝေမှုကို အလိုရှိသလိုပြုလုပ်နေသည့် instrument potency လျော့နည်းအောင် လွတ်လပ်စွာ လုပ်ဆောင်ခွင့်ရှိသော ဗဟိုဘဏ်နှင့် တင်းကြပ်သော ဘဏ္ဍာရေးဥပဒေများဖြင့် ထိန်းချုပ်ခြင်း၊ အတိုးနှုန်းများ မြှင့်တင်ခြင်း စတဲ့ နည်းလမ်းတွေနဲ့ aggregate demand ကို လျော့ကျအောင် ပြုလုပ်လို့ရပါတယ်။

Supply-side မူဝါဒကကျတော့ စရိတ်စက ကြီးမားလာမှုကို ထိန်းချုပ်တာတွေနဲ့ သက်ဆိုင်ပါတယ်။ ဒီလိုထိန်းချုပ်ရာမှာ ဈေးနှုန်းနဲ့ ၀င်ငွေတွေကို monopoly ပြုလုပ်မှုများကို ထိန်းချုပ်ခြင်း (ဥပမာ- ကုန်သည်ကြီးများအသင်းရဲ့ ဈေးကွက်ကို ထိန်းချုပ်ရန် ကြိုးပမ်းသော လှုပ်ရှားမှုများကို ကန့်သတ်သည့် မူဝါဒများချမှတ်ခြင်း၊ လုပ်ခနှင့် ဈေးနှုန်းများကို ထိန်းချုပ်ရေး မူဝါဒများ ချမှတ်ခြင်း၊ ငါးကြီးမှ ငါးသေးမျိုသည့် သဏ္ဍာန်ဖြစ်သော လုပ်ငန်းကြီးများမှ လုပ်ငန်းငယ်များကို take-over လုပ်ခြင်းများကို ကန့်သတ်ခြင်းစသည်များ) နဲ့ ထုတ်လုပ်မှု တိုးတက်မြင့်မားရေး မူဝါဒများ ချမှတ်ခြင်း (ဥပမာ- tax incentives များပေးခြင်း၊ သုတေသနနှင့် ဖွံ့ဖြိုးတိုးတက်ရေးကို အားပေးခြင်း၊ နောက်ဆုံးပေါ် စက်ပစ္စည်းများတွင် ရင်းနှီးမြှုပ်နှံခြင်းနှင့် လုပ်သားများအားလေ့ကျင့်သင်တန်းပေးရေးအစီအစဉ်များအတွက် ထောက်ပံ့ကြေးငွေများ ပေးခြင်းစသည်များ) ကို ပြုလုပ်နိုင်ပါတယ်။

နိဂုံး

နိဂုံးချုပ်ဆိုရရင် အခုလို ကျပ်ငါးထောင်တန် ငွေစက္ကူအသစ်များ ထွက်ပေါ်လာတာဟာ တိုင်းပြည်စီးပွားရေးအတွက် ကောင်းမွန်တဲ့ လက္ခဏာတရပ် မဟုတ်ပါဘူး။ ဒါဟာ ငွေကြေးဖောင်းပွမှုရဲ့ နောက်ဆက်တွဲ အကျိုးဆက်ပဲ ဖြစ်ပါတယ်။ မဆလ၊ န၀တ၊ နအဖစစ်အုပ်စု အဆက်ဆက်ရဲ့ တိုင်းပြည်စီးပွားရေးစီမံခန့်ခွဲမှု ညံ့ဖျင်းခြင်းရဲ့ ရလာဒ်တွေပဲ ဖြစ်ပါတယ်။ သေနတ်ပစ်တတ်တိုင်း စစ်မတိုက်တတ်ပါဘူး။ စစ်တိုက်တတ်တိုင်းလဲ တိုင်းပြည်အုပ်ချုပ်ရေး နားမလည်ပါဘူး။ တိုင်းပြည်အုပ်ချုပ်ရေး နားလည်တိုင်းလဲ မူဝါဒတခုချင်းစီကို အသေးစိတ် မရေးဆွဲတတ်ပါဘူး။ မူဝါဒရေးဆွဲတတ်တိုင်းလဲ မူဝါဒအကောင်အထည် မဖော်နိုင်ပါဘူး။ မူဝါဒအကောင်အထည်ဖော်တတ်တိုင်းလဲ တိုင်းပြည်မအုပ်ချုပ်နိုင်ပါဘူး။ တိုင်းပြည်အုပ်ချုပ်နိုင်တိုင်းလဲ ရှေ့တန်းစစ်မြေပြင်မှာ စစ်မတိုက်နိုင်ပါဘူး။ မိသားစုတခုပဲ ဖြစ်ဖြစ်၊ အဖွဲ့အစည်းတခုပဲဖြစ်ဖြစ်၊ တိုင်းပြည်တခုပဲ ဖြစ်ဖြစ်မှာ လူမှန်၊ နေရာမှန် ဖြစ်ဖို့က အရေးကြီးဆုံး ဖြစ်ပါတယ်။ ခေါင်းဆောင်၊ နောက်လိုက် အတွဲညီဖို့ လိုအပ်ပါတယ်။ ဒီလို သဟဇာတ မဖြစ်တဲ့ ဘယ်လို မိသားစုပဲဖြစ်ဖြစ်၊ အဖွဲ့အစည်းပဲဖြစ်ဖြစ်၊ တိုင်းပြည်ပဲဖြစ်ဖြစ် ရေရှည်မှာ ပြိုလဲယိုင်နဲ့မှာ အသေအချာပဲ ဖြစ်ပါတယ်။ ဒါကြောင့် တိုင်းပြည်စီးပွားရေးကို မိသားစုကောင်းစားရေး၊ ဆွေမျိုးသားချင်း ကောင်းစားရေး၊ မိတ်ဆွေအပေါင်းအသင်းနီးစပ်သူ ကောင်းစားရေး စတဲ့ ဘက်လိုက်မှုများ မရှိပဲ မှန်မှန်ကန်ကန် စီမံခန့်ခွဲနိုင်မယ့် အစိုးရသစ်တရပ် ပေါ်ထွက်လာရေးဟာ မြန်မာ့စီးပွားရေးအဆောက်အအုံရဲ့ အဓိက လိုအပ်ချက် ဖြစ်နေပါကြောင်း ရေးသား တင်ပြအပ်ပါတယ်။

ခင်မမမျိုး (၂၆၊ ၉၊ ၂၀၀၉)

ရည်ညွှန်းကိုးကား-

Colander, D. (1995) 'The stories we tell: A reconsideration of AS/AD analysis', Journal of Economic Perspectives, 9: 169-88

Cukierman, A. (1995) Central Bank Strategy, Credibility and Independence: Theory and Evidence, MOT Press, Cambridge, MA

Evans, M. (2004) Macroeconomics for Managers, Blackwell Publishing, Oxford

Gartber, M. (2003) Macroeconomics, Prentice Hall Europe, Harlow

Romer, D. (2000) 'Keynesian macroeconomics without the LM curve', Journal of Economic Perspectives, 14: 149-69

Sloman, J. (1999) Economics, 3^rd edition, Prentice Hall Europe, Harlow

သံစဉ်မဲ့အလင်္ကာများ: ကောသလမင်း၏ အိပ်မက်များ

2009-05-08T14:46:00.000+06:30

www.21.megumi.comပါ။ အခုမှလာဖြစ်လို့ ပြောတာနည်းနည်းနောက်ကျသွားတယ်။ဆောရီးနော်။

စီးပွားရေးပိတ်ဆို့အရေးယူမှု အကြောင်း တစေ့တစောင်း

2009-05-08T06:05:00.002+06:30

အခုတလော စီးပွားရေးပိတ်ဆို့အရေးယူမှုနဲ့ ပတ်သက်တဲ့ အသံတွေ ကျယ်ကျယ်လောင်လောင် ကြားနေရပါတယ်။ ဖိုရမ်တွေမှာ၊ မီဒီယာတွေမှာ၊ chat room တွေမှာ ငြင်းကြ၊ ခုန်ကြ၊ ရန်ဖြစ်ကြ၊ အမုန်းတွေပွားကြ၊ ဆွေးနွေးတဲ့ အကြောင်းအရာနဲ့ လုံးဝမပတ်သက်တော့တဲ့ ကိုယ်ရေးကိုယ်တာတွေကို အမြစ်လှန် တူးဖော်ပြီး တယောက်နဲ့ တယောက်တိုက်ခိုက်ကြနဲ့ ဖြစ်နေပါတယ်။ တကယ်တော့ စီးပွားရေးပိတ်ဆို့အရေးယူမှုဆိုတဲ့ သဘောတရားဟာ နိုင်ငံတကာ အဆင့်ကနေ တဦးချင်း အဆင့်တွေ အထိ ပတ်သက်ဆက်နွယ်နေသလို၊ ကြည့်မြင်တဲ့ ရှုထောင့်ပေါ်မှာ မူတည်ပြီး အမြင်မျိုးစုံ ကွာခြားတာကြောင့် အဖြေမှန်တခုတည်း ရှိမှာ မဟုတ်ပါဘူး။ အခုဒီဆောင်းပါးမှာ စီးပွားရေး ပိတ်ဆို့အရေးယူမှု အခြေခံသဘောတရားနဲ့ ရည်ရွယ်ချက်တွေကို ရေးသားတင်ပြပါမယ်။

စီးပွားရေး ပိတ်ဆို့မှုဆိုရာဝယ်

အိမ်တအိမ်မှာ မိသားစုဝင်တဦးက တဦးချင်းကိုပဲဖြစ်ဖြစ်၊ အများစုကိုပဲ ဖြစ်ဖြစ် ထိခိုက်စေတဲ့ လုပ်ငန်းဆောင်တာတွေ ပြုလုပ်တဲ့အခါ မိသားစုအကြီးအကဲကပဲဖြစ်ဖြစ်၊ ကျန်တဲ့ မိသားစုဝင်တွေကပဲ ဖြစ်ဖြစ် ဒဏ်ခတ်အရေးယူမှု ပြုလုပ်ပါတယ်။ ဒီလိုပါပဲ။ ရပ်ရွာထဲမှာ နေထိုင်သူတယောက်ယောက်က ရပ်ရွာအကျိုးကို ထိခိုက်စေတဲ့ လုပ်ငန်းဆောင်တာတွေပဲဖြစ်ဖြစ်၊ ရပ်ရွာထဲက နေထိုင်သူ တယောက်ယောက်ကို ထိခိုက်စေတာပဲဖြစ်ဖြစ် ပြုလုပ်လာတဲ့အခါမှာ ဒီရပ်ရွာရဲ့ တရားဥပဒေအရ အရေးယူဆောင်ရွက်မှုဆိုတာ ရှိလာပါတယ်။ လူ့အဖွဲ့အစည်းမှာ ဒါတွေဟာ နေ့စဉ်နဲ့အမျှ ဖြစ်ပျက်နေတဲ့ အရာတွေပါပဲ။

အဲ- ဒီအခါမှာ လူအများရဲ့ အကျိုးစီးပွားကို နိုင်ငံတော်အဆင့်အနေနဲ့ ထိခိုက်လာပြီ ဆိုတဲ့အခါမှာကော ဆိုတဲ့မေးခွန်းက မေးစရာဖြစ်လာပါတယ်။ Realism ရှုထောင့်အနေနဲ့ ကြည့်မယ်ဆိုရင် နိုင်ငံတွေရဲ့ အထက်မှာ ဘယ်သူမှ မရှိပါဘူး။ ဒီတော့ နိုင်ငံတော်အဆင့်အနေနဲ့ လူအများရဲ့ အကျိုးစီးပွားကို ထိခိုက်မှုတွေ (ဥပမာ- မိမိနိုင်ငံတွင်းမှာ မှီတင်းနေထိုင်တဲ့ ပြည်သူလူထုရဲ့ လူ့အခွင့်အရေးတွေကို ပိတ်ပင် စော်ကားမှုတွေ၊ နိုင်ငံတော်အကြမ်းဖက်ပြုလုပ်တာတွေ၊ နိုင်ငံဖြတ်ကျော်ရာဇ၀တ်မှုတွေကို အားပေးဆောင်ရွက်တာတွေ၊ လူအများစု သေကြေပျက်စီးစေနိုင်မယ့် လက်နက်ခဲယမ်းထုတ်လုပ်မှုတွေ) ကို လုပ်ဆောင်လာတဲ့အခါ ဘယ်သူတွေက အရေးယူမှာလဲ ဆိုတာက စဉ်းစားစရာ ဖြစ်လာပါတယ်။ ဒီအတွက် နိုင်ငံတကာ အဖွဲ့အစည်းတွေပေါ်လာတယ်။ နိုင်ငံတကာ ဥပဒေတွေ ပေါ်လာတယ်။ ဒီဥပဒေတွေကို တနိုင်ငံချင်းကပဲဖြစ်ဖြစ်၊ စုပေါင်းပြီးပဲ ဖြစ်ဖြစ် အသုံးပြုပြီး တရားဥပဒေ စိုးမိုးဖို့ ဆောင်ရွက်လာကြတယ်။ အပြည်ပြည်ဆိုင်ရာ တရားရုံးတွေ ပေါ်လာတယ်။

လူတွေမှာ ကိုယ်ကျိုးစီးပွားအတွက် ဘက်လိုက်မှုဆိုတာ ရှိသလို နိုင်ငံတော်အဆင့်တွေမှာလဲ ကိုယ်ကျိုးစီးပွား ဘက်လိုက်မှုဆိုတာလေးတွေ ရှိတာအတွက်ကြောင့် နိုင်ငံတကာတရားဥပဒေတွေ၊ နိုင်ငံတကာအဖွဲ့အစည်းတွေ၊ အပြည်ပြည်ဆိုင်ရာ တရားရုံးတွေရဲ့ ထိရောက်စွာ ဆောင်ရွက်နိုင်မှုတွေမှာလဲ အားနည်းချက်လေးတွေကတော့ ရှိနေဆဲပါပဲ။ ဒါပေမယ့် ရပ်ရွာထဲမှာ တရားဥပေဒေ မရှိတာထက်စာရင်၊ ထိရောက်မှုနည်းပေမယ့်လဲ ရှိတာက ခံသာသလို၊ နိုင်ငံတော်အဆင့်တွေမှာလဲ အများပြည်သူရဲ့ အကျိုးစီးပွားကို ထိခိုက်စေတဲ့ နိုင်ငံတွေနဲ့ အစိုးရတွေကို အရေးယူဒဏ်ခတ်မှု ရှိတာက ပိုမိုကောင်းမွန်တာကြောင့် နိုင်ငံတခုချင်းကပဲဖြစ်ဖြစ်၊ နိုင်ငံအများစုကပဲဖြစ်ဖြစ် ပြုလုပ်တဲ့ unilateral sanction, bilateral sanction, multilateral sanction တွေ ပေါ်ပေါက်လာပါတော့တယ်။ ဒီလို sanction တွေ လုပ်ကြတဲ့အခါမှာ သံတမန်ရေး၊ စီးပွားရေး၊ စစ်ရေး စသဖြင့် အမျိုးမျိုး ရှိပါတယ်။ သံတမန်ရေးအရ အရေးယူမှုဆိုတာက သံတမန်ရေးရာ ဆက်နွယ်မှုတွေကို လျှော့ချတာ၊ ဒါမှမဟုတ် ဖယ်ရှားပစ်တာဖြစ်ပြီး၊ စစ်ရေးအရ အရေးယူမှုဆိုတာကတော့ စစ်ရေးအရ ၀င်ရောက်စွက်ဖက်မှုကို ဆိုလိုတာဖြစ်ပါတယ်။ အခုဒီဆောင်းပါးမှာ စီးပွားရေး ပိတ်ဆို့မှု (economic sanction) ကို အဓိကထားပြီး ဖော်ပြပါမယ်။

စီးပွားရေး ပိတ်ဆို့မှုဆိုတာကို Routledge ဘောဂဗေဒ အဘိဓာန်ထဲမှာ နိုင်ငံတခုရဲ့ အခြေခံ နိုင်ငံရေးစနစ် (သို့မဟုတ်) ပေါ်လစီများကို ပြောင်းစေဖို့အတွက် အဲဒီနိုင်ငံအပေါ်မှာ အခြားနိုင်ငံတခုကဖြစ်စေ၊ နိုင်ငံအများစုကဖြစ်စေ ပြုလုပ်တဲ့ ကုန်သွယ်မှုအတားအဆီးများနဲ့ ကုန်သွယ်မှုနှင့် ဘဏ္ဍာရေးဆိုင်ရာ ပြစ်ဒဏ်ခတ်အရေးယူမှုများလို့ အဓိပ္ပာယ်ဖွင့် ဆိုထားပါတယ်။ ဒီလိုစီးပွားရေးပိတ်ဆို့အရေးယူမှုကို နိုင်ငံခြားရေး မူဝါဒအနေနဲ့ အသုံးပြုခဲ့တာ အခုမှ မဟုတ်ပါဘူး။ ဘီစီ 5th century လောက်က အေသင်နိုင်ငံရဲ့ အကြီးအကဲဖြစ်တဲ့ Pericles က အေသင်ရဲ့ ရန်သူဖြစ်တဲ့ စပါတာတွေဘက်က ရပ်တည်ခဲ့တဲ့ Megra ဆိုတဲ့ မြို့ပြနိုင်ငံလေးကို ကုန်သွယ်မှုပိတ်ဆို့ဖို့ အေသင်အင်ပါယာတခုလုံးကို အမိန့်ပေးခဲ့ဖူးပါတယ်။ နောက်ပိုင်းကာလတွေမှာ ကမ္ဘာ့နိုင်ငံများအကြားက ဒီလိုပိတ်ဆို့အရေးယူမှုလေးတွေ ကြိုကြား ကြိုကြား ပေါ်ပေါက်ခဲ့ပေမယ့် နှစ်ဆယ်ရာစု ကနဦးပိုင်းကစပြီး၊ ကမ္ဘာ့နိုင်ငံရေးမှာ စီးပွားရေး ပိတ်ဆို့အရေးယူမှုတွေ အများအပြား ပေါ်ပေါက်လာခဲ့ပါတော့တယ်။ ဥပမာ- ၁၉၁၄- ၁၉၁၈ ကာလက ဗြိတိန်နိုင်ငံရဲ့ ဂျာမဏီနိုင်ငံအပေါ် ပိတ်ဆို့ အရေးယူမှုတွေ၊ Co- Com လို့ခေါ်တဲ့ နေတိုးအုပ်စုနဲ့ ဂျပန်ကနေ ဆိုဗီယက်ပြည်ထောင်စုအပေါ် ပ်ိတ်ဆို့အရေးယူမှုတွေ၊ ကမ္ဘာ့ကုလသမဂ္ဂကနေ ၁၉၉၀- ၂၀၀၃ ကာလမှာ အီရတ်နိုင်ငံအပေါ် အရေးယူပိတ်ဆို့မှုတွေ စတာတွေ ဖြစ်ပါတယ်။ ၁၉၆၅ ခု၊ စူးအက် အရေးမှာတုန်းကဆိုရင် အမေရိကန်ပြည်ထောင်စုဟာ သူ့ရဲ့ မဟာမိတ်နိုင်ငံတွေဖြစ်တဲ့ ဗြိတိန်၊ ပြင်သစ်နဲ့ အစ္စရေးနိုင်ငံတို့ကိုပါ စီးပွားရေးအရ ဒဏ်ခတ်အရေးယူမှုတွေ ရှိခဲ့ပါတယ်။

ဒီလိုစီးပွားရေးပိတ်ဆို့အရေးယူမှုတွေ ပြုလုပ်ရတဲ့ ရည်ရွယ်ချက်တွေကလဲ အမျိုးမျိုးရှိပါတယ်။ ပစ်မှတ်နိုင်ငံက ပေါ်လစီတွေ ပြုပြင်ပြောင်းလဲဖို့ကနေ ပစ်မှတ်နိုင်ငံရဲ့ ခေါင်းဆောင်ပြောင်းလဲမှု၊ အစိုးရပြောင်းလဲမှု စတာတွေအထိ ရည်ရွယ်ချက် ပုံစံအမျိုးမျိုး ကွာခြားပါတယ်။ နိုင်ငံရေးပညာရှင် Barbour ကတော့ primary objective, secondary objective နဲ့ tertiary objective ဆိုပြီး အမျိုးအစား သုံးမျိုး ခွဲခြားဖော်ပြခဲ့ပါတယ်။ primary objective ကတော့ ပစ်မှတ်နိုင်ငံရဲ့ ပြုမူဆောင်ရွက်မှု၊ အုပ်ချုပ်ရေးနဲ့ ပေါ်လစီရေးရာ ပြောင်းလဲမှုတွေပါ။ ဥပမာဆိုရရင် အီရန်နိုင်ငံမှာ နယူးကလီးယားလက်နက်ထုတ်လုပ်ဖို့ကို တားဆီးဖို့အတွက် အမေရိကန်ပြည်ထောင်စုရဲ့ စီးပွားရေးပိတ်ဆို့အရေးယူမှု၊ Rhodesia နိုင်ငံမှာ တရားဥပဒေစိုးမိုးရေးနဲ့ ငြိမ်ဝပ်ပိပြားရေး ရရှိလာဖို့အတွက် စီးပွားရေး ပိတ်ဆို့အရေးယူမှု စတာတွေဖြစ်ပါတယ်။

Secondary objective ကတော့ economic sanction ပြုလုပ်တဲ့ အစိုးရတွေအနေနဲ့ သူတို့ နိုင်ငံက ပြည်သူတွေရဲ့ ထောက်ခံအားပေးမှု ကို ရရှိဖို့၊ credibility ရဖို့ ဖြစ်ပါတယ်။ Tertiary objective ကတော့ အပြည်ပြည်ဆိုင်ရာ အဆင့် တွေးခေါ်မှုတွေနဲ့ ဆိုင်ပါတယ်။ နိုင်ငံတကာ အဖွဲ့အစည်းတွေရဲ့ အဆင့်အတန်းမြှင့်တင်ရေး၊ နိုင်ငံတကာ ဥပဒေတွေရဲ့ အသုံးဝင်မှုကို ဖော်ဆောင်ရေး၊ နိုင်ငံကြီးတချို့ရဲ့ အတွေးအခေါ်၊ အယူအဆတွေကို ဖြန့်ဝေမှု စတာတွေအတွက်လဲ စီးပွားရေးအရ ပိတ်ဆို့အရေးယူမှုကို နိုင်ငံခြားရေး မူဝါဒ တခုအနေနဲ့ အသုံးပြုတတ်ကြပါတယ်။ ဥပမာဆိုရရင် Abyssinian crisis မှာတုန်းက League of Nations ရဲ့ အဆင့်ကို မြှင့်တင်ဖို့အတွက် စီးပွားရေးပိတ်ဆို့အရေးယူမှုကို foreign policy tool တခုအနေနဲ့ ဗြိတိန်နိုင်ငံက အသုံးပြုခဲ့တာတွေ၊ ကွန်မြူနစ်ဝါဒ western hemisphere မှာ ပျံ့နှံလာကို ရပ်တန့်ဖို့ အမေရိကန်က strategic tool တခုအနေနဲ့ အသုံးပြုခဲ့တာတွေ ဖြစ်ပါတယ်။

ဘယ်လိုရည်ရွယ်ချက်နဲ့ ပြုလုပ်တာပဲဖြစ်ဖြစ် ပြုလုပ်တဲ့ အလုပ်တိုင်းမှာ ရည်မှန်းချက်ပန်းတိုင် ကတော့ ရှိရမှာဖြစ်ပါတယ်။ ရေရာတိကျတဲ့ ရည်မှန်းချက်ပန်းတိုင်မရှိပဲ ဖွဲ့စည်းထားတဲ့ အဖွဲ့အစည်းတွေအတွက်၊ ရေရာတိကျတဲ့ ရည်မှန်းချက်ပန်းတိုင်မရှိပဲ ဘ၀ကို ကြုံသလို လျှောက်လှမ်းနေသူတွေအတွက်ကတော့ ဘယ်လောက်ပဲ ရည်ရွယ်ချက်တွေ ကောင်းနေနေ၊ ဘယ်လောက်ပဲ ဆန္ဒတွေ ကြီးမားနေနေ အောင်မြင်မှုဆိုတာနဲ့ အစဉ်အမြဲ ဝေးကွာနေမှာပါပဲ။ အခုဆိုရင် ကမ္ဘာတလွှားမှာ စီးပွားရေး ပိတ်ဆို့အရေးမှုတွေ ရာနဲ့ချီရှိခဲ့ပါပြီ။ တခုနဲ့တခု ချမှတ်ခဲ့တဲ့ ရည်မှန်းချက်ပန်းတိုင်တွေမတူညီပါဘူး။ ဒါနဲ့ပတ်သက်ပြီး ပညာရှင် Lindsay ဆိုသူက စီးပွားရေးပိတ်ဆို့မှု ရည်မှန်းချက်တွေနဲ့ ပတ်သက်တဲ့ framework of analysis ကို ရေးဆွဲဖော်ပြခဲ့ပါတယ်။

ပထမတချက်ကတော့ compliance ပါ။ ပစ်မှတ်နိုင်ငံကို အရေးယူမှုလုပ်တဲ့ နိုင်ငံတကာအဖွဲ့အစည်းပဲဖြစ်ဖြစ်၊ နိုင်ငံတခုခုကပဲဖြစ်ဖြစ် လိုချင်တဲ့ အခြေအနေတရပ်ဆီကို ပြောင်းလဲပေးနိုင်ရေးအတွက် ရည်ရွယ်ပါတယ်။ ဒီမိုကရေစီအသွင်ကူးပြောင်းမှု ဖြစ်စဉ် ဖော်ဆောင်မှုတွေအတွက် ဒီရည်မှန်းချက်ကို အသုံးပြုလေ့ရှိပါတယ်။ ဥပမာဆိုရင် တောင်အာဖရိကမှာ ဖြစ်ခဲ့တဲ့ ဒီမိုကရေစီအသွင်ကူးပြောင်းမှုပါ။ တောင်အာဖရိကနဲ့ ပတ်သက်ပြီး တချို့က တောင်အာဖရိကမှာ ငြိမ်းချမ်းစွာ အသွင်ကူးပြောင်းမှုအတွက် ဒိုင်ယာလော့ခ်ပေါ်ပေါက်လာတာ မင်ဒဲလားတို့ဘက်က အစွန်းရောက်တဲ့ လုပ်ဆောင်မှုတွေကို စွန့်လွှတ်လိုက်လို့ လို့ ပြောဆိုကြပါတယ်။ တကယ်တော့ ဒိုင်ယာလော့ခ်ဖြစ်လာဖို့ဆိုတာ လက်ခုပ်နှစ်ဘက်တီးမှ မြည်တာပါ။ မင်ဒဲလ်လားက ဒိုင်ယာလော့ခ်လို့ ဘယ်လောက်ပဲအော်နေနေ၊ အဲဒီအချိန်က အုပ်ချုပ်ခဲ့တဲ့ တောင်အာဖရိက အစိုးရက လက်မခံခဲ့ဖူးဆိုရင် ဘာမှဖြစ်လာခဲ့မှာ မဟုတ်ဘူး။ ဒီလို တောင်အာဖရိကအစိုးရကို ဒိုင်ယာလော့ခ်အပေါ်မှာ စိတ်ဝင်စားလာအောင် အဓိက တွန်းအားပေးခဲ့တာကတော့ multilateral economic sanction ပဲဖြစ်ပါတယ်။

ရည်မှန်းချက်ပန်းတိုင် နောက်တမျိုးကတော့ subversion ဖြစ်ပါတယ်။ ပစ်မှတ်နိုင်ငံက ခေါင်းဆောင်အချို့၊ ဒါမှမဟုတ်ရင် အစိုးရအဖွဲ့တခုလုံးကို ဖယ်ရှားဖို့ ဖြစ်ပါတယ်။ ဥပမာဆိုရရင် ကျူးဘားနိုင်ငံအပေါ် စီးပွားရေးအရ အရေးယူပိတ်ဆို့မှုမှာ ကက်စထရိုကို သူ့အာဏာကနေ ဖယ်ရှားဖို့ ရည်မှန်းချက်ပါပါတယ်။ ဒီပန်းတိုင်အတွက်ဆိုရင်တော့ စီးပွားရေးအရ အရေးယူပိတ်ဆို့မှုတခုတည်းနဲ့ မလုံလောက်ပါဘူး။ စီးပွားရေးပိတ်ဆို့မှုဟာလဲ ထိရောက်ရမှာ ဖြစ်တဲ့အပြင်၊ အစိုးရခေါင်းဆောင်ကို ဖယ်ရှားဖို့၊ အစိုးရဖြုတ်ချဖို့ ရည်မှန်းထားတဲ့ ပစ်မှတ်နိုင်ငံက နိုင်ငံသူ၊ နိုင်ငံသားများရဲ့ စစ်ရေးစစ်မျက်နှာ၊ စီးပွားရေး စစ်မျက်နှာ၊ အတွေးအခေါ် စစ်မျက်နှာ၊ နိုင်ငံတကာ စစ်မျက်နှာစတဲ့ စစ်မျက်နှာမျိုးစုံ ဖွင့်လှစ်လုပ်ဆောင်နိုင်မှု အရည်အချင်းပေါ်မှာလဲ အများကြီး မူတည်ပါတယ်။ တချို့သော နိုင်ငံများရဲ့ အတိုက်အခံ နိုင်ငံရေးခေါင်းဆောင်များမှာ ဒီလိုစစ်မျက်နှာပေါင်းစုံ ဖွင့်လှစ်နိုင်တဲ့ အရည်အချင်း မရှိပါဘူး။ နိုင်ငံတကာစစ်မျက်နှာအပေါ်မှာပဲ မှီခိုပြီး၊ နိုင်ငံတကာရဲ့ အရေးယူပေးမှုကိုသာ အားကိုးတကြီး စောင့်မျှော်တတ်လေ့ရှိတာကြောင့်၊ ဒီပန်းတိုင်နဲ့ ပတ်သက်တဲ့ ထိရောက်မှုကတော့ အားနည်းလေ့ရှိပါတယ်။

နောက်ထပ်ရည်မှန်းချက် တမျိုးကတော့ deterrence ပါ။ ပစ်မှတ်နိုင်ငံကို နောက်တခါ ဒီလိုပြစ်မှုမျိုးတွေ မကျူးလွန်စေဖို့ အရေးယူအပြစ်ပေးရင်း၊ တခြားနိုင်ငံတွေကိုပါ ဥပမာ အနေနဲ့ ပြလိုက်တာမျိုး ဖြစ်ပါတယ်။ ဥပမာ- အီတလီနိုင်ငံကို စီးပွားရေးပိတ်ဆို့ပြီး၊ ဗြိတိန်နိုင်ငံဟာ ဂျာမဏီနိုင်ငံရဲ့ aggression ကို ထိန်းချုပ်ချောက်လှန့်ခဲ့ဖူးပါတယ်။ နောက်ထပ်ရည်မှန်းချက်တခုကတော့ international symbolism ပါ။ ကမ္ဘာ့လူ့အဖွဲ့အစည်းကို ပစ်မှတ်နိုင်ငံရဲ့ ပြဿနာအခြေအနေများကို မီးမောင်းထိုးပြပေးတာ ဖြစ်ပါတယ်။ unilateral sanction ကနေ bilateral sanction၊ အဲဒီကနေ multilateral sanction အထိ တက်လှမ်းနိုင်ဖို့က ဒီ ရည်မှန်းချက်ကို ပြည့်မှီဖို့ လိုအပ်လှပါတယ်။ နောက်ထပ်ရည်မှန်းချက် တမျိုးကတော့ domestic symbolism ပါ။ အရေးယူမှုလုပ်တဲ့ နိုင်ငံရဲ့ အစိုးရက သူ့ရဲ့ ပြည်သူလူထုအကြားမှာ တရားမျှတမှုဘက်က ရပ်တည်တယ်၊ ကမ္ဘာ့ရေးရာတွေမှာ ကိုင်တွယ်ဖြေရှင်းနိုင်တယ် ဆိုတဲ့အနေနဲ့ popularity of government ကို ရယူတာဖြစ်ပါတယ်။ ဒါကြောင့်လဲ စီးပွားရေးပိတ်ဆို့ အရေးယူမှုနဲ့ ပတ်သက်လို့ pro- sanction campaign ပဲဖြစ်ဖြစ်၊ anti-sanction campaign ပဲဖြစ်ဖြစ် လုပ်မယ့်လူတွေ၊ အဖွဲ့အစည်းတွေဟာ grass-root level activities တွေကို စနစ်တကျ အကောင်အထည်ဖော်ရမယ်လို့ ဆိုလိုတာပါ။ policy makers တွေကိုပဲ တိုက်ရိုက် lobby လုပ်ပြီး၊ grass-root activism အားနည်းတဲ့ဘက်က ရေရှည်မှာ မခံနိုင်ပဲ ရှုံးတတ်လေ့ရှိပါတယ်။ ဒီတော့ အခုလို ရည်ရွယ်ချက်တွေ၊ ရည်မှန်းချက်ပန်းတိုင်ပုံသဏ္ဍာန်အမျိုးမျိုးနဲ့ ဖြစ်ပေါ်နေတဲ့ စီးပွားရေး ပိတ်ဆို့မှုဟာ ထိရောက်မှု ရှိပါသလား ဆိုတာကို မေးစရာဖြစ်လာပါတယ်။

စီးပွားရေး ပိတ်ဆို့အရေးယူမှုဟာ ထိရောက်ပါသလား

စီးပွားရေး ပိတ်ဆို့အရေးယူမှုရဲ့ ထိရောက်မှုနဲ့ ပတ်သက်ပြီးလေ့လာမှုတွေ အများအပြား ပေါ်ပေါက်ခဲ့ပါတယ်။ အောင်မြင်မှုတွေလဲ ရှိခဲ့သလို၊ ရည်မှန်းချက်ပန်းတိုင် မပြည့်မှီပဲ ရုတ်သိမ်းလိုက်ရတာတွေလဲ ရှိပါတယ်။ ၁၉၉၇ ခုနှစ်က Robert Pape ဆိုတဲ့ ပညာရှင်တယောက်က ကမ္ဘာတ၀ှမ်းက စီးပွားရေး ပိတ်ဆို့မှု ဖြစ်ရပ် (၁၁၅) ခုကို လေ့လာပြီး၊ စီးပွားရေး ပိတ်ဆို့ အရေးယူမှုဟာ ထိရောက်သလား၊ မထိရောက်ဘူးလားဆိုတာကို လေ့လာခဲ့ဖူးပါတယ်။ ထိရောက်မှု ဆိုတဲ့ အပိုင်းကို သူက criteria သုံးခု ချမှတ်ပြီး တိုင်းတာပါတယ်။ ပထမတချက်က ပိတ်ဆို့အရေးယူမှုရဲ့ တောင်းဆိုချက်၊ ရည်မှန်းချက်တွေ ပြည့်မှီတာဖြစ်ပြီး၊ ဒုတိယတချက်က ပစ်မှတ်ရဲ့ ပြုမှုဆောင်ရွက်မှု ပြောင်းလဲခြင်း မရှိသေးခင်မှာ အရေးယူမှု စတင်ပြုလုပ်ခဲ့သလား ဆိုတာ ဖြစ်ပါတယ်။ တခါတရံမှာ ပစ်မှတ်က သူ့ဘာသာသူ ပြောင်းလဲမှုအပေါ်မှာ စီးပွားရေးပိတ်ဆို့မှုရဲ့ အရေးယူမှုကြောင့်လို့ ရောထွေးပြောတတ်ကြလို့ ဒီအချက်ကို ထည့်သွင်းထားတာ ဖြစ်ပါတယ်။ တတိယအချက်ကတော့ ပစ်မှတ်ရဲ့ ပြောင်းလဲလာမှုတွေဟာ တခြားအကြောင်းအရာတွေကြောင့် မဟုတ်ပဲ၊ ပိတ်ဆို့အရေးယူမှုတခုတည်းကြောင့် ဟုတ်သလား ဆိုတဲ့ အချက်ပါ။ ဒီအချက် သုံးချက်နဲ့ ဖြစ်ရပ် (၁၁၅) ခုကို လေ့လာခဲ့ရာမှာ (၅) ခုပဲ ထိရောက်ခဲ့တာကို တွေ့ရှိရပါတယ်။

အခြားပညာရှင်တဦးဖြစ်တဲ့ Elizabeth Rogers ကတော့ စီးပွားရေးပိတ်ဆို့အရေးယူမှုဆိုတဲ့ သဘောတရားဟာ လူသားချင်းစာနာထောက်ထားမှုရှုထောင့်ကနေကြည့်ရင် အားနည်းချက်တွေ ရှိတဲ့အတွက် ပေါ်လစီချမှတ်သူများဘက်ကနေ ချမှတ်မှုတွေကိုသာ လူသိခံပြီး၊ အောင်မြင်မှုတွေကို ထုတ်ဖော်ပြောကြားခြင်း မရှိတဲ့အတွက် အနုတ်လက္ခဏာအဖြစ်သာ လူအများက သိတတ်လေ့ရှိကြောင်း ဆန်းစစ်ပြောကြားခဲ့ပါတယ်။ HSE လို့ အများက သိထားတဲ့ ပညာရှင်သုံးဦးဖြစ်တဲ့ Hafbauer, Scott, Elliot တို့ကလဲ စီးပွားရေးပိတ်ဆို့မှုဟာ ရည်မှန်းချက်ပန်းတိုင်ကို ပြည့်မှီဖို့ အကန့်အသတ်နဲ့ အသုံးဝင်မှုပဲရှိတာ မှန်ပေမယ့်၊ စီးပွားရေး ပိတ်ဆို့မှုဟာ လုံးဝ မထိရောက်တာတော့ မဟုတ်ဘူးလို့ အဆိုပြုကြပါတယ်။ သူတို့ရဲ့ ပိတ်ဆို့အရေးယူမှု ဖြစ်ရပ် (၁၁၅)ခု ဆန်းစစ်ချက်မှာတော့ ဖြစ်ရပ် (၄၀)မှာ အောင်မြင်မှုတွေ ရရှိခဲ့တယ်လို့ ဖော်ပြကြပါတယ်။ သူတို့ ဆန်းစစ်ချက်တွေဟာ အထက်မှာ ပြောခဲ့တဲ့ ပညာရှင် Pape ရဲ့ ဆန်းစစ်ချက်တွေနဲ့ တူတာတွေ ရှိပေမယ့်၊ Pape ဆိုထားခဲ့တဲ့ ပစ်မှတ်နိုင်ငံကို အရေးယူမှုမှာ စီးပွားရေးပိတ်ဆို့မှုနည်းလမ်းတခုတည်းကိုပဲ သုံးရမယ်ဆိုတဲ့ အချက်နဲ့တော့ မကိုက်ညီပါဘူး။ သူတို့ကတော့ စီးပွားရေးပိတ်ဆို့အရေးယူမှု ထိရောက်ဖို့အတွက် စစ်ရေးအရ အရေးယူမှုတွေ၊ တခြားသော သံတမန်ရေး အရေးယူမှုတွေပါ ပေါင်းစပ်ပြုလုပ်ဖို့ လိုအပ်ကြောင်း ပြောဆိုခဲ့ကြပါတယ်။

တချို့သော ပညာရှင်တွေကတော့ စစ်ရေးအရ အရေးယူမှုကသာ အထိရောက်ဆုံးနည်းလမ်း ဖြစ်တာအတွက်ကြောင့်၊ liberal alternative view to war ဖြစ်တဲ့ စီးပွားရေးပိတ်ဆို့အရေးယူမှုကို အချိန်ကုန်ခံ၊ ပြုလုပ်မနေပဲ military instruments တွေနဲ့သာ ဖြေရှင်းဖို့ အကြံပြုပြောဆိုကြပါတယ်။ ဒီနေရာမှာ နိုင်ငံတကာ အဖွဲ့အစည်းတွေကပဲဖြစ်ဖြစ်၊ နိုင်ငံတခုချင်းစီအလိုက်ကပဲဖြစ်ဖြစ် ပစ်မှတ်နိုင်ငံအပေါ် အရေးယူနိုင်တဲ့ နည်းလမ်းများကို ထည့်သွင်းဖော်ပြပါမယ်။ နိုင်ငံတကာ အဖွဲ့အစည်းတွေအနေနဲ့ကတော့ ယေဘူယျအားဖြင့် ပစ်မှတ်နိုင်ငံတွေအပေါ်မှာ multilateral economic sanctions ချမှတ်ခြင်းနဲ့ military intervention ပြုလုပ်ဖို့ authorised လုပ်ပေးခြင်းပဲ ဖြစ်ပါတယ်။

ဒါပေမယ့် ဒီလိုရေးရာတွေမှာ အရေးပါတဲ့ UN Security Council ကိုယ်တိုင်မှာက log- rolling problem လို့ခေါ်တဲ့ ပြဿနာတရပ်ကို ရင်ဆိုင်နေရပါတယ်။ ဒီပြဿနာရဲ့ အရင်းခံကတော့ ဗွီတိုအာဏာကို ကျင့်သုံးနိုင်တဲ့ P5 ငါးနိုင်ငံပဲဖြစ်ပါတယ်။ crisis တခုဟာ ဒီနိုင်ငံငါးခုထဲက တနိုင်ငံနဲ့ပဲဖြစ်ဖြစ်၊ နိုင်ငံ အများစုနဲ့ပဲ ဖြစ်ဖြစ် ဆက်စပ်နေတဲ့အခါမှာ တခြားသော နိုင်ငံတခုကပဲဖြစ်ဖြစ်၊ နိုင်ငံများကပဲဖြစ်ဖြစ်၊ ထောက်ခံမှုမပေးတာ၊ ဗွီတိုအာဏာ ကျင့်သုံးတာတွေ ဖြစ်ပါတယ်။ ဒီပြဿနာကို ကျော်လွှားနိုင်ဖို့ ဆိုတာက အတော်ပဲ ခဲယဉ်းလှသလို၊ UN security council ရဲ့ ခွင့်ပြုချက်မရပဲ နိုင်ငံတခုကနေ တခြားနိုင်ငံတခုကို လူသားချင်းစာနာလို့ပဲပြောပြော၊ ဘာပဲပြောနေနေ စစ်ရေးအရ ၀င်ရောက်စွက်ဖက်မှုပြုလုပ်ပေးနိုင်ဖို့ ဆိုတာက ခဲယဉ်းလှတာကြောင့်၊ နိုင်ငံတွေအနေနဲ့က တခြားနိုင်ငံတခုအပေါ် အရေးယူမှု လုပ်တဲ့အခါမှာ ထိရောက်မှု အားနည်းတဲ့ economic sanction ကိုပဲ ပြုလုပ်နိုင်ကြတာ များပါတယ်။

ယေဘူယျအားဖြင့်ဆိုရင် နိုင်ငံတခုချင်းအလိုက် တခြားနိုင်ငံတခုကို အရေးယူမှု လုပ်တဲ့အခါမှာ foreign policy tools တွေအနေနဲ့ သုံးနိုင်တာတွေကတော့
(၁) no action (ဘာမှမဆိုင်တဲ့ အနေနဲ့ ရှောင်ဖယ်နေခြင်း)
(၂) Diplomatic measures- Economic sanctions (သံတမန်နည်းလမ်းများ၊ စီးပွားရေး ပိတ်ဆို့အရေးယူမှု)
(၃) Limited Bombings (အကန့်အသတ်ဖြင့် ဗုံးချဲမှု)
(၄) Unconventional Warfare (လက်နက်ကိုင်တော်လှန်ရေးများတွင် ကူညီပံ့ပိုးမှု)
(၅) Peacekeeping operations (ငြိမ်းချမ်းရေးတပ်ဖွဲ့များ စေလွှတ်မှု)
(၆) Total War (အလုံးစုံစစ်ပွဲဆင်နွှဲမှု) တို့ပဲ ဖြစ်ပါတယ်။

၂၁ ရာစုရဲ့ ကမ္ဘာ့နိုင်ငံရေး အခင်းအကျင်းမှာ နိုင်ငံအများစု အနေနဲ့ တခြားနိုင်ငံရေးရာနဲ့ ပတ်သက်ရင် ပြည်တွင်းရေး ၀င်မစွက်ဖက်ဘူးဆိုပြီး ရှောင်ဖယ်နေတာ၊ဒါမှမဟုတ်ရင်လဲ စီးပွားရေး ပိတ်ဆို့ အရေးယူမှုလုပ်တာ တွေလောက်ကိုပဲ အများဆုံး လုပ်နိုင်လာပါတော့တယ်။ ဒါကြောင့်လဲ စီးပွားရေး ပိတ်ဆို့မှုဟာ ထိရောက်မှု အားနည်းပေမယ့်လဲ၊ ဒါကိုပဲ အရေးယူဖို့ စဉ်းစားမယ်ဆိုရင် ဒါကိုပဲ ရွေးစရာရှိတာမို့ လုပ်နေကြတာပဲ ဖြစ်ပါတယ်။ အခုဆက်လက်ပြီး စီးပွားရေး ပိတ်ဆို့အရေးယူမှုကို ထိရောက်မှု အားနည်းစေတဲ့ အချက်များကို ဆက်လက်တင်ပြပါမယ်။

စီးပွားရေး ပိတ်ဆို့အရေးယူမှုရဲ့ အားနည်းချက်များ

စီးပွားရေး ပိတ်ဆို့အရေးယူမှုရဲ့ ပထမဆုံးသော အားနည်းချက်ကတော့ ဒီအပေါ်မှာထားတဲ့ မျှော်လင့်ချက်ကြီးမားမှု ပြဿနာဖြစ်ပါတယ်။ နိုင်ငံတခုအပေါ်မှာ ပိတ်ဆို့အရေးယူမှုလုပ်လိုက်တာနဲ့ ဒီလိုအရေးယူမှုအပေါ်မှာ အောင်မြင်တော့မှာပဲ ဆိုတဲ့ မျှော်လင့်ချက်ကြီးပါ။ အထူးသဖြင့် အာဏာရှင်နိုင်ငံတွေက အစိုးရတွေကို ဖြုတ်ချဖို့ ကြိုးစားကြတဲ့ အတိုက်အခံတွေနဲ့ ပြည်သူလူထုတွေဖြစ်ပါတယ်။ တချို့သော နိုင်ငံတွေမှာဆိုရင် နိုင်ငံရေးအသိပညာ အားနည်းမှုကြောင့် စီးပွားရေးပိတ်ဆို့အရေးယူမှုဆိုတာကြီးကို မှော်လက်နက်ကြီးလို့ ထင်တတ်ကြပါတယ်။ တခြားလိုအပ်တဲ့ စစ်မျက်နှာတွေမှာ ဖြည့်ဆည်းကြိုးပမ်းမှုတွေ မရှိတော့ပဲ unilateral sanction ဖြစ်အောင် အာရုံစိုက်ကြိုးပမ်း၊ အဲဒီကနေ multilateral sanction ကြီး ဖြစ်တော့မှာပဲဆိုပြီး မျှော်လင့်ချက်တွေထား၊ အဲဒီမှာတင် UN Security Council ရဲ့ log-rolling problem နဲ့သွားတွေ့၊ တလိမ့်ခေါက်ခွေးပြန်ပြုတ်ကျ၊ တခြားစစ်မျက်နှာမှာလဲ ဖြည့်ဆည်းထားတာတွေ မရှိတော့ ဒါကြီးကိုပဲ အာရုံပြန်စိုက်၊ multilateral sanction မဟုတ်တဲ့အတွက် ထိရောက်မှုကလဲအားနည်း၊ စီးပွားရေးပိတ်ဆို့မှုရုတ်သိမ်းဖို့ အော်သူတွေကလဲ ပေါ်လာနဲ့ နောက်ဆုံးတော့ ရှိပြီးသား unilateral sanction လေး ပျောက်သွားမှာစိုးလို့ ကျားကုတ်ကျားခဲ လိုက်ဆွဲသူတွေကဆွဲ၊ မဆွဲသူတွေကလဲ “sanction လေးပဲအားကိုးစရာရှိတာ၊ ဒါလေးပျောက်သွားရင်တော့ ဒီတသက် မနိုင်တော့ပါဘူး” ဆိုပြီး စိတ်ဓာတ်တွေကျကြ၊ နိုင်ငံတကာ တာဝန်ရှိသူတွေနဲ့ စကားပြောဆိုတဲ့အခါမှာ “ထိရောက်တယ်ပြောရတာကလဲအခက်၊ မထိရောက်ဘူးပြောရရင်ကလဲ အခက်”မို့ မသိပါဘူးဆိုပြီး ဆင်ဝှေ့ရန်ရှောင် လုပ်ကြရနဲ့ လုံးချာလည်လိုက်ကုန်တော့တာပါပဲ။ ဒါကတော့ ကနဦးပိုင်းမှာကတည်းက စီးပွားရေးပိတ်ဆို့မှုနဲ့ နိုင်ငံတကာအရေးယူမှုဆိုတာကို မှော်လက်နက်ကြီးတခုလို ယုံကြည်အားကိုးလိုက်ကြတဲ့ strategic failure ရလာဒ်ပါ။ အဆန်းတကျယ်တော့ မဟုတ်ပါဘူး။ ဖြစ်လေ့ဖြစ်ထရှိပါတယ်။

ပညာရှင် Rarick ဆိုသူက စီးပွားရေးပိတ်ဆို့မှု ထိရောက်ဖို့ လိုအပ်တဲ့ Prerequisites (၆) ရပ်ကို ထောက်ပြခဲ့ပါတယ်။ ဒီခြောက်ရပ်ကတော့ စီးပွားရေး ပိတ်ဆို့အရေးယူမှုမှာ modest policy ကိုသာ ချမှတ်ရပါမယ်။ ကုန်သွယ်ရေးပိတ်ဆို့မှုနည်းလမ်းတွေရော၊ ဘဏ္ဍာရေးပိတ်ဆို့မှုနည်းလမ်းတွေကိုပါ တပြိုင်တည်းပြုလုပ်ရပါမယ်။ ပိတ်ဆို့ခံရတဲ့ တိုင်းပြည်ဟာ တခြားသော တတိယနိုင်ငံတွေ၊ အဖွဲ့တွေဆီက ထောက်ပံ့မှုမရရပါဘူး။ ပိတ်ဆို့မှုပြုလုပ်တဲ့ နိုင်ငံဟာ ပိတ်ဆို့ခံရတဲ့ နိုင်ငံထက် စီးပွားရေးအဆောက်အအုံ ပိုကြီးရပါမယ်။ ပိတ်ဆို့မှု ပြုလုပ်တဲ့အခါမှာ နိုင်ငံတကာရဲ့ ပူးပေါင်းပါဝင်မှု လိုအပ်ပါတယ်။ ပိတ်ဆို့ခံရတဲ့ တိုင်းပြည်ဟာ နိုင်ငံရေးအရရော၊ စီးပွားရေးအရပါ အားနည်းတဲ့ တိုင်းပြည်ဖြစ်ရပါမယ်။ ဒီအချက် (၆)ရပ်လုံးနဲ့ မကိုက်ညီပဲ ပြုလုပ်တဲ့ စီးပွားရေးပိတ်ဆို့ အရေးယူမှု တွေဟာ ထိရောက်ဖို့ မလွယ်ကူပါဘူး။

နောက်ထပ်အားနည်းချက်တခုကတော့ စီးပွားရေးပိတ်ဆို့အရေးယူမှုဆိုတဲ့ သဘောတရားကိုယ်တိုင်ပဲ ဖြစ်ပါတယ်။ ဒီသဘောတရားဟာ အကြောင်းအရာမျိုးစုံ၊ ရှူထောင့်မျိုးစုံနဲ့ ပတ်သက်ဆက်စပ်ပါတယ်။ ဒီတော့ စီးပွားရေးအရေးယူ ပိတ်ဆို့မှုဆိုတာကို ရှုထောင့်မျိုးစုံကကြည့်ပြီး၊ ကွဲပြားခြားနားတဲ့ အမြင်တွေကလဲ ပေါ်ပေါက်လာတော့တာပါပဲ။ ဒါတွေဟာ တနိုင်ငံတည်းမှာ၊ တချိန်တည်းမှာ ဖြစ်ပျက်နေတာတွေ မဟုတ်ပါဘူး။ နိုင်ငံပေါင်းများစွာမှာ၊ ဖြစ်ရပ်ပေါင်းများစွာမှာ၊ နှစ်ပေါင်းများစွာမှာ၊ လမ်းဘေးစကားဝိုင်းတွေကနေ တက္ကသိုလ် ဆက်မီနာတွေ၊ ပါလီမန်တွေ၊ နိုင်ငံတကာ အစည်းအဝေးခန်းမတွေအထိ နေရာများစွာမှာ ကိုယ်မြင်ရာ အမြင်တွေကို အသွင်သဏ္ဍာန်မျိုးစုံနဲ့ ဖော်ထုတ်ခဲ့ကြ၊ ဖော်ထုတ်နေဆဲ၊ ဆက်လက်ပြီးတော့လဲ ဆွေးနွေးနေကြရင်း၊ အဖြေခက်တဲ့ ပုစ္ဆာ တပုဒ်ကို နည်းပေါင်းစုံနဲ့ ရှင်းလင်းနေကြဦးမှာပါပဲ။ ဒီတော့ ဒီလို မတူညီတဲ့ ရှုထောင့်တွေကြားမှာ ဘာတွေလုပ်ဖို့ လိုအပ်သလဲ ဆိုတာ မေးစရာ ရှိလာပါတယ်။

မတူညီတဲ့ ရှုထောင့်တွေကြားကနေ ဘာတွေ လုပ်သင့်ကြသလဲ

ဒီသဘောတရားကို မဟာဗျူဟာ ရှုထောင့်၊ နိုင်ငံခြားရေး ရှုထောင့်ကနေ ကြည့်မယ်ဆိုရင်တော့ စီးပွားရေးပိတ်ဆို့အရေးယူမှုဟာ ထိရောက်မှု အားနည်းတာ မှန်ပေမယ့် အာဏာရှင်အစိုးရတွေရဲ့ ပြည်သူလူထုအပေါ် ဖိနှိပ်ချုပ်ချယ်မှုတွေကို နိုင်ငံတကာက လက်မခံဘူးဆိုတဲ့ သတင်းစကားကို ပေးပါတယ်။ ဒါကြောင့် စီးပွားရေးပိတ်ဆို့မှုကို ရုတ်သိမ်းလိုက်မယ်ဆိုရင် အာဏာရှင်အစိုးရတွေအတွက် ပြည်သူလူထုကို ပိုမိုဖိနှိပ်ချုပ်ချယ်ဖို့ အခွင့်အလမ်းရသွားပါတယ်။ အတိုက်အခံတွေဘက်က နိုင်ငံတကာက အကူအညီပေးနေတယ်။ လာပေးဦးမှာ။ စောင့်နေဆိုတဲ့ အလွန်အကျွံသတင်းစကားကို ပြည်သူလူထုဆီကို ပေးခဲ့ဖူးတယ်ဆိုရင်တော့ အခြေအနေက ပိုဆိုးတတ်ပါတယ်။ ပြည်သူလူထုဟာ အတိုက်အခံတွေအပေါ်မှာရော၊ နိုင်ငံတကာအပေါ်မှာပါ ယုံကြည်မှုနည်းသွားပြီး၊ အာဏာရှင်ရဲ့ ပုံစံခွက်ထဲကနေ ထွက်ဖို့ မကြိုးစားတော့ပဲ ဖြစ်သွားတတ်တာမျိုးပါ။ ဒီလိုဆိုရင်တော့ သန်းနဲ့ ချီ၊ သိန်းနဲ့ချီတဲ့ ပြည်သူတွေအားလုံးရဲ့ ဘ၀နောင်ရေးတွေဟာ ရင်လေးစရာဖြစ်လာမှာ အသေအချာပါပဲ။ ဒါကြောင့် မဟာဗျူဟာရှုထောင့်က ကြည့်သူတွေအနေနဲ့ တဘက်ကနေ unilateral sanction ကို ကျားကန်ထိန်းထားဖို့လိုသလို၊ နိုင်ငံတကာ စစ်မျက်နှာမှာပဲ ပုံအပ်ကိုးကွယ်ထားတဲ့ ပေါ်လစီတွေ၊ ဗျူဟာတွေကို ပြောင်းလဲ ရေးဆွဲသင့်ပါတယ်။ တော်လှန်ရေးတခုမှာ လိုအပ်တဲ့ စစ်မျက်နှာတွေအားလုံးကို ဟန်ချက်ညီအောင် ကြိုးစားဖို့လိုအပ်ပါတယ်။ြ

ပည်သူလူထုကိုလဲ လွဲမှားပြီး မဖြစ်နိုင်မယ့် သတင်းစကားတွေ ထပ်တလဲလဲပြောလို့ ဖုန်းကွယ်လိမ်ညာနေမယ့်အစား၊ အမှန်တရားကို ပြောပြရင်း “ မတရားမှုကို ချုပ်ငြိမ်းနိုင်မယ့် အင်အားဟာ ကိုယ်တိုင်ဆီမှာပဲရှိတယ်။ ကယ်တင်ရှင်မမျှော်နဲ့။ ခေါင်းဆောင်မမျှော်နဲ့။ ကိုယ်သာ ကယ်တင်ရှင်ဖြစ်အောင်လုပ်၊ ကိုယ့်ဘာသာ ကိုယ်ဦးဆောင်ဆိုတဲ့” အခြေအနေမှန်ကို မီးမောင်းထိုးပြလိုက်ဖို့ လိုအပ်ပါတယ်။ ကမ္ဘာတလွှားမှာ လူထုအားကြောင့်၊ ပြုတ်ကျခဲ့ရတဲ့ အာဏာရှင်တွေအများကြီးပါ။ အရေးပေါ်လာတဲ့ အချိန်တွေမှာမှ ပေါ်ထွက်လာတဲ့ ခေါင်းဆောင်ကောင်းတွေကလဲ အများကြီးပါ။ ထာဝရခေါင်းဆောင်ဆိုတာ မရှိပါဘူး။ ဒီနေ့ခေါင်းဆောင်ဟာလဲ နက်ဖြန်အတွက် ခေါင်းဆောင်ကောင်း ဖြစ်ချင်မှ ဖြစ်လာတတ်ပါတယ်။ ပုဂ္ဂိုလ်ရေးကိုးကွယ်မှုတွေ၊ စောင့်မျှော်မှုတွေ၊ ဦးဆောင်နိုင်တာ မဟုတ်ပဲ ထာဝရခေါင်းဆောင် လုပ်နေတာတွေနဲ့ကတော့ အချိန်တွေ တစတစ ကုန်သွားရုံကလွဲလို့ တခြားဘာမှ ဖြစ်လာမှာ မဟုတ်ပါဘူး။

အခြားတဘက်ကနေ ဖွံ့ဖြိုးတိုးတက်ရေးရှုထောင့်က ကြည့်မယ်ဆိုရင်တော့ စီးပွားရေးပိတ်ဆို့မှု ဆိုတဲ့ သဘောတရားရဲ့ နောက်ကွယ်မှာ spillover effects တွေ ရှိပါတယ်။ အထူးသဖြင့် multilateral sanctions တွေမှာ ပစ်မှတ်ထားတဲ့ အစိုးရအကြီးအကဲများကိုသာမကပဲ ပြည်သူလူထုကိုပါ ထိခိုက်သွားတာတွေ ရှိပါတယ်။ Unilateral sanction / Bilateral sanction တွေမှာကျတော့ ကုန်သွယ်ရေး ပိတ်ဆို့မှုရော၊ ဘဏ္ဍာရေးပိတ်ဆို့မှုရော ပြုလုပ်ဖို့ဆိုတာ နိုင်ငံအနည်းအကျဉ်းကပဲ လုပ်နိုင်တာကြောင့် ပြည်သူလူထုကို ထိခိုက်မှုနည်းပါတယ်။ တခြားသော တတိယနိုင်ငံတွေရဲ့ အကူအညီက အလျင်အမြန် အစားထိုးသွားတာကြောင့် စီးပွားရေး ပိတ်ဆို့မှုကြောင့် ဖြစ်ရတဲ့ spillover effects တွေက မရှိသလောက် ရှားပါးပါတယ်။ အာဏာရှင် တိုင်းပြည်အများစုမှာကတော့ ပြည်သူလူထုတွေ ဆင်းရဲငတ်မွတ်ရတာ၊ အလုပ်အကိုင်အခွင့်အလမ်း ရှားပါးရတာတွေက စီးပွားရေးပိတ်ဆို့အရေးယူမှုထက်စာရင် တိုင်းပြည်ရဲ့ စီးပွားရေးပေါ်လစီ ညံ့ဖျင်းမှုတွေ၊ လာဘ်ပေးလာဘ်ယူမှုတွေ၊ စီးပွားရေးအဆောက်အအုံကို အာဏာရှင်နဲ့ အာဏာရှင် အသိုင်းအ၀ိုင်းတွေကသာ ကြိုးကိုင်ခြယ်လှယ်မှုတွေကြောင့် ဖြစ်တာ များပါတယ်။ စီးပွားရေး ပိတ်ဆို့မှု စတင်တဲ့ အချိန်နဲ့ တခြားတတိယနိုင်ငံက အစားထိုးဝင်ရောက်မှု အချိန်ကြားက ကွာဟမှုတွေကြောင့် အဲဒီအချိန်နှစ်ခုကြားမှာ အလုပ်လက်မဲ့ဖြစ်သွားတဲ့ လူဦးရေ အနည်းအကျဉ်းကတော့ ရှိပါလိမ့်မယ်။ ဒီအတွက် ကိုယ်ချင်းစာတယ်၊ ဒီလို ထိခိုက်မှုကြောင့် စီးပွားရေးပိတ်ဆို့မှုကို ရုတ်သိမ်းဖို့ လိုအပ်တယ်လို့ ထင်သူတွေလဲ ရှိပါတယ်။ စီးပွားရေး ပိတ်ဆို့မှုကြောင့် နိုင်ငံခြား ရင်းနှီးမြှုပ်နှံမှု ထိခိုက်တယ်လို့ မြင်သူတွေလဲ ရှိတတ်ပါတယ်။ သူ့ရှုထောင့်နဲ့ သူတော့ မှန်နေတာပါပဲ။ ဒါကြောင့် ဒီအမြင် ရှိသူတွေအနေနဲ့ကလဲ စီးပွားရေး ပိတ်ဆို့မှု ရုတ်သိမ်းလိုက်တဲ့အခါမှာ ပြည်ပရင်းနှီးမြှုပ်နှံမှုကြောင့် ထောင်နဲ့ ချီတဲ့ လူတွေရဲ့ အလုပ်အကိုင်အခွင့်အလမ်းသစ်တွေ ရလာနိုင်သလို၊ အာဏာရှင်တွေအတွက် ပြည်သူလူထုကို ပိုမိုဖိနှိပ်ချုပ်ချယ်နိုင်တဲ့ အခွင့်အလမ်းသစ်တွေ ရရှိသွားမယ်ဆိုတဲ့ အမှန်တရားတခုကို လက်ခံရင်း၊ အာဏာရှင်တွေ လက်ထဲရောက်နေတတ်တဲ့ စီးပွားရေးအခွင့်အလမ်းတွေကို လူထုအကျိုးအတွက် ဖြစ်အောင် ဘယ်လို divert လုပ်မလဲ၊ ပိတ်ဆို့မှုဖွင့်လိုက်လို့ ပိတ်ဆို့ခဲ့ဖူးတဲ့ နိုင်ငံတွေက ရင်းနှီးမြှုပ်နှံမှုတွေ စတင်ဝင်ရောက်လာတဲ့အခါ ပိတ်ဆို့ထားစဉ်မှာတုန်းက ၀င်ရောက်လုပ်ကိုင်နေတဲ့ တတိယနိုင်ငံတွေရဲ့ ရင်းနှီးမြှုပ်နှံမှုတွေနဲ့ conflicts of interests ဖြစ်ရာက ဆက်နွယ်လာမယ့် ဆိုးကျိုးတွေကို ဘယ်လိုရှင်းမလဲ၊ နိုင်ငံခြားရင်းနှီးမြှုပ်နှံမှုအပေါ်မှာ ကန့်သတ်ချက်တွေရှိနေတဲ့ အာဏာရှင်အစိုးရတွေရဲ့ ဥပဒေတွေကို ပြောင်းလဲယူနိုင်တဲ့ အရည်အချင်းနဲ့ ပါဝါ ကိုယ့်မှာ ဘယ်လောက်ရှိသလဲ၊ Cross- Border acquisitions တွေကို ဘယ်လိုကိုင်တွယ်မလဲ။ ကမ္ဘာ့စီးပွားရေးပျက်ကပ်ဆိုက်နေတဲ့ ဒီခေတ်ကာလကြီးမှာ ကမ္ဘာ့ဘဏ္ဍာရေးနဲ့ ဆက်စပ်ပေါ်လာမယ့် Economic Exposure, Transaction Exposure, Translation Exposure စတဲ့ Foreign Exchange Exposures တွေကို စီမံခန့်ခွဲဖို့ကော ကိုယ့်စီးပွားရေးအဆောက်အအုံနဲ့ ဘဏ္ဍာရေးစနစ်က အဆင်သင့် ဖြစ်နေသလား ဆိုတာတွေကို ပြန်လည်သုံးသပ်ပြီး လိုအပ်တာတွေ ဖြည့်ဆည်း၊ သင့်လျော်တာတွေ လုပ်ဖို့ လိုအပ်လှပါတယ်။ နိုင်ငံ့ ရေးရာ ကိစ္စတွေမို့ စာတစောင်၊ ပေတဖွဲ့နဲ့တော့ ပြီးဆုံးနိုင်မှာ မဟုတ်ပါဘူး။ စီးပွားရေး ပေါ်လစီ စာတမ်း မဟုတ်တဲ့ အတွက် အသေးစိတ်မရေးလိုတော့ပါဘူး။

ဒါကြောင့် နိဂုံးချုပ်ဆိုရရင် မျက်နှာချင်းဆိုင်ထိုင်ပြီး “ကကြီးပါ”၊ ”ယ ပက်လက်ပါ”၊ “ ဒ ဒွေးပါ”၊ “င် ငသတ်ပါ” နဲ့ ငြင်းခုန်မှုတွေ လုပ်နေကြတာထက်စာရင် ကိုယ်ကြည့်တဲ့ ရှုထောင့်၊ ကိုယ်ယုံကြည်တဲ့ ယုံကြည်ချက်အပေါ်မှာ အခြေတည်ပြီး၊ ကိုယ့်လမ်းနဲ့ကိုယ် ထိရောက်အောင်လုပ်နိုင်တာတွေ ပြုလုပ်ကြဖို့ အလေးအနက်ထား တိုက်တွန်းလိုပါတယ်။ အရေးကြီးတာကတော့ capability ပဲဖြစ်ပါတယ်။ နိုင်ငံတွေရဲ့ နိုင်ငံခြားရေးမူဝါဒတွေ၊ အမျိုးသားလုံခြုံရေး မူဝါဒတွေမှာပဲဖြစ်ဖြစ်၊ စီးပွားရေး လုပ်ငန်းကြီးတွေမှာပဲဖြစ်ဖြစ် တခြားနိုင်ငံ (သို့) ပြိုင်ဘက်လုပ်ငန်းကြီးတွေကို လေ့လာသုံးသပ်တဲ့အခါ vision တွေ၊ intent တွေဆိုတာထက် capability ဆိုတဲ့ လုပ်ဆောင်နိုင်ရည်စွမ်းကို အဓိကထားပြီး အကဲဖြတ်ရပါတယ်။ ဗိုက်ဆာရင် မုန့်စားမယ်လို့ ကြော်ငြာကပ်ထားပေမယ့်၊ ဆာလာတဲ့ အချိန်မှာ ပိုက်ဆံမရှိရင် မစားနိုင်ပဲ၊ ပိုက်ဆံရှိနေတယ်ဆိုရင်တော့ ကြေငြာစရာတောင်မလိုပဲ ဆာလာတဲ့အချိန်မှာ ကောက်ပြီး ၀ယ်စားလိုက်နိုင်တာမျိုးကို ဆိုလိုတာပါ။ vision တွေကို ထုတ်ပြန်ကြေငြာချက်တွေ ထုတ်ပြီး ဘယ်လောက်ပဲ ကြေငြာထား၊ ကြေငြာထား၊ intent တွေကို တကမ္ဘာလုံးကြားအောင် ဘယ်လောက်အော်ပြောအော်ပြော၊ နောက်ဆုံးတော့လဲ capability မရှိရင် ဘာမှလုပ်နိုင်မှာ မဟုတ်ပါဘူး။ capability ရှိတယ်ဆိုရင်တော့ ကောက်ခါငင်ခါ ပေါ်လာတဲ့ vision, intent တွေကို ချက်ချင်းအကောင်အထည်ဖော်နိုင်ပါလိမ့်မယ်။ ဒါကြောင့် ကိုယ်ပြောတဲ့ intent တွေ ဖြစ်လာဖို့၊ capability ဘယ်လိုရှိလာအောင်လုပ်မလဲဆိုတာကိုသာ စဉ်းစားသုံးသပ်ရင်း၊ အချိန်ကို အကျိုးရှိစွာ သုံးသင့်ကြပါကြောင်း တိုက်တွန်းရေးသားလိုက်ရပါတယ်။

ခင်မမမျိုး (၇၊ ၅၊ ၂၀၀၉)

(စာရေးသူသည် ဗြိတိန်နိုင်ငံ၊ Aberdeen တက္ကသိုလ်၊ ဘုရင့်ကောလိပ်မှ နိုင်ငံရေးဘောဂဗေဒအထူးပြု ဘောဂဗေဒ မဟာဝိဇ္ဖာဘွဲ့၊ စစ်မဟာဗျူဟာလေ့လာရေးပညာ မဟာသိပ္ပံဘွဲ့များ ရရှိထားပြီး၊ အကြမ်းဖက်မှုနှင့် နိုင်ငံဖြတ်ကျော် ရာဇ၀တ်မှုနှိမ်နင်းရေး၊ စစ်ရေး၊ နိုင်ငံရေး ဆိုင်ရာ လေ့လာသူ သုတေသီတဦး ဖြစ်ပါသည်)

ရည်ညွှန်းကိုးကား

Barber, J. (1979) ' Economic sanction as a policy instrument', International Affairs, 55 (3)

Elliot, K. (1998) ' The sanction glass half full of empty', International Security, 23 (1)

Hufbauer, G., Scott, J. & Elliot, K. (2007) Economic sanction reconsidered: History and current policy, 3rd edition

Lindsay, J. (1998) ' Trade sanctions as policy instrument'. International Quarterly, 30 (2)

Mack, G.& Khan A. (2000) 'The efficacy of UN sanctions', Security Dialogue, 31 (3)

Pape, R. (1998) 'Why economic sanctions still do not work?', International Security, 23 (1)

Pape, R. (1997) ' Why economic sanctions don't work?', International Security, 22 (2)

Rogers, E. (1996) ' Using economic sanctions to control regional conflicts'. Security Studies, 5 (4)

Rarick, C. (2006) 'Destroying a Country in order to save it: The Folly of Economic sanctions against Myanmar', Economic Affairs, 26 (2)

Schreiber, A. (1973 ) 'Economic coercion: an instrument of Foreign Policy', World Politics, Vol. 25

Recession လား Depression လား

2009-03-08T14:38:00.001+06:30

Recession နဲ့ Depression ကို အရင်က ကျွန်မလည်းမကွဲပါ။ ကျွန်မတို့ ဆီမှာဖြစ်ပျက်နေတဲ့အရာတွေကိုသာ ကျွန်မတို့ က ကောက်ချက်ချဆွဲကြည့်မိတာဖြစ်တဲ့အတွက် အခုဖြစ်နေတဲ့ ကမ္ဘာ့ စီးပွားရေး ပျက်ကပ်မှုဟာ ဘာလဲဆိုတဲ့ မေးခွန်းတစ်ခုအပေါ် ရူမြင်လိုက်ခြင်းပဲ ဖြစ်ပါတယ်။ အဖြေကို ကိုယ်တိုင်ပဲ ရူစေလိုပါတယ်။

ဒီတော့ Recession လား Depression လား ကိုယ်တိုင်ဦးနှောက်ရှင်းဖို့ အတွက် စီးပွားရေး အဘိဓာန်တွေ ယူကြည့်လိုက်ပါတယ်။

(1) ပထမဦးဆုံး မောင်စူးစမ်းရေးတဲ့ စီးပွားရေးအဘိဓာန် ယူကြည့်လိုက်ပါတယ်။ Recession နဲ့ Depression ကို စကားလုံးအစရှာမရပါ။ ရိုက်သည့်ခုနှစ်ကြည့်လိုက်တော့ ဇွန် 2005 ဒါကြောင့်လားမသိ၊ မရှိ။ တခြားဆရာ့စာအုပ်တွေမှာ အသေးစိတ်တော့ ရေးနိုင်မည်။ ဒီထဲမှာတော့ မပါ။ ထားတော့ ။ နောက်တစ်အုပ်-

(2) ဆရာကျော်ဝင်းရဲ့  ကမ္ဘာလုံးစီးပွားရေး အဘိဓာန်ထဲမှာ ရှာလိုက်တယ်။ ဟော . အပြည့်အစုံ တွေ့ လိုက်ပါပြီ။ RECESSION က အရင်စရေးပါမည်။ အကြောင်းရှိပါသည်။

RECESSION ( ရီးဆက်ရှင်း = စီးပွားရေး အကျကာလ ) > စီးပွားရေး အတက်အကျသံသရာ၏ အဆင့်တစ်ဆင့်ဖြစ်သည်။ ယေဘုယျအားဖြင့် သုံးလပတ် နှစ်ခါဆက်တိုက် ဂျီဒီပီ (GDP) ဆက်တိုက်ကျနေလျှင် ၊ ရီဆက်ရှင်း ဟု သတ်မှတ်သည်။ ရီဆက်ရှင်းမှာ ' စီးပွာရေးပျက်ကပ် ' (depression) လောက်တော့ အခြေအနေ မဆိုးပေ။
စီးပွားရေးအကျကာလ (ရီဆက်ရှင်း) တွင် အစစ်အမှန် ဂျီဒီပီ (GDP) 10 % ၀န်းကျင် ကျတက်သည်။ အလုပ်လက်မဲ့နှုန်းမှာ 10 % အတွင်းရှိတက်သည်။ ရီဆက်ရှင်းတစ်ခုမှာ အကြမ်းအားဖြင့် ၆ လမှ ၁၈ လ အထိ ကြာတက်သည်။ ယခုနောက်ပိုင်း ရီဆက်ရှင်းအများစုမှာ၊ တစ်နှစ်ပတ်ဝန်းကျင် ကြာတက်သည်။

DEPRESSION (စီးပွားရေးပျက်ကပ်) > ' သည်းသန်ပြင်းထန်သော စီးပွားရေးကျဆင်းမှု ' (extreme recession ) ကို ၊ ရည်ညွှန်းဖော်ပြသော စကားလုံးဖြစ်သည်။ သာမန် ရီးဆက်ရှင်း ထက်အချိန်ကာလ ပိုကြာတက်ပြီး ၊စီးပွားရေးကျဆင်းနေတက်သည်။ အနည်းဆုံး စီးပွားရေး တန့် ရပ်နေသည်။ အလုပ်လက်မဲ့နှုန်း မြင့်မားနေတက်ပြီး၊ ငွေကြေးဖောင်းပွမှုများ ပုံမှန်အောက်တွင် ရှိနေတက်သည်။ များသောအားဖြင့် စီးပွားပျက်ကပ်တစ်ခုမှာ ဆယ်နှစ်ဝန်းကျင် ကြာတက်ပြီး၊ စီးပွားရေး အတက်, အကျသံသရာနှစ်ခု ( သို့ မဟုတ်) သုံးခုမျှကို ဖြတ်ကျော်ရလေ့ရှိသည်။ စီးပွားရေးသမိုင်းတွင် ထင်ရှားသော စီးပွားပျက်ကပ်မှာ ၊ 1930 အလွန်နှစ်များက ကြုံခဲ့ ရသော ' မဟာစီးပွားပျက်ကပ် ' (Great depression) ဖြစ်ပါသည်။ 1840 အလွန်နှင့် 1870 အလွန်နှစ်များကလည်း ၊ အတော်အတန်ပြင်းထန်သော စီးပွားပျက်ကပ်များ ပေါ်ထွက်ခဲ့ဖူးသည်။
အကောင်းဘက်မှ ပြောရလျှင် စီးပွားပျက်ကပ်တာရှည်ပြီး၊ ပြန်လည်ဖွဲ့ စည်းမှုကို အမှန်တကယ် လုပ်နိုင်သည်နှင့်အမျှ၊ စီးပွားပျက်ကပ်လွန်မြောက်ခါစများတွင် အခွင့်အလမ်းကောင်းများ ဖြစ်ပေါ်လာတက်ခြင်းဖြစ်ပါသည်။

(3) နောက် The Penguin ကထုတ်တဲ့ Dictionary of Economics ကို ကောက်ယူကြည့်လိုက်ပါတယ်။ ဒီစာအုပ်လည်း စုံသားပဲ -

RECESSION > An imprecise term given to a sharp slow- down in the rate of economic growth or a modest decline in economic activity, as distinct from a slump or DEPRESSION which is a more severe and prolonged downturn. RECESSION are a feature of the TRADE CYCLE. Two successive declines in seasonally adjusted, quarterly, real GROSS DOMESTIC PRODUCT would constitute a recession.

DEPRESSION> A downturn in the TRADE CYCLE in which there is a sustained high level of UNEMPLOYMENT. The three or four years following 1929 experienced the last major depression in the world economy.

(4) နောက် မောင်ဘောဂရေးတဲ့ စီးပွားရေးအဘိဓာန်မှာ ရှာကြည့်လိုက်ပါတယ်- စာအုပ်က ဆရာကျော်ဝင်းအဘိဓာန်ထက်ကြီးပြီး ခမ်းနားပေမယ့် ဝေါဟာရအရ ပဲ အဓိပ္ပာယ်ဖွင့်ပါတယ် ။အဓိပ္ပာယ် မပြည့်စုံလှပါဘူး - မြည်းစမ်းကြည့်ပါ။

Recession (n) a slowing down or fall in business activity. စီးပွာရေး အရောင်းအ၀ယ်- ဆုတ်ဆိုင်းခြင်း။ - ကျဆင်းခြင်း။ ( ယင်းသို့ သော အခါတွင် ရင်းနှီးမြှုပ်နှံမှုနှင့် အစိုးရသုံးစွဲငွေများ ကျဆင်းခြင်း နှင့် အလုပ်လက်မဲ့ တိုးပွားခြင်းတို့  ဖြစ်ပေါ်တက်သည်။

Depression (n) a period with very little economic activity, resulting in mass unemployment and the failure of many business. စီးပွားရေး လုပ်ငန်းများ ကျဆင်းသည့်ကာလ။ ( ယင်းကာလတွင် လူအမြောက်အမြား အလုပ်လက်မဲ့ဖြစ်ခြင်း၊ လုပ်ငန်းအများ စီးပွားပျက်ခြင်းတို့ ဖြစ်စေသည်။) . ဒီလောက်ပဲပါပါသည်။

References ကိုးကားတာတော်လိုက်ပြီထင်လို့ ကိုယ့်ဟာကိုယ် အရှိန်သတ်လိုက်ပါတယ်။ အမှန်တော့ ၀န်ခံစရာတစ်ခုရှိပါသည်။ ကျွန်မ Blog ရေးသားသည်ဆိုသည်ထက် Sharing လည်းလုပ်ရင်း ၊ ကိုယ့်ဟာကိုယ် ဗဟုသုတရှာရင်း စုဆောင်းခြင်းမျှသာ ဖြစ်ပါသည်။ သူငယ်ချင်းတို့ လည်း ၀ိုင်းဝန်းပြီး ကိုယ်သိသလောက် အမြင်တွေလည်း ပြန်လည် မျှဝေစေလိုပါသည်။

အခု ဖြစ်နေတဲ့ ကမ္ဘာ့ စီးပွားရေး ပျက်ကပ်မှုဟာ Recession လား Depression လား မသေချာမှုတွေများစွာ ဖြစ်တယ်ခံစားမိတဲ့အတွက် ကိုယ်တိုင်အဖြေထုတ်နေမိပါတယ် ။ Recession နဲ့  Depression မတူတာကို ဟောပြောပွဲတွေမှာရော ကျွန်မတို့ ဆရာဆရာမတွေကပါ ရှင်းပြပါတယ် ။ ကျွန်မသင်နေတဲ့ Business Management မှာ Eco တစ်ဘာသာကိုပဲ အကျဉ်းချုံးပြီးသင်လိုက်ရတဲ့အတွက် Economic View အရ သိပ်အာဘော် မရလိုက်ဘူး ။ အပြင်မှာ သင်တန်းတွေထပ်တက် ဟောပြောပွဲတွေ သွားနားထောင်တော့မှ တော်တော် ခံတွင်းတွေ့ လာတယ်။ နိုင်ငံတစ်နိုင်ငံ သာယာဝပြော ဖွံ့ ဖြိုးတိုးတက်ဖို့ ကို Economic View အရ မကြည့်ရင် အမြင်မရှိရင် ဘယ်လိုမှ ကြီးပွားတိုးတက်မှာ မဟုတ်ပါဘူး။ ကျွန်မ ဟိုနေ့ က Myanmar IT development web ကို သွားလည်ကြည့်တော့ IT အကြောင်းတွေနဲ့ ပက်သက်ပြီးရေးကြတာ တကယ်အပျံစားပဲ ။ စီးပွားရေးအကြောင်းတွေလည်းပါတယ် ။ တကယ်မိုက်တယ်။
အဲ . ကိုယ်သင်နေတဲ့စီးပွားရေးနဲ့ ဆိုင်တဲ့ Economic, Management ဖိုရမ်တို့  Groups တို့ က ကျတော့ မတွေ့ မိဘူး။ ဒါကြောင့် တော်တော်ဝမ်းနည်းမိတယ်။ အင်တာနက်ပေါ်မှာ Groups Discussion အနေနဲ့ ကို ဖက်ချင်တာ ။ ကိုယ့်မြန်မာစကားလုံးတွေနဲ့ မြန်မာလို ဆွေးနွေးချင်တာပါ။ အဆင့်မြင့်ပညာရှင်တွေက သူ့ အခန်းလိုက် ၀င်ဆွေးနွေးပေးစေချင်တာပါ။ အခွင့်အလန်းဂျာနယ်က Web ပေါ်တင်ပေးထားတဲ့စာတွေ ကြောင့် တော်တော်ဝမ်းသာရပါတယ်။ Myanmar Entrepreneur blog ကလည်းတော်တော်ကောင်းပေမယ့် ဖိုရမ်တစ်ခုအနေရင် ရှိရင်ကောင်းမယ်လို့ ခံစားရပါတယ်။
နိုင်ငံတစ်နိုင်ငံ မှာ အရေးကြီးဆုံးထိပ်စီးတွေထဲမှာပါတဲ့ နိုင်ငံရေး၊ စီးပွားရေး၊ လူမှုရေး တွေထဲမှာ အလယ်က ဆွေးနွေးချက်တွေ ပျောက်နေတယ်လို့ ခံစားမိတဲ့အတွက် တင်ပြလိုက်ရပါတယ်။

references:
(1) မောင်စူးစမ်းရေးတဲ့ စီးပွားရေးအဘိဓာန် (2005 ဇွန်)
(2) ဆရာကျော်ဝင်းရဲ့  ကမ္ဘာလုံးစီးပွားရေး အဘိဓာန် ( 2007 ဒီဇင်ဘာ )
(3) The Penguin ကထုတ်တဲ့ Dictionary of Economics (fifth edition 1992)
(4) မောင်ဘောဂရေးတဲ့ စီးပွားရေးအဘိဓာန် ( 1996 စက်တင်ဘာ )

( စီးပွားရေး အဘိဓာန်ရေးတဲ့ ဆရာများအားလုံးကို အထူးတောင်းပန်အပ်ပါသည်။ ဆရာတို့ မှာ အဘိဓာန်ရေးသည့် ခုနှစ်နှင့် အခါအားလျော်စွာ အခြေအနေများမူတည်ပြီး အကုန်အဓိပ္ပာယ် မပြည့်စုံသေးသည်ကို Blog ကနေ ရေးသားလိုက်ရသည့်အတွက် တမျိုးမထင်စေလိုပါ။ အဆင်ပြေလျှင် လက်ရှိအခြေအနေနဲ့ လိုက်လျောညီထွေမယ့် စကားလုံးအသစ်များ ကို တစ်နှစ်ပြီး တစ်နှစ် update လုပ်ဖို့ လိုအပ်လှပါသည်။ အင်္ဂလိပ် လိုချည်းရေးသားသည့် စာအုပ် ခုနှစ်ကို ကြည့်ရင် သိသာပါသည်။ သို့ အတွက်ကြောင့် (Positive) အပြုသဘော ထင်မြင်ချက်လေးအနေဖြင့် ရေးသားလိုက်ရပါသည်။ )

Military expenditures and economic growth in Asia (econometric analysis)

2009-02-03T05:07:00.000+06:30

Military Expenditures and Economic Growth in Asia by Khin Ma Ma Myo

Publish at Scribd or explore others: Academic Work Business world development

အလေးထားရမည့် ကွာဟမှုများ

2008-12-31T14:12:00.003+06:30

( မြို့ပြဖြစ်ထွန်းမှုကို အောင်အောင်မြင်မြင်ထိန်းသိမ်းနိုင်လျှင် အာရှ၏ဆင်းရဲမွဲတေမှုကို လျှော့ချနိုင်မည် -Sachs)

လုပ်ကြံခံရသောအမေရိကန်သမ္မတဟောင်း ကနေဒီကပြောဖူးသည်။ ဘ၀ဆိုတာမျှတစွာ ဆက်ဆံခြင်းမခံရ တတ်ဘူးတဲ့။ နိုင်ငံတစ်ခု ၏ စီးပွားရေးဖွံ့ဖြိုးတိုးတက်မှုတွင် လူတိုင်းကြီးပွားချမ်းသာကာ ဖွံ့ဖြိုးမှုအသီးအပွင့်များ ရယူခံစားနိုင်လိမ့်မည်ဟု မယူဆနိုင်ပေ။ (GDP ဆိုသည်မှာ လူတစ်ဦးကျပျှမ်းမျှထုတ်လုပ်နိုင်မှုကို သင်္ချာညီမျှခြင်း တစ်ခုဖြင့် ဖော်ပြနိုင်ခြင်းသာဖြစ်ပြီး တကယ်ထုတ်လုပ်နိုင်မှုကို မရည်ရွယ်ပေ) ။ ဈေးကွက်စီးပွားရေးစနစ်ကို အခြေပြုလာသော အာရှနိုင်ငံအများစုတွင် စီးပွားရေးအရတိုးတက်မှုများ ရှိနေကြသည်ကို တွေ့ရသည်မှာ ကြာပြီဖြစ်သည်။ ဥပမာအားဖြင့် ၁၉၉၀ ခုနှစ်များအတွင်း အာရှဒေသ၏ လူတစ်ဦးကျဝင်ငွေတိုးတက်မှုမှာ အရှေ့အာရှတွင် ၅ ရာခိုင်နှုန်း၊ တောင်အာရှတွင် ၃ ရာခိုင်နှုန်းအထိရှိခဲ့သည်။ ကျွဲကူးရေပါဆိုသလို အခြား လူမှုဖွံ့ဖြိုးရေးညွှန်ကိန်းများဖြစ်သည့် မျှော်မှန်းလူ့သက်တမ်းနှင့် စာတတ်မြောက်မှုနှုန်းများလည်း တိုးတက် လာခဲ့လေသည်။ သို့သော် ထိုကဲ့သို့တိုးတက်မှုများမှာ နေရာတိုင်းထောင့်တိုင်းကို လုံလုံလောက်လောက် ထိတွေ့မှုမရှိနိုင်ခဲ့သေးချေ။ အထူးသဖြင့် မြို့ပြနှင့် ကျေးလက်ဒေသကြား ကွာဟမှု ကြီးမားနေခြင်းပင်။ လူသားတစ်ဦး၏ရပိုင်ခွင့်၊ ရနိုင်ခွင့်များမှာ လူမျိုးရေးအရ၊ ဘာသာတရားအရ၊ လိင်အရ ကွဲပြားခြားနားနေခဲ့သည်။

အာရှဒေသ၏ ဖွံ့ဖြိုးတိုးတက်မှုများကို လိုလိုလားလား လက်ခံရမည်ဖြစ်သော်ငြား ယင်းဖွံ့ဖြိုးတိုးတက်မှုများ၏ အရည်အသွေးနှင့် ပျံ့နှံ့ပေါက်ရောက်မှု မျှတမှုရှိမရှိဆိုသည်ကိုကား လစ်လျူရှုလို့တော့မရချေ။ လူမှုရေး ဘာသာရပ်များ၏ နည်းနာနိသယျများမှာ တစ်ခုကောင်းမရှိတတ်သလို မြို့ပြဦးဆောင်သည့် ဖွံ့ဖြိုးရေးလမ်းစဉ်မှ ကျေးလက်ဦးဆောင်သည့် ဖွံ့ဖြိုးမှုလမ်းကြောင်းများလည်း တွေ့မြင်ခဲ့ရသည်။ ဆိုလိုသည်မှာ ဖွံ့ဖြိုးရေးတွန်းအား များ၏အရွေ့သည် မြို့ပြမှ ကျေးလက်ဆီသို့ဖြစ်သည်။ အာရှဒေသတွင် ၁၉၇၀ ပြည့်နှစ်များက မြစိမ်းရောင် တော်လှန်ရေးကြောင့် လယ်ယာကဏ္ဍများ တဟုန်ထိုး တိုးတက်မှုနှင့်အတူ နိုင်ငံတိုင်းလိုလို စီးပွားရေးအရ ကြွယ်ဝချမ်းသာမှုများ ဖြစ်တည်လာရန်အစကောင်းခဲ့သည်။ ကျေးလက်ဒေသများ၏ တိုးတက်မှုမှာ မြို့ပြဒေသထက်ပင်မြန်ဆန်ခဲ့ပြီး လယ်သမားများ၏၀င်ငွေမှာလည်း သိသာစွာပင်တိုးတက်နေခဲ့သည်။ ဥပမာအားဖြင့် တရုတ်နိုင်ငံတွင် စိုက်ပျိုးရေး၌ ဘုံစနစ်ကို ဈေးကွက်စနစ်ဖြင့် သွတ်သွင်းပြောင်းလဲပြီးနောက် လယ်ယာထုတ်ကုန်တိုးတက်မှုများ သိသိသာသာရရှိခဲ့ခြင်းဖြစ်သည်။ ထို့ပြင် မြို့ပြနှင့်ကျေးလက်ဒေသကြား ကွာဟမှုမှာလည်း ကျုံ့သွားခဲ့ပေသည်။ သို့သော် ဖွံ့ဖြိုးမှုဆိုင်ရာ တခြားဒိုင်မင်းရှင်းဘက်မှ လှည့်ကြည့်လျှင် ကမ်းရိုးတန်းဒေသနှင့် ကုန်းတွင်းပိုင်းဒေသကြား ကွာဟမှုကိုလည်း ထင်ရှားစွာတွေ့မြင်လာရသည်။

တရုတ်နိုင်ငံတွင် ကမ်းရိုးတန်းမြို့များဖြစ်သော ရှန်ဟိုင်းနှင့်ရှန်ဇန်းမြို့များ၌ နိုင်ငံခြားရင်းနှီးမြုပ်နှံသူများ စုပြုံရင်းနှီးကြသဖြင့် ထိုမြို့များအချိန်တိုအတွင်း ဖွံ့ဖြိုးတိုးတက်သွားကြသည်။ ထို့ကြောင့် ကမ်းရိုးတန်းဒေသနှင့် အတွင်းပိုင်းဒေသများ၏ ဖွံ့ဖြိုးမှုကွာဟချက်မှာ ပိုမိုကြီးမားလာခဲ့ပေသည်။ ထိုကဲ့သို့အခြေအနေမျိုးမှာ အာရှတိုက်နိုင်ငံအများအပြားတွင်ရှိနေဆဲဖြစ်သည်။ ကျေးလက်နှင့်မြို့ပြ ၀င်ငွေကွာဟစေသည့်အချက်များတွင် စက်မှုလုပ်ငန်းများ တည်ရှိပုံမှာလည်း အကြောင်းတစ်ရပ်ဖြစ်ပါသည်။ အစဉ်အလာအားဖြင့် ဂျပန်နိုင်ငံမှာ ဆင်းရဲသောစိုက်ပျိုးရေးနိုင်ငံဖြစ်သော်လည်း ၁၉ ရာစုအကုန်တွင် စက်မှုထူထောင်ရေးလမ်းစဉ်ကို ကျင့်သုံးခဲ့ လေသည်။ မြို့ပြဒေသများတွင် စက်မှုလုပ်ငန်းများ အခြေချဖြစ်ထွန်းလာခြင်းနှင့်အတူ ကျေးလက်နှင့် မြို့ပြ ၀င်ငွေကွာဟချက်ကြီးမားလာပြီး ကျေးလက်နေသူများအဖို့ ဆင်းရဲတွင်းနက်သည်ထက်နက်လာခဲ့ပါသည်။ ထို့ကြောင့် တစ်ဖက်မှမြို့ပြ၏ဆွဲခေါ်ချက်နှင့် တစ်ဖက်မှကျေးလက်ဒေသ၏ တွန်းထိုးမှုများကြောင့် ကျေးလက်မှမြို့ပြဆီ လုပ်သားပြောင်းရွှေ့မှုဇာတ်လမ်းများမှာ ဂျပန်နိုင်ငံတစ်ဝန်း မရိုးနိုင်အောင်တွေ့မြင်လာ ရသည်။ သို့သော် စိုက်ပျိုးရေးကဏ္ဍတွင်တန့်နေသည်ကိုမူ မတွေ့ခဲ့ရချေ။ နည်းပညာများထွန်းကားတိုးတက် လာမှုကြောင့် စိုက်ပျိုးရေးတွင် လူ့လုပ်အားကိုလျှော့ချသုံးစွဲနိုင်ခဲ့သလို အထွက်နှုန်းကောင်းမွန်လာမှုများကလည်း ဂျပန်လယ်သမားများ၏ ၀င်ငွေကိုမြင့်တက်လာစေခဲ့သည်။ (မှတ်ချက် ။ ။ဂျပန်နိုင်ငံတွင် စိုက်ပျိုးရေးကို အစိုးရမှ အကာအကွယ်ကောင်းစွာပေးထားသည်)။ မြင့်မားသော လူနေမှုအဆင့်အတန်းများကလည်း မြို့ပြမှ ကျေးလက်ဆီ ပြန်လည်ရွှေ့ပြောင်းမှုများကို တားဆီးနေခဲ့ပါသည်။ တစ်ဖက်တွင် အစိုးရမှ ကျေးလက်ဒေသ အခြေခံအဆောက်အအုံများတွင် ရင်းနှီးမြှုပ်နှံမှုများကောင်းစွာပြုခဲ့ရာ စက်မှုလုပ်ငန်းများအတွက် အရေးပါသည့် အရည်အသွေးမြင့်လုပ်သားထုများ မွေးဖွားနိုင်ခဲ့လေသည်။ တောင်ကိုရီးယားနှင့် ထိုင်ဝမ်တို့မှာလည်း ယင်းလမ်းကြောင်းမျိုးလိုက်ခဲ့ကြသည်။

ထို့ကဲ့သို့သော အောင်မြင်မှုမျိုးရရန်မှာမူ ခုရေတွင်းတူး ခုရေကြည်သောက်သဘောမျိုးဖြင့် မရနိုင်ချေ။ ကဏ္ဍအားလုံးဟန်ချက်ညီညီ ဖွံ့ဖြိုးတိုးတက်ရန်တော့လိုအပ်ပါမည်။ အလုပ်ခွဲဝေဖြန့်ဖြူးမှုများမှာ လူမှုအလွှာများ အကြား၊ စီးပွားရေးကဏ္ဍများအကြား ထိရောက်မှုရှဖို့လိုအပ်နေသလို သဘာဝပတ်ဝန်းကျင်နှင့် မြို့ပြ စီမံခန့်ခွဲမှု အရည်အသွေးများ တောက်ပြောင်နေဖို့ အရေးကြီးလှသည်။ ကွာဟချက်ကြီးမားလာသောနေရာများတွင် အစိုးရ၏ တော်တည့်မှန်ကန်သော ၀င်ရောက်ထိန်းကျောင်းမှုမှာလည်း အခရာကျနေပေသည်။ အစိုးရများအား မည်သို့လုပ်ပါဆိုသည်မှာမူ အပြောလွယ်သလောက် အလုပ်ခက်မည့်သဘောမျိုး ရှိနေပါသည်။ အာရှဒေသ မြို့ပြအတော်များများတွင် ယိုယွင်းနေသော ပြည်သူ့ဝန်ဆောင်မှုလုပ်ငန်းများ၊ ပိတ်ဆို့နေသောကားတန်းများ၊ ညစ်ညမ်းမှုပေါင်းစုံနှင့် ကျပ်တည်းနေသော လူနေထိုင်မှုပုံစံများက ခေတ်သစ်မြို့ပြအကျပ်အတည်းကို ညွှန်းဆိုနေပါသည်။ မည်သို့ပင်ဆိုစေ ကျေးလက် မှ မြို့များဆီ ရွှေ့ပြောင်းမှုများမှာလည်း အတောမသတ် နိုင်အောင်ရှိနေဆဲဖြစ်သည်။ သို့သော် အနောက်နိုင်ငံများ၏ မြို့ပြလူဦးရေမှာ ၈၀ ရာခိုင်နှုန်းခန့်ရှိချိန်တွင် အာရှဒေသအများစုတွင်မူ ပျှမ်းမျှ ၅၀ ရာခိုင်နှုန်းခန့်သာရှိနေပါသေးသည်။ အတက်အကျမမှန်သော စီးပွားရေးများကြောင့် အာရှအစိုးရအတော်များများမှာ ကျေးလက်ဒေသပြည်သူ့ဝန်ဆောင်မှုလုပ်ငန်းများတွင် ရင်းနှီးမြုပ်နှံရန် အခက်ကြုံနေရပြီး မြို့ပြဒေသတွင် ဒုက္ခသုက္ခ ရောက်နေသူများအတွက်လည်း ပူပန်နေရ လေသည်။ ယင်းအခက်အခဲများအား မှန်ကန်ထိရောက်စွာ မဖြေရှင်းနိုင်လျှင်မူ မမျှတသောဘ၀ထက် ပိုမိုဆိုးဝါးသော ဘ၀တွေကိုသာ လက်ခံလိုက်ရမည်ဖြစ်လေတော့သည်။

( “အမိမြေမှသတင်းများ” ၀က်ဆိုက် ( http://motherlandnews.co.cc) မှ ဆောင်းပါးရှင် ပူဖောင်း(အီကို) ရေးသားထားသည့်

ဆောင်းပါးကို ကူးယူဖော်ပြထားခြင်းဖြစ်ပါသည်)

India က ပီဆဲဗင်း ( 7 P s ) မူဖြင့် နိုင်ငံခြား အရင်းအနှီးတို့ ကို အပြင်းအထန် ဖိတ်ခေါ်ပုံ

2008-12-24T22:20:00.002+06:30

ပီဆဲဗင်း ( ဆရာ မောင်စူးစမ်း ရေးသည့် ပညာ အ ခြေစိုက် စီးပွားရေး စာအုပ်မှ )

ဒီ 7 Ps က Marketing က 7 Ps နဲ့ မတူပဲ နိုင်ငံဖွံ့ ဖြိုး တိုးတက်စေရာ အကြောင်းတွေ ဟု ကိုယ်တိုင် ခံစားမိတဲ့အတွက် ကျွန်မတို့ မြန်မာပြည် အတွက်ရော အသုံးချစရာ ဖြစ်လာ နိုင်မလားဆိုပြီး ရေးလိုက်ခြင်း ဖြစ်ပါတယ်။ P တစ်လုံးထဲက Power (လျှပ်စစ် မီး စွမ်းအင်) က ကျွန်မတို့ အတွက် သိပ်နည်း နေပြီလား။ အားလုံး ဆင်ခြင်ကြည့်ရင် သူများ အိမ်နီးချင်း နိုင်ငံနဲ့  ဘယ်လိုမှ ယှဉ်မရသေး India ကို လည်း မမှီ၊ တရုတ်နောက် လိုက်သာ လိုက်တာ ကောင်းတာတွေ အခုထက်ထိ ရအောင် မယူနိုင်သေး - လိုသေးတာ ကလေး တစ်ယောက် လိုပါပဲ ကိုယ်တိုင်ရော မြန်မာပြည်ရော-

7 Ps မှာ အောက်ပါအတိုင်းဖြစ်သည်။

၁။ People (လူထု) ဖြစ်သည်။
အင်ဂျင်နီယာ ကျောင်းတွေနဲ့ Technology ပညာရှင်တွေ ဘယ်လောက် ပေါများပုံကို စာရင်း ဇယားနှင့် ဖော်ပြသည်။

၂။ Power (လျှပ်စစ် မီး စွမ်းအင်) ဖြစ်သည်။
လျှပ်စစ်မီး မှန်မှန် ရ မရသည် ရင်းနှီး မြှုပ်နှံမှုတို့ ကို ဆွဲဆောင်ရာ၌ အဓိက သော့ချက် ဖြစ်သည်ဟု ယူဆသည်။

၃။ Ports (ဆိပ်ကမ်းတို့ ) ဖြစ်သည်။
ဆိပ်ကမ်းတို့ ၏ အရည်အသွေး အပြင် ဆိပ်ကမ်းတို့ ၏ ကမ္ဘာ တလွှား ချိတ်ဆက်နိုင်မှု (connectivity) တို့ ကိုလည်း ဖော်ပြသည်။

၎။ Parks (ပန်းခြံများ) ဖြစ်သည်။
စက်မှုဇုံ၊ သိပ္ပံဇုံ၊ Technology Zone တို့ ကိုဖော်ပြ သည်။ ကမ္ဘာ့ အဆင့်အတန်း မှီပုံတို့ ကို ရှင်းပြသည်။

၅။ Performance (လုပ်ဆောင်ချက်) တို့ ဖြစ်သည်။
လုပ်ဆောင်နိုင်ရည် အဆင့်အတန်း မြင့်ပုံတို့ ကို သရုပ်ဖော် ပြသည်။ ဥပမာ အမေရိကားမှ " နောက်အဖီ ရုံးခန်း ( Back Office) တို့ ကို အိန္ဒိယ ပြည်နယ်များ ဆီသို့  ရွှေ့ ပြောင်း လာပုံတို့ ကို ဖော်ပြသည်။

၆။ Potential (စွမ်းရည် အလားအလာ) တို့ ဖြစ်သည်။
ဤအပိုင်း၌ ပုဂ္ဂလိက ပိုင်း(Private) ၏ ဖွံဖြိုး တိုးတက်သော စွမ်းပကား တို့ ကို မီးမောင်း ထိုးပြသည်။ အမြတ်ကောင်း ရနိုင်ပုံ၊ Equity Participation ခေါ် နိုင်ငံခြား ကုမ္ပဏီတို့ ၏အစုရှယ်ယာတို့ တွင် အိန္ဒိယရင်းနှီးမြှုပ်နှံသူတို့ က 74 % အထိ ပါဝင်နိုင်ခြေရှိပုံကိုလည်း ဖော်ပြသည်။

၇။ Political Will ( နိုင်ငံရေးအရ သန္နိဌာန် ပြ ဋ္ဌာန်းချက်) ဖြစ်သည်။
ခေတ်ရေစီးကြောင်း နှင့် အညီ ပြုပြင်ပြောင်းလဲရေးနှင့် ဖွံ့ ဖြိုးတိုးတက်မှုတို့ ကို မလွဲမသွေ ဖြစ်ထွန်းရန် ပိုင်းဖြတ်ပြီး ဖြစ်ပုံတို့ ကို ဖော်ပြသည်။

အိန္ဒိယက ဤ ပီ ၇လုံးမူဖြင့် နိုင်ငံခြား အရင်းအနှီးတို့ ကို အပြင်းအထန် ဖိတ်ခေါ်နေသည်။

Creativity ...

2008-12-07T20:00:00.003+06:30

ဖန်တီးနိုင်စွမ်းရှိရန် လိုအပ်လာသော ယနေ့ခေတ်

ဖန်တီး နိုင်စွမ်း(Creativity) ၏ အရေးပါမှုကို ယနေ့ခေတ် အဖွဲ့အစည်း တိုင်းက အသိအမှတ်ပြု လာကြသည်။ တီထွင် ဖန်တီး နိုင်စွမ်း မရှိလျှင်၊ ဆန်းသစ်မှု မပြုလုပ်နိုင်လျှင် နောက်ကျ ကျန်ရစ်မည်။ ပြိုင်ပွဲမှ ဘေးထွက် ထိုင်နေရမည့် အနေအထားမျိုး ရောက်နေပြီ ကို လူတိုင်း လက်ခံကြသည့် သဘော ဖြစ်သည်။ ဤသို့ အရေးပါ အရာရောက်လာသော ဖန်တီး နိုင်စွမ်းကို မည်သို့ရရှိအောင် လုပ်ယူ ကြ မည်နည်း။ လုပ်ငန်း အဖွဲ့ အစည်း တိုင်းက ဖန်တီးမှု အားကောင်းသော လူများ ကိုသာ အလိုရှိ ကြသည်။ ဤတွင် မိမိ အဖွဲ့အစည်း အတွင်းမှ လုပ်သား ဝန်ထမ်းများ ဖန်တီး လိုစိတ်နှင့် ဖန်တီး နိုင်စွမ်း ရှိဖို့ အဖွဲ့အစည်းက တစ်ဦးချင်း ကို လွတ်လပ်စွာ လုပ်ကိုင် နိုင် ခွင့်ပြုဖို့ လိုအပ်လာသည်။ တစ်ဦးချင်း လုပ်ဆောင် လိုစိတ်ကို အားပေး ရမည်။ ချီးမြှင့် မြှောက်စားရမည်။ အဖွဲ့အစည်းက ချမှတ် ပြဋ္ဌာန်း ထားသော စံညွှန်းများနှင့်အညီ သဟဇာတ ဖြစ်ရေး ကိုချည်း အလေးပေး နေ၍မရနိုင်။

ဘောင်ခတ် ကန့်သတ်မှုသည်တီထွင်မှုအတွက် အတားအဆီးသဖွယ်ဖြစ်သည်။ လူမျိုးအသီးသီး၊ လူ့အဖွဲ့အစည်းအသီးသီး၌ အစဉ်အလာလက်ခံကျင့် သုံးလာသော အတွေးအခေါ်၊ အယူအဆများ၊ ကျင့်ထုံးများရှိသည်။ မယူဆအပ်၊ မတွေးအပ်၊ မလုပ် အပ်ဟု အများလက်ခံပြီးသောဓလေ့ထုံးစံများလည်း ရှိကြသည်။ အဆိုပါ ဓလေ့ထုံးစံများ၊ အယူအဆ များကလူ့ အဖွဲ့အစည်းတိုးတက်ဖို့ အတွေးသစ်၊ စိတ်ကူးသစ်၊ တီထွင်မှု အသစ်များ ပေါ်ထွက် လာမှုကို နှေးကွေး စေခြင်း မဖြစ်သင့်ပေ။ တီထွင် ဖန်တီးမှု အရာ၌ အာရှသား များသည် အနောက်တိုင်းသား များထက် အားနည်း သည်ဟု ပြောဆိုမှု ရှိသည်။ ဤသို့ အားနည်းရခြင်းကို "Why Asians are Less Creative than Westerners" (ဘာကြောင့် အာရှသား များသည် အနောက်တိုင်းသား များထက် တီထွင် ဖန်တီးမှုအား လျော့နည်း ရသလဲ) စာအုပ်၌ စာရေးဆရာ Ng Aik Kwang က ယဉ်ကျေးမှု အခြေခံ ပတ်ဝန်းကျင် မတူညီမှုနှင့် စိတ်ခံစားမှု မတူညီပုံတို့အပေါ် အဆိုပါ စာအုပ် ပြုစု ရေးသားသူက ဆိုထားသည်။ ယင်းသို့ အာရှသားများ အနောက် တိုင်းသား များထက် တီထွင်ဖန်တီးမှု အလေ့အထ အားနည်း ရခြင်းမှာ အာရှသား တို့၏ ဉာဏ်ရည်ဉာဏ်သွေး ချို့ယွင်း နည်းပါး၍မဟုတ်၊ ပတ်ဝန်းကျင် ဓလေ့စရိုက် ယဉ်ကျေးမှု၏ ဩဇာ လွှမ်းမိုးမှု မတူ ကွဲပြားခြင်း ကြောင့် ဟူသော အဖြေကို ပေး ထားသည်။

မည်သို့ပင် ရှိစေ ပြိုင်ဆိုင်မှု ပြင်းထန်သော ယနေ့ ခေတ်တွင် ဝန်ထမ်း လုပ်သားများ တီထွင် ဖန်တီးမှု အလေ့အထ အားကောင်း လာအောင် အဖွဲ့အစည်း တိုင်းက ပြင်ဆင် ခင်းကျင်း ပေးရန် ရှိနေပေသည်။ တီထွင်မှုကို အားပေး ရမည်။ တီထွင်မှုအတွက် ထိုက်တန်စွာ ချီးမြှင့် ရမည်။ သို့မှသာ ဆန်းသစ်သော ကုန်ပစ္စည်းများ၊ ကျေနပ်ဖွယ် ဝန်ဆောင်မှုများ ထွက်ပေါ်လာကာ ပြည်တွင်း သာမက ပြည်ပ နိုင်ငံတကာ အနှံ့ ခြေဆန့် နိုင်မည်ဖြစ်ပါသည်။

Editor's Quote (Opportunity Journal, No. 9 , 8 November 2005)

Voice

2008-11-12T09:26:00.004+06:30

အဋ္ဌမမြောက်အလေ့အထ - ၂

(စွမ်းရည်မြင့်မားခြင်းမှ ကြီးကျယ်ပြောင်မြောက်ခြင်းသို့)

သင်ကာ

စွမ်းရည်မြင့်မား အလေ့အထခုနစ်ပါး စာအုပ်ထုတ်ဝေချိန် ၁၉၈၉ ခုနှစ်မှစကမ္ဘ္ဘာကြီးသည် သိမ်မွေ့စွာ ပြောင်းလဲလာခဲ့သည်။ အဖွဲ့အစည်း၊ လုပ်ငန်း၊ မိသားစု၊ ကိုယ်ရေးကိုယ်တာကိစ္စ၊ အများနှင့် ဆက်ဆံရေးတို့တွင် ရင်ဆိုင်လာရသည့် စိန်ခေါ်မှုနှင့် ရှုပ်ထွေးမှုများသည် အရေးပါအရာရောက်မှု စံများ ကွဲပြားလာခြင်းကြောင့် ဖြစ်သည်။ ၁၉၈၉ ခုနှစ်သည် ဘာလင်တံတိုင်း ပြိုသွားသည်ကို ကြုံရသောနှစ်၊ အင်ဖော်မေးရှင်းခေတ်သို့ စတင်ဝင်ရောက်ချိန်၊ အသစ်အသစ်များ မွေးဖွားချိန်၊ အံ့ဘနန်းထူးကဲသော မဟာပြောင်းလဲမှုများဖြစ်ချိန်ဟု အများက မှတ်ချက်ချရသော တကယ့်ကာလသစ်ပင် ဖြစ်သည်။

ထို့ကြောင့်ပင် အများက အလေ့အထခုနစ်ရပ်သည် ယနေ့ လောကသစ်နှင့် အံဝင်ခွင်ကျရှိသေးပါ၏လောဟု မေးလာကြသည်။ စတီဖင်ကိုဗေး၏ မပြောင်းမလဲ တစ်မျိုး တည်းသောအဖြေမှာ ပြောင်းလဲမှုများ ကြီးမားလာပြီး စိန်ခေါ်မှုများပိုํ ခက်ခဲကြမ်းတမ်းလာလေ အလေ့အထခုနစ်ရပ်မှာပိုํ အံဝင်ခွင်ကျ အသုံးတည့်လေ ဟု ဖြစ်သည်။

အလေ့အထခုနစ်ရပ်၏ ရည်ရွယ်ရင်းသည် စွမ်းဆောင်ရည်မြင့်ဖို့ ဖြစ်သည်။ အားလုံးနှင့်ဆိုင်သည့် ပြည့်စုံသော စည်းကမ်းကလနား၊ စွမ်းဆောင်ရည်နှင့် အကျင့်စရိုိုက်တို့ အတွက် အချိန်မရွေး ကျင့်သုံးနိုင်သောတရားအဖြစ် အလေ့အထခုနစ်ရပ်က ကိုယ်စားပြုသည်။

ယနေ့ကမ္ဘ္ဘ္ဘာတွင် တစ်ဦးချင်းအရဖြစ်စေ၊ အဖွဲ့အစည်းလိုက်ဖြစ်စေ စွမ်းဆောင်ရည်မြင့်မားရန်မှာ ရှောင်လွှဲ၍ မရပေ။ ယင်းမှာ လောကကစားကွင်းသို့ ၀င်ရေးအတွက် အရင်းအနှီးပင် ဖြစ်သည်။ သို့သော် လောကသစ်အတွင်း ရှင်သန်ရန်၊ ပျော်ဝင် စီးမျောရန်၊ အပြောင်းအလဲလုပ်နိုင်ရန်၊ ထူးချွန်အောင် ဆောင်ရွက်ရန်နှင့် ဦးဆောင်နိုင်ရန်အတွက် စွမ်းဆောင်ရည်မြင့်မားခြင်းထက် ပိုလွန်သော အရည်အသွေးတစ်ရပ် လိုအပ်ပေသေးသည်။ ယင်းမှာ ကြီးကျယ်ပြောင်မြောက်ခြင်း (Grateness) ပင် ဖြစ် သည်။ Grateness သည် အပြည့်အ၀ ဖြည့်ဆည်းမှု (Fullfillment)၊ ထက်သန်သော စီမံဆောင်ရွက်မှု (Passionate Execution) နှင့် အရေးပါသော ပါဝင် ကူညီမှု (Significant Contribution) တို့ ရရှိစေဖို့ ဖြစ်သည်။ ယင်းတို့တွင် မတူသောရှုထောင့်တစ်မျိုးစီ ရှိသည်။ ပင်ကိုစေ့ဆော်မှု (Voice) ဟု ဆိုနိုင်သည့် လူသား၏ ပါရမီ၊ စွမ်းရည်၊ စိတ်ပါဝင်စားမှုတို့ကို အမြင့်ဆုံး ရောက်အောင် ဖွင့်ထုတ်ပေးရန် တွေး ခေါ်မှုပုံစံအသစ်၊ ကျွမ်းကျင်မှုစွမ်းရည် အသစ်၊ အသုံးချရမည့်နည်းနာအသစ် တည်းဟူသော အလေ့အထအသစ် လိုပေသည်။

အဋ္ဌမမြောက်အလေ့အထသည် ယခင် အလေ့အထခုနစ်ရပ်အတွင်း ဆွဲသွင်းရမည့် အလေ့အထမျိုးမဟုတ်ပါ။ ယနေ့ပညာလုပ်သားခေတ် (Knowledge Worker Age) ကြီး၏ အဓိက စိန်ခေါ်မှုကြီးများကို ရင်ဆိုင်နိုင်ရန် အလေ့အထခုနစ်ရပ်ကို စုစည်းသိုင်းဖွဲ့ပေးမည့် တတိယရှုထောင့်အမြင်တစ်ခု ဖြစ်ပါသည်။ အဋ္ဌမမြောက်အလေ့အထမှာ ကိုယ့်စိတ်ရင်းစေ့ဆော်မှုကို ဆန်းစစ်ရှာဖွေခြင်းနှင့် အခြားသူများ ကိုလည်း ဆန်းစစ်ရှာဖွေရန် အားပေးခြင်း (Find Your Voice and Inspire Others to Find Theirs) ပင် ဖြစ်ပါ သည်။

အဋ္ဌမမြောက်အလေ့အထသည် ယနေ့အမှန်တကယ် ကြုံတွေ့နေရသော အခြေအနေများ၏ အလွန့်အလွန် အလားအလာကောင်းသော ဘက်ဆီသို့ ဦးတည်ရာလမ်းကြောင်းကို ကိုယ်စားပြုပါသည်။ ယခင်ဖော်ပြဖူးသည့် နာကျင်ခံခက်မှု၊ ဖရိုဖရဲပြိုကွဲ မသေချာမှုတို့၏ လုံးလုံးဆန့်ကျင်ဘက် အပိုင်းတွင် ရှိပါသည်။ အလားအလာ ကောင်းများကို အကန့်အသတ်မဲ့စေခြင်း၊ လောကဓံကို ခံနိုင်ခြင်း၊ မျှော် လင့်ချက်အပြည့်ရှိခြင်းတို့ကိုဖြစ်စေသော လူ့စိတ်၏ အရင်းခံစေ့ဆော်မှု (Voice) ကို တူးဆွခြင်း ဖြစ်သည်။

သင်ကာ

မူရင်း - The 8th Habit by Stephen Covey

ခေါင်းဆောင်မှု၏ အနက်အဓိပ္ပာယ်ကို ရှာဖွေခြင်း

2008-11-06T01:25:00.004+06:30

Myanmar Entrepreneur Group မှာ ပါဝင်ရေးသားဖို့ ဖိတ်ခေါ်ထားခြင်း ခံရတာ ကြာပြီဖြစ်ပေမယ့် အကြောင်း အမျိုးမျိုးနှင့် ကျွန်တော် ဝင်ရောက်ရေးသားခြင်း မပြုနိုင်ခဲ့ပါဘူး။ အခြားသော နောင်တော်၊ အစ်မတော်များ ရေးသမျှတွေကို သာလိုက်ဖတ်ရင်း အချိန်တွေ အတော်လင့် သွားခဲ့ပါတယ်။ အခုတော့ ကျွန်တော့်ရဲ့ ပထမဆုံးသော Myanmar Entrepreneur Group နဲ့ သက်ဆိုင်တယ် လို့ယူဆမိတဲ့ အကြောင်းအရာ ခေါင်းစဉ်တစ်ခုကို ကြိုးစား၊ ပမ်းစား ရေးသားလိုက်ပါပြီ။ အားလုံးသော ညီအစ်ကို၊ မောင်နှမများ နှင့် အသိပညာတွေ နှီးနှောဖလှယ်ကြရင်း Myanmar Entrepreneur Group လည်း ပိုမို လက်တွေ့ကျတဲ့ လုပ်ငန်းပိုင်း ဆိုင်ရာတွေမှာပါ လုပ်ကိုင်ဆောင်ရွက်၊ အသိပညာပေးဝေနိုင်တဲ့ မြန်မာ့ လူ့အဖွဲ့အစည်း အတွက်သာ မကပဲ၊ ကမ္ဘာ့ လူ့အဖွဲ့အစည်းမှာပါ ကြီးကျယ်ထင်ရှား အောင်မြင်နိုင်တဲ့ အဖွဲ့အစည်း တစ်ခုဖြစ်လာပါစေကြောင်း အလေးအနက် ဆုတောင်း လိုက်ရပါကြောင်း ခင်ဗျား။

ခေါင်းဆောင်မှု၏ အနက်အဓိပ္ပာယ်ကို ရှာဖွေခြင်း

(က)

ခေါင်းဆောင်မှု သို့မဟုတ် Leadership ဆိုသော စကားလုံးကို နေရာ အတော်များများတွင် လူတိုင်း နီးပါးလောက် ကြားဖူးကြမည် ဖြစ်သည်။ နေရာဒေသ ကို လိုက်၍ ကြားပုံ ကြားနည်း ကွာခြားမည်။ အချိန်အခါနှင့် လူပုဂ္ဂိုလ် ပေါ် မူတည်၍ မြင်ပုံ မြင်နည်း ကွာခြားမည်။ မည်သို့ပင်ဖြစ်စေ ခေါင်းဆောင်မှု ဆိုသော ဝေါဟာရ တစ်ရပ်သည် လူ့လောက၊ လူ့ အဖွဲ့အစည်း အတွင်း ပုံသဏ္ဍာန်အမျိုးမျိုးဖြင့် ရပ်တည် လုပ်ဆောင်နေကြသော လူစုလူဝေး၊ အဖွဲ့အသင်း နှင့် လူမျိုး၊ နိုင်ငံ အစရှိသည့် အရာအားလုံးတို့ အတွက် မရှိမဖြစ် အရေးကြီးသော အရာတစ်ခု ဖြစ်ခြင်းကိုမူ ကမ္ဘာဦးကတည်းက လူသားတို့ လက်ခံ လာခဲ့ကြပြီး ဖြစ်၏။

(ခ)

စာဆန်ဆန်၊ ဟိုအချက် ဒီအချက်များအား ကိုးကား မပြောမှီ ခေါင်းဆောင်ကောင်း တစ်ယောက်၏ အင်္ဂါရပ်များကို မိမိကိုယ်တိုင် မိမိ ဆန္ဒများပေါ်တွင် အခြေတည်၍ စိတ်ကူး သတ်မှတ် ကြည့်နိုင်သည်။

ပထမဆုံး အချက် အနေဖြင့် ခေါင်းဆောင်ဟူသည် အားလုံးတို့ထက် လူမှုရေး၊ စီးပွားရေး၊ နိုင်ငံရေး တို့တွင် အမြင် ကျယ်ပြန့် နှံ့စပ်သူ ဖြစ်ရမည်။ ယေဘူယျ ဆန်အောင် ပြောလိုက်ခြင်း ဖြစ်၏။ ဆိုလိုရင်းမှာ ခေါင်းဆောင် နှင့် ခေါင်းဆောင်လုပ်သူ အဖွဲ့အစည်း၏ သက်ဆိုင်ရာ နယ်ပယ်တွင် အမြင်ကျယ်ကျယ် ပြန့်ပြန့် ရှိရန်ကို ဆိုလိုခြင်း ဖြစ်သည်။ ခေါင်းဆောင်လုပ်သူ ကိုယ်တိုင်ကမှ နွားခြေရာခွက်ထဲလောက် ကို မျက်စိတစ်ဆုံး ကြည့်ရှုနေလျင် နောက်လိုက် အပေါင်းတို့ကား စုံလုံးကန်းရန်သာ ရှိတော့၏။

ဒုတိယ အချက်အနေဖြင့် မိမိသိသကဲ့သို့၊ မိမိမြင်သကဲ့သို့ အမြင်များအား မိမိနောက်လိုက် အပေါင်းတို့အား သိရှိနားလည် လာအောင်၊ မြင်တတ်၊ ကြည့်တတ်လာအောင် ပြောဟောခြင်း၊ သင်ကြား ပြသခြင်း၊ ကြည့်ရှု စောင်မခြင်း တို့အား ပြုလုပ်သင့်၏။ သို့မဟုတ်လျင် မိမိနှင့် နောက်လိုက်တို့ကြား အမြင် မတူညီမှုကြောင့် မည်သည့်အခါမှ နားလည်မှု၊ သဘောတူညီမှု ရရှိလိမ့်မည် မဟုတ်ပဲ ထို အဖွဲ့အစည်းသည်လည်း မည်မျှပင် အင်အားကြီးမားသည်ဖြစ်စေ စုံးစုံးမြုပ်၊ ကျရှုံး လိမ့်မည်သာ ဖြစ်၏။

တတိယ အချက်အနေဖြင့် ခေါင်းဆောင်ဟူသည် မည်သည့် အခြေအနေ၌ မဆို အဖွဲ့အစည်း၏ အကျိုးစီးပွား အပေါ်တွင် အမြဲသစ္စာရှိပြီး၊ အစဉ်သရွေ့ ရိုးသားဖြောင့်မတ်ကာ တည်ကြည်မှု ဂုဏ်သိက္ခာနှင့် ရဲရင့်ပြည့်စုံသူ ဖြစ်ရမည်။ အဖွဲ့အစည်း ဆိုရာတွင် Company တစ်ခုဆိုလျင်လည်း Company တစ်ခုအလျောက်၊ အဖွဲ့အသင်း ဆိုလျင်လည်း အဖွဲ့အသင်း အလျောက် နောက်ဆုံး နိုင်ငံ၊ ကမ္ဘာနှင့် ချီကာ သူ၏ တာဝန်ခံရမှု၊ တာဝန်ယူရမှု တို့အပေါ်တွင် မူတည်၍ အဆိုပါ အဖွဲ့အစည်း၊ မြို့ပြ၊ နိုင်ငံ၊ ကမ္ဘာ တစ်ခုလုံး အပေါ်တွင် ရဲရဲ ရင့်ရင့် သစ္စာရှိသူ ဖြစ်ရမည် ဟု ဆိုလို၏။ လိုတစ်မျိုး၊ မလိုတစ်မျိုး၊ လိုအပ်သလိုထားသော သစ္စာနှင့် ရိုးဖြောင့်မှုကို အသုံးချကာ ကိုယ်ကျိုးရှာခြင်း၊ သူရဲဘောကြောင်ခြင်းသည် ခေါင်းဆောင်သူ၏ အင်္ဂါရပ်မဟုတ်ပေ။

(ဂ)

ဤနေရာတွင် တစ်ချက်ကို မြှုပ်ထားခဲ့သည်ကို တွေးတောကြည့်နိုင်သည်။ အချို့သော ခေါင်းဆောင်မှု၏ အရည်အချင်းနှင့် ပတ်သက်၍ အဓိပ္ပာယ် ဖွင့်ဆိုသူများက ခေါင်းဆောင်ဟူသည် အများ လေးစားဖွယ် ဖြစ်သော သူတစ်ဦး ဖြစ်ရမည် စသည်ဖြင့် သတ်မှတ်ကြသည် များကိုလည်း ဖတ်ရှုလေ့လာဖူးခဲ့၏။ အမှန်တွင် ရိုးသားဖြောင့်မတ်ခြင်း၊ မိမိ၏ သက်ဆိုင်ရာ လူ့ဘောင် အဖွဲ့အစည်းအပေါ်တွင် အမြဲသစ္စာရှိခြင်းနှင့် ကိုယ်ကျိုးမကြည့်၊ ရဲရင့်စွန့်စားခြင်း စသော အင်္ဂါရပ်များတို့ တစ်ဆက်တစ်စပ်တည်း ပြည့်စုံနေလျင်ပင် ထိုကဲ့သို့သော လူမျိုး၌ လူတိုင်းလေးစားဖွယ်ရာ အရည်အချင်းများ အလိုအလျောက် ရှိလာမည်မှာ မလွဲဧကန်ပင် ဖြစ်ပြီး ထိုကဲ့ သို့သော ခေါင်းဆောင် ကိုယ်၌လည်း လူတိုင်းအား သူ့သွေး၊ ကိုယ့်သား မခွဲခြားပဲ လေးစားစွာ ဆက်ဆံတတ်ခြင်း ဟူသော အရည်အချင်း တစ်ရပ် မုချရှိနေလိမ့် မည်ဖြစ်သည်။

ထိုမှတစ်ပါး မိမိ၏ ကိုယ်ကျိုးစီးပွားအတွက် အသုံးချရန် နောက်လိုက်အဖွဲ့အစည်းနှင့် လူထု၏ လေးစားမှုကို ရရှိအောင် တမင်တကာ လုပ်ယူဖန်တီးခြင်းကား တစ်ဖက်မှ ပြန်စဉ်းစားကြည့်လျင် တစ်ဖက်လှည့်နှင့် လိမ်လည် လှည့်ဖျားဖို့ ကြိုးစားနေခြင်း ပင်ဖြစ်ပြီး ရည်ရွယ်ချက်မှာလည်း ကိုယ်ကျိုးအတွက်သာ ဖြစ်သောကြောင့် ထိုကဲ့သို့ လုပ်ယူသော လေးစားမှုသည်လည်း မည်မျှ ကြာမြင့်စွာ ခံလေမည်နည်း။ ထိုသို့သော လူမျိုးအားလည်း မည်သူက ခေါင်းဆောင်ဟု သတ်မှတ် လေမည်နည်း။

(ဃ)

အမှန်တော့ ခေါင်းဆောင် ဆိုသူများသည်လည်း တစ်သီးတစ်ခြားစီနှင့် တစ်မျိုးတစ်ဘာသာစီ ဖြစ်ထွန်းမွေးဖွားလာသူများ မဟုတ်ကြချေ။ ကိုယ့်ကိုယ်ကို ခေါင်းဆောင်ဟူ၍လည်း မည်သည့် အခါမှ သတ်မှတ်ထားခဲ့ကြသူများ မဟုတ်ကြ။ သူတို့၏ တမင်တကာ လျို့ဝှက်မထားသော လျှို့ဝှက်ချက်များကား အမြင်ကျယ်ပြန့်မှု၊ အစဉ်တစ်စိုက် ရိုးသားရဲရင့်မှု နှင့် ကိုယ်ကျိုးမရှာ လူ့အဖွဲ့အစည်း အပေါ်တွင် အမြဲ သစ္စာ စောင့်သိမှု တို့ပင် ဖြစ်ကြ၏။ အံ့သြဖွယ် မှန်ကန်ချက် တစ်ခုကား အထက်ပါ အချက်သုံးချက် ခန့်ကို လူတိုင်း အသေအချာ၊ ပယ်ပယ်နယ်နယ် လိုက်နာ ကျင့်သုံးနိုင်ကြမည်ဆိုလျင် လူတိုင်း ခေါင်းဆောင် များချည်း သာတည်း။ သို့ဖြစ်၍ ၎င်းကဲ့သို့သော အဖွဲ့အစည်းတွင် နောက်လိုက်ဘယ်မှာနည်း ဟု ဂွကျကျ လည်း ထပ်မံ မေးမြန်းရန် မလိုအပ်။ ထိုကဲ့သို့ လူတိုင်း တည်ကြည် ဖြောင့်မတ်ကာ၊ မိမိသက်ဆိုင်ရာ အဖွဲ့အစည်း၊ လူ့လောကအတွက် သစ္စာရှိသူ၊ ကိုယ်ကျိုးစွန့်လိုသူ ချည်းများသာ ဖြစ်ကြလျင် ထိုသို့သော လောက၊ အဖွဲ့အစည်းအတွင်း တွင် ခေါင်းဆောင်၊ နောက်လိုက်ဟူသည် ဝေါဟာရ တစ်ရပ်အဖြစ်သာ ကျန်ရှိလိမ့်မည် ဖြစ်ပြီး အခြားသော သူသာသည်၊ ကိုယ်နာသည်ဟူသည့် အယူအဆများ၊ အဓိပ္ပာယ်များ သာမန် လူ့အဖွဲ့အစည်းများ အတွင်းမှာကဲ့သို့ အဆိုပါ ဝေါဟာရများ နောက်မှ လိုက်ပါလာရန် မရှိတော့ပေ။

ထိုသို့သော လောက၊ အဖွဲ့အစည်း အတွင်းတွင် အချင်းချင်း လုပ်ကိုင်၊ ပြောဆို၊ ဆက်ဆံ ဆောင်ရွက် ရာတွင်လည်း လူတိုင်း၏ ထားရှိသော အခြေခံစိတ်ဓာတ်များ မြင့်မားမှုကြောင့် ခေါင်းဆောင်မှု ပေးသူနှင့် လိုက်ပါ လုပ်ဆောင်သူတို့ ကြားတွင် ကြီးမားသော ကွာဟ ချက်များ မရှိတော့ပဲ တစ်ဦးနှင့် တစ်ဦး အပြန်အလှန်လေးစားမှု ဖြင့်သာ ပွင့်လင်း၊ လွတ်လပ်စွာ လုပ်ကိုင် ဆောင်ရွက်ကြ ပေလိမ့်မည်။ တစ်ခုတည်းသော ဘုံခံယူချက်နှင့် တစ်ကြောင်းတည်းသော ဘုံရပ်တည်ချက် ဖြစ်သည့် မိမိသက်ဆိုင်ရာ လူ့ဘောင် အဖွဲ့အစည်း၏ အကျိုးစီးပွား အပေါ်တွင် သစ္စာစောင့်သိမှု၊ ကိုယ်ကျိုးမငဲ့မှု ဟူသော အချက်က မည်သူ့ကို မဆို ခေါင်းဆာင် လုပ်ရသည်ဖြစ်စေ၊ နောက်လိုက် လုပ်ရသည်ဖြစ်စေ တူညီသော ကျေနပ်၊ ဝမ်းမြောက်၊ ဂုဏ်ယူမှု ကို ပေးစွမ်းလိမ့် မည်ဖြစ်၏။

(င)

သို့ဖြစ်ရာ ခေါင်းဆောင်မှု၏ နောက်ဆုံး အန္တိမ အဓိပ္ပာယ်ကား အသို့နည်း။ မိမိဦးဆောင်သော လူ့အဖွဲ့အစည်း တစ်ခုလုံးရှိ လူသား အားလုံးကို ခေါင်းဆောင်တို့၏ စိတ်ဓာတ် နှင့် ခေါင်းဆောင်တို့၏ အမူအကျင့်များ ရရှိ ဖြစ်ပေါ်လာအောင် လေ့ကျင့်၊ပြုစုပျိုးထောင်၊ ဦးဆောင်မှု ပေးခြင်း ဖြစ်သည်ဟု အဓိပ္ပာယ်ဖွင့် ဆိုလို၏။ အရှင်းလင်းဆုံးနှင့်၊ အထင်ရှားဆုံး ဥပမာကား ရှိခဲ့ပြီးချေပြီ။ ကြီးကျယ်သော ခေါင်းဆောင် နှင့် မြင့်မြတ်သော အဖွဲ့အစည်း။

မည်သူတို့နည်း။ ငယ်မည် သိဒ္ဓတ္ထ ဟု တွင်သော ဂေါတမ ဗုဒ္ဓ နှင့် သူ၏ နောက်ပါ အဖွဲ့အစည်း တပည့်သာဝက သံဃာများ ပင်တည်း။ ဂေါတမ ဗုဒ္ဓ ကား သူတည်ရှိခဲ့ရာ ကာလ ဘီစီ - ၅၆၃ မှ ဘီစီ - ၄၈၃ ၊ သက်တမ်း - နှစ်ပေါင်း (၈၀) အတွင်း ဤ လောက၊ ဤ လူ့ဘောင် အတွင်း အအောင်မြင်ဆုံးနှင့် အငြိမ်းချမ်းဆုံး သော အဖွဲ့အစည်း တစ်ခုကို ဂရုဏာ၊ လေးစားမှု နှင့် ငြိမ်းချမ်းမှု တို့ကို အရင်းပြု၍ ခိုင်ခံ့စွာ ဦးဆောင်လမ်းပြ တည်ထောင် သွားခဲ့ချေသည်။ သူမြင်သကဲ့ သို့ သူဟောခဲ့သည်။ သူသိသကဲ့သို့ သူပြောခဲ့သည်။ မချွင်းမချန် အားလုံး အမှန်တရားများသာ ဖြစ်ကြောင်း။ သို့သော် သူလုပ်ခဲ့၊ သူဟောခဲ့သည် များကား သူ့ကိုယ်ကျိုးမဟုတ်၊ ခေါင်းဆောင် ဖြစ်လို၍ မဟုတ်။ လောက အကျိုး၊ အများ အကျိုး မျှသာ။ ထို့အပြင် သူပြောတိုင်း၊ ယုံကြည်လောက်သော သူပြောတိုင်း၊ စာထဲပေထဲ ပါသည်ဟုပြောတိုင်း မျက်စိမှိတ် ယုံစရာ မလို၊ ကိုယ်တိုင် လေ့လာ သုံးသပ်ပြီး၊ လက်ခံမှ ယုံ ဟူသော ရဲရဲတောက် ပြောကြားချက်များ အပါအဝင် သူဟောသော၊ သူပြောသော စကားများ အတွင်း၌ပင် သူကဲ့သို့သော ကြီးကျယ်၊ မြင့်မြတ်သူ ဖြစ်လိုလျင် ဖြစ်နိုင်သောနည်းများ ကလည်း ပါချေသေး၏။ မည်မျှလောက် ကြီးကျယ်သော ခေါင်းဆောင် ပါပေနည်း။

(စ)

အနှစ်ချုပ်ရလျင် ခေါင်းဆောင်မှု၊ ခေါင်းဆောင်၊ ခေါင်းဆောင် ကျင့်ဝတ် စသည့် အရာအားလုံးတို့သည် ကမ္ဘာတည်သရွေ့၊ လူ့ဘောင် အဖွဲ့အစည်းများ တည်ရှိသရွေ့ လူသားတို့၏ လိုအပ်ချက် အရ တည်ရှိနေကြ ဦးမည့် အရာများ ဖြစ်ကြ၏။ ဤနေရာတွင် ခေါင်းဆောင် လုပ်သူသည် ဦးစွာ မိမိကိုယ်တိုင် ကမ္ဘာ့ဆန်သော (တစ်ချိန်ချိန်တွင် စကြာဝဠာ ဆန်လာနိုင်ပြီး၊ ယခုပင် အစပျိုးနေချေပြီ) အမြင်မျိုး၊ အသိဥာဏ်မျိုး ရှိရန်လိုအပ်ပြီး မိမိသိသကဲ့သို့ မိမိ နောက်ပါ အဖွဲ့အစည်းသိရှိအောင်၊ မိမိမြင်သကဲ့သို့ မိမိနောက်လိုက် လူများ မြင်တတ်အောင် သင်ကြား၊ ဦးဆောင် လမ်းပြတတ်ရန် လိုအပ်မည် ဖြစ်သည်။ မည်သူ တစ်ဦးတစ်ယောက် နှင့်မဆို လေးစားမှု ကို အရင်းခံသော လွတ်လပ်၊ ပွင့်လင်းသည့် ဆက်ဆံရေးမျိုး ထားရှိအပ်၏။ အဆုံးစွန်သော အဓိပ္ပာယ်ကား မိမိ၏ လူ့ အဖွဲ့အစည်းတစ်ခုလုံးကို ခေါင်းဆောင်တို့၏ အရည်အချင်းမျိုး နားလည်၊ ဖြစ်ပေါ် တည်ရှိလာအောင် ရည်ရွယ် လုပ်ဆောင် နိုင်သော လွန်စွာမှ ကြီးကျယ်မြင့်မြတ်သော ခေါင်းဆောင်မှု ပေးခြင်းပင်တည်း။

မှော်ဆရာ
၀၅.၁၁.၂၀၀၈ (ဗုဒ္ဓဟူးနေ့)

ကမ္ဘာ့ငွေကြေးဆိုင်ရာ အကျပ်အတည်း

2008-10-28T11:53:00.001+06:30

၂၀၀၈ စက်တင်ဘာလနှင့် အောက်တိုဘာလတွင်စတင်ပြီး ယနေ့ထိတိုင် ဖြစ်နေသည့် ကမ္ဘာ့ ငွေကြေးဆိုင်ရာ အခက်အခဲမှာ ကမ္ဘာ့စီးပွားကပ်ကြီး (the Great Depression) အပြီး အဆိုးဝါးဆုံး စီးပွားရေး ခက်ခဲမှုဖြစ်သည်။ ၂၀၀၈ခုနှစ် စက်တင်ဘာတွင် အမေရိကန်နိုင်ငံ အခြေစိုက် ငွေကြေးဆိုင်ရာကုမ္ပဏီများ၏ အကြပ်အတည်းဆိုက်ရောက်မှုမှ အချို့ကုမ္ပဏီများကို အစိုးရမှ ထိန်းသိမ်းခဲ့ရခြင်းဖြင့် စတင်ခဲ့သည့် အဆိုပါ Crisis သည် ဥရောပနှင့် အမေရိကတိုက်သာမက အာရှတိုက်ရှိ ဖွံ့ဖြိုးဆဲနိုင်ငံများ၏ ဘဏ်များအထိပါ ဆက်တိုက် ကြီးထွားလာခဲ့သည်။ ၄င်းအခက်အခဲသည် ငွေကြေးအဖြစ်သို့ လွယ်ကူစွာ ပြောင်းလဲခြင်း မပြုနိုင်သည့် Liquidity Problem အဖြစ် တိုးတက်လာခဲ့ပါသည်။ ကမ္ဘာ့နိုင်ငံရေးခေါင်းဆောင်များ၊ ဘဏ္ဍာရေး ၀န်ကြီးများနှင့် ဗဟိုဘဏ်အကြီးအကဲများမှ အခက်အခဲအား ဖြေရှင်းနိုင်ရေး ပူးပေါင်းညှိနှိုင်းလုပ်ဆောင်နေကြ သော်လည်း ပြဿနာမှာ ဆက်လက်၍ ဖြစ်ပေါ်နေပါသည် ။

၂၀၀၈ခုနှစ် အစောပိုင်းမှပင် ကမ္ဘာတ၀ှမ်းစီးပွားရေးအခက်အခဲတစ်ခု ဖြစ်ပေါ်နိုင်သည့် အခြေအနေကို ဖော်ပြနေသည့် လက္ခဏာများ တွေ့လာရသည်။ ၄င်းတို့ထဲတွင် ရေနံဈေးနှုန်း ကြီးလာခြင်း၊ ကမ္ဘာတ၀ှမ်း ငွေကြေးဖောင်းပွမှု ဖြစ်လာခြင်း၊ ငွေချေးမှု အကြွေးဝယ်ယူမှုမှ ပြဿနာပေါ်ပေါက်လာခြင်းအပြင် ဘဏ်ကြီများမှ ဒေ၀ါလီခံသွားရခြင်း၊ အလုပ်လက်မဲ့နှုန်း မြင့်တက်လာခြင်းတို့ ပါဝင်ပါသည် ။

လူသုံးကုန်ပစ္စည်းများ မြင့်တက်လာခြင်း
၂၀၀၃ခုနှစ်များမှစ၍ လူသုံးကုန်ပစ္စည်းများ ရောင်းချမှုအားသည် 1980-2000 Great Commodities Depression ကာလအပြီး ပြန်လည်၍ တိုးတက်လာခဲ့သည်။ ရောင်းချမှုအား တိုးတက်လာသည်နှင့်အမျှ ဈေးနှုန်းတက်လာခဲ့ရာမှ ကုန်ပစ္စည်းအများစု၊ အထူးသဖြင့် ရေနံနှင့် စားသောက်ကုန်ပစ္စည်းများ၏ နှုန်းထားများ အဆမတန်တိုးတက်လာသဖြင့် နိုင်ငံအများ၏ စီးပွားရေးအပေါ် ထိခိုက်မှုဖြစ်ပေါ်လာပြီး Stagflation ဟုခေါ်သည့် Demand နှင့် Employment တိုးတက်လာခြင်းမရှိဘဲ ငွေကြေးဖောင်းပွမှု ဖြစ်ခြင်းများနှင့် Globalization အပေါ် ဆိုးကျိုးဖြစ်လာခဲ့သည် ။

သတင်းဌာနများ၏ ထုတ်ပြန်ချက်များအရ ၂၀၀၈ခုနှစ်၊ဖေဖော်ဝါရီမှစ၍ ကမ္ဘာတ၀ှမ်းငွေကြေးဖောင်းပွ မှုမှာ စံချိန်တင်မြင့်တက်လာခဲ့သည်။ IMF ၏ အချက်အလက်များအရ Inflation သည် ရေနံတင်ပို့ ရောင်းချသည့် နိုင်ငံများတွင် အမြင့်ဆုံးဖြစ်နေပြီး ဖွံ့ဖြိုးဆဲနိုင်ငံများတွင်ပါ တိုးတက်ဖြစ်ပေါ်နေသည် ။ ILO ၏ ခန့်မှန်းချက်များအရ ၂၀၀၉ခုနှစ်အရောက်တွင် ယခုငွေကြေးအခက်အခဲကြောင့် ကမ္ဘာတ၀ှမ်း အလုပ်လက်မဲ့ ဦးရေသည် သန်း ၂၀ အထိ ရှိလာလိမ့်မည် ဖြစ်သည် ။

အမေရိကန်နိုင်ငံ ပြည်တွင်း ငွေကြေးဆိုင်ရာအခက်အခဲ
၂၀၀၈ခုနှစ်တွင် အမေရိကန်နိုင်ငံသည် ပစ္စည်းပေါင်နှံမှုပြဿနာ (Mortgage Crisis)နှင့် ဒေါ်လာ တန်ဖိုး လျော့ကျသည့်ပြဿနာများကို ရင်ဆိုင်နေရသည့်အချိန် ဖြစ်သည်။ ၂၀၀၈ခုနှစ် အစောပိုင်း ကာလကပင် အမေရိကန်နိုင်ငံတွင် စီးပွားရေးကျဆင်းမှု စတင်ဖြစ်ပေါ်နေပြီဟု လေ့လာသူ အတော်များများမှ ယုံကြည်ထားကြသည် ။ Federal Reserve ၏ ယခင်သဘာပတိဖြစ်ခဲ့သူ Alan Greenspan မှ US တွင် လက်ရှိဖြစ်ပေါ်နေသည့် ငွေကြေးပြဿနာသည် ဒုတိယကမ္ဘာစစ် အပြီးမှစ၍ အဆိုးဆုံးဖြစ်သည်ဟု မှတ်ချက် ပြုခဲ့သည် ။

July ၁၁ရက်နေ့တွင် အမေရိကန်နိုင်ငံမှ အကြီးဆုံး အပေါင်လက်ခံသည့် Indy Mae အား အစိုးရမှ ထိန်းချုပ်လိုက်သည်။ September 13 တွင် Lehman Brothers မှ တဖန်ဒေ၀ါလီခံသွားခဲ့သည်။ အခြား ရှေ့ဆောင်ငွေကြေးဆိုင်ရာ ကုမ္ပဏီကြီးဖြစ်သော Merill Lynch အားလည်း အမေရိကန် ဘဏ်ကြီး (Bank of America) မှ ၀ယ်ယူခဲ့သည်။ ထိုသို့ Lehman Brothers ဒေ၀ါလီခံခဲ့ရသဖြင့် ဖြစ်ပေါ်လာသည့် အကျိုးဆက်များကို ဖြေရှင်းနိုင်ရန်အတွက် ဘဏ်(၁၀)ခုမှ ပူးပေါင်းပြီး အမေရိကန်ဒေါ်လာ (၇၀)ဘီလီယံအား အရေးပေါ် ရံပုံငွေအဖြစ် မတည်ခဲ့ကြသည်။ ၄င်းအပြင် ၂၀၀၈ခုနှစ်အတွင်း September လအထိ အမေရိကန် နိုင်ငံ တ၀ှမ်း ဒေ၀ါလီခံခဲ့ရသည့် ကုမ္ပဏီစုစုပေါင်း (၈၁)ခု ရှိခဲ့သည်။

စက်တင်ဘာလတွင် အမေရိကန်နိုင်ငံအစိုးရ Secretary of Treasury မှ တင်ပြသည့် အထူး အရေးပေါ်ကယ်ဆယ်ရေးအစီအစဉ်အား သမ္မတဘုရ်ှအစိုးရမှ ကွန်ဂရက်သို့ တင်ပြတောင်းဆိုခဲ့ပြီး ကွန်ဂရက်၌ အခြေအတင်ဆွေးနွေးကြပြီး $ 700 Billion ရှိ Bailout plan အား Congress မှ အတည်ပြု ပေးခဲ့ပါသည်။ အဆိုပါ $ 700 Billion နှင့်အတူ Emergency Economic Stabilization Act 2008 ကိုပါ ပြဌာန်းပြီး အမေရိကန်ပြည်ထောင်စုအတွင်း ဖြစ်ပေါ်နေသည့် Financial Crisis အား ကယ်တင်နိုင်ရန် ကြိုးပမ်းခဲ့သည်။ အမေရိကန်နိုင်ငံ နည်းတူ EU နိုင်ငံများဖြစ်သော ဗြိတိန်၊ နော်ဝေး၊ သြစတြေးလျ၊ ပြင်သစ် ငွေကြေးဈေးကွက်များကို ကယ်တင်နိုင်ရန် အစီအစဉ်များ ရေးဆွဲလုပ်ဆောင်လာခဲ့ကြသည်။

အောက်တိုဘာ (၁၈)ရက်နှင့် (၁၉)ရက်နေ့များတွင် ပြင်သစ်သမ္မတ ဆာကိုဇီ၊ ဥရောပသမဂ္ဂဥက္ကဌ ဟိုဆေးမင်နူရယ်ဘာရိုဆိုတို့နှင့် တွေ့ဆုံဆွေးနွေးအပြီး သမ္မတဘွတ်ရ်ှမှ လာမည့်နိုဝင်ဘာ (၁၅)ရက်နေ့တွင် ၀ါရှင်တန်၌ ငွေကြေးဆိုင်ရာ တာဝန်ရှိသူများ၏ အပြည်ပြည်ဆိုင်ရာ ညီလာခံတစ်ခုကို လက်ခံကျင်းပသွားမည့် အကြောင်း ကြေငြာခဲ့သည်။

ကွန်ရက်မှ အတည်ပြုပေးခဲ့သည့် $ 700 Billion မှ ကနဦး $ 125 Billion အား ပြီးခဲ့သည့် ရက်သတ္တပတ်တွင် အမေရိကန်ဘဏ်ကြီး (၉)ခု၏ ရှယ်ယာများအား ၀ယ်ယူရန်အတွက် သတ်မှတ်ခဲ့ပြီး နောက်ထပ် 125 Billon ဒေါ်လာအားလည်း ပိုမိုသေးငယ်သည့် ငွေချေးလုပ်ငန်းများအတွက် သတ်မှတ် ထားခဲ့သည်။ ၄င်းအပြင် ယခုအခါ U.S Treasury အနေဖြင့် နိုင်ငံအ၀ှမ်းရှိ ဘဏ်များနှင့် အခြား ငွေကြေး လုပ်ငန်းလုပ်ဆောင်သည့် ကုမ္ပဏီများအား ပစ်မှတ်ထားပြီး နောက်ထပ်အကူပေးရန်အတွက် အစီအစဉ်သစ် အဖြစ် အာမခံကုမ္ပဏီများထံမှ အပေါင်ငွေများကို ၀ယ်ယူရန်အတွက် စီစဉ်လျက်ရှိသည် ။

ထိုသို့ပြုလုပ်ခြင်းဖြင့် Treasury Secretary ဟင်နရီပေါလ်ဆင်၏ ကူညီရေးအစီအစဉ်ကို ပိုမို ကျယ်ပြန့်သွားစေမည်ဖြစ်သည် ။ ပေါလ်ဆင်အနေဖြင့် သူ၏မူလ Financial rescue program အစီအစဉ်အား ခန့်မှန်းထားကြသည်ထက် လျှင်မြန်စွာ ဈေးကွက်ပျက်စီးလာသည့်အတွက် Equity ရှယ်ယာများ ၀ယ်ယူရန်အတွက် အာရုံစိုက် လုပ်ဆောင်လာရသည် ။ ဘဏ်ကြီး (၁၀၀)၊ insurance ကုမ္ပဏီ ကြီးများ အပါအ၀င် ငွေကြေးဆိုင်ရာကုမ္ပဏီများဖြင့် ဖွဲ့စည်းထားသည့် Financial Services Roundtable မှလည်း US Treasury အား ကယ်ဆယ်ရေးအစီအစဉ်အား insurance ကုမ္ပဏီများ၊ ငွေကြေးပွဲစား လုပ်ဆောင်သူများ၊ မော်တော်ယာဉ်ထုတ်လုပ်သူများမှလည်း အစိုးရထံသို့ ၄င်းတို့၏ ရှယ်ယာများအား ရောင်းချခွင့်ရရှိစေနိုင်မည့် အစီအစဉ်များကိုပါ ထည့်သွင်းရေးဆွဲပေးရန် ဖိအားပေးလျက် ရှိသည် ။

နိုင်ငံတကာအဆင့် ပူးပေါင်းဆောင်ရွက်မှုများ
အာရှနှင့် ဥရောပမှ နိုင်ငံခေါင်းဆောင်ကြီးများသည် တရုတ်နိုင်ငံ ဘေဂျင်းမြို့တွင် (၂)ရက်ကြာတွေ့ ဆုံပြီး လက်ရှိဖြစ်ပေါ်နေသည့် ကမ္ဘာ့စီးပွားရေးအခက်အခဲကို ဖြေရှင်းနိုင်မည့် နည်းလမ်းကို ရှာဖွေနေကြသည်။ စနေနေ့က ပြုလုပ်ခဲ့သည့် ကြေငြာချက်တွင် ၄င်းတို့က မိမိတို့အနေဖြင့် ကျယ်ပြန့်သည့် သဘောတူညီချက် တစ်ခုကို ငွေကြေးအခက်အခဲကပ်ကြီးအား ဖြေရှင်းရန်အတွက် ရရှိထားပြီးဖြစ်ကြောင်းနှင့် ၄င်းတို့၏ အမြင်များကို နောက်လတွင် ၀ါရှင်တန်၌ ပြုလုပ်မည့် ထိပ်သီးညီလာခံတွင် ဆက်လက်တင်ပြဆွေးနွေးသွား ကြမည် ဖြစ်ကြောင်း ပြောကြားခဲ့ကြသည်။

၎င်းတို့မှ ဆက်လက်၍ ကမ္ဘာ့စီးပွားရေးကို လမ်းညွှန်မှုပေးမည့် ဥပဒေအသစ်များ ချမှတ်နိုင်ရေးနှင့် ပြဿနာနှင့် ရင်ဆိုင်နေရသည့် တိုင်းပြည်များအား အကူအညီပေးရာတွင် IMP မှ ဦးဆောင်သွားရန်ကိုလည်း သဘောတူညီခဲ့ကြသည်။

တရုတ်သမ္မတ ၀မ်ကြားပေါင်မှ ပြောကြားရာတွင် "ကမ္ဘာ့စီးပွားရေးအပေါ် ယခုငွေကြေးပြဿနာမှ အမှန်တကယ်ထိခိုက်မှု မဖြစ်စေရန်အတွက် လိုအပ်သည့်နည်းလမ်းအားလုံးကို အသုံးပြုသွားရပါမည်" ဟု ပြောကြားခဲ့သည်။ သမ္မတ၀မ်မှ ဆက်လက်ပြောကြားရာတွင် ယခုဖြစ်ပေါ်နေသည့် ပြဿနာများအနေဖြင့် တရုတ်နိုင်ငံ၏ စီးပွားရေးအပေါ် ထိခိုက်မှုအနည်းငယ်သာ ရှိသေးသော်လည်း ကမ္ဘာတ၀ှမ်း ၀ယ်လိုအား လျော့ဆင်းမှုကြောင့် မိမိတို့နိုင်ငံ၏ စီးပွားရေးဖွံ့ဖြိ်ုးတိုးတက်မှုနဲ့ ရောသွားလိမ့်မည်ဟု ပြောကြားခဲ့သည် ။ တရုတ်နိုင်ငံ၏ စီးပွားရေးတိုးတက်မှုနှုန်းသည် ၄%သို့ လျော့ကျသွားခဲ့သော်လည်း ကမ္ဘာ့စီပွားရေးအင်အား ကြီးနိုင်ငံများတွင် တရုတ်နိုင်ငံ၏ ဖွံ့ဖြိုးတိုးတက်မှုနှုန်းမှာ အမြင့်ဆုံးဖြစ်သည် ။

IMF အနေဖြင့်လည်း အိုက်စလန်မှ စ၍ ပါကစ္စတန်အထိ နိုင်ငံပေါင်း ၁၂နိုင်ငံထံသို့ ချေးငွေထုတ်ချေး နိုင်ရေး ညှိနှိုင်းလျက်ရှိသည်။ အစိုးရများအနေဖြင့်လည်း ဒေါ်လာ 4 Billion ခန့်အထိကို ဘဏ်လုပ်ငန်းများ အပါအ၀င် ငွေကြေးဈေးကွက် ပြန်လည် နလန်ထူလာရေးအတွက် ပမာဏပြရန်အတွက် ကတိက၀တ် ပြုထား ခဲ့သည်။

ယခုအခါတွင် ကမ္ဘာ့ငွေကြေးပြဿနာသည် ဆင်းရဲချမ်းသာ မရွေး တိုင်းပြည်အများ ခံစားနေရပြီ ဖြစ်သည်။ စီးပွားရေးအခက်အခဲမှာ ကြာရှည်စွာဖြစ်မည်ကို စိုးရိမ်လျက်ရှိသည့်အတွက် ကမ္ဘာတ၀ှမ်းနှင့် ရှယ်ယာများ သောကြာနေ့တွင် ထိုးဆင်းသွားစေခဲ့သည်။ အာရှတွင် နီကေ Average သည် ၅နှစ်အတွင်း အောက်ဆုံးအဆင့်အဖြစ် ၉.၆% ထိုးဆင်းသွားခဲ့သည် ထို့အတူ ဟောင်ကောင်၊မွန်ဘေနှင့် ဆိုးလ်မြို့တို့ တွင်လည်း အလားတူ ရှယ်ယာများ ကျဆင်းသွားခဲ့သည်။

ဥရောပတွင်လည်းကောင်း၊ US တွင်လည်းကောင်း၊ အလားတူ ဖြစ်ခဲ့သည့် ဂျပန်၊ယမ်းငွေများမှာမူ ၁၃နှစ်အတွင်း အမြင့်ဆုံးအဖြစ် ၊ US ဒေါ်လာတွင် ၉၄.၆ ယမ်း အထိ ထောင်တက်ခဲ့သည် ။

ကမ္ဘာတစ်ဝှမ်းမှ နိုင်ငံအားလုံးတို့အနေဖြင့် ယခုဖြစ်ပေါ်နေသည့် ငွေကြေး အခက်အခဲအား ပူးပေါင်း ဖြေရှင်းရန် နည်းလမ်းများ ရှာဖွေလျက်ရှိသော်လည်း ပြဿနာမှာ ရပ်တန့်သွားမည့် အရိပ် အခြေအနေ မတွေ့ရှိရေးသေးပေ ။

လင်းဦး(စိတ်ပညာ)

စမာနဂိုရ်က နွားမပေါင်ကျိူးလိမ့်မည်လော (အပိုင်း-၄)

2008-10-25T20:14:00.002+06:30

စမာနဂိုလ်ကနွားမ အခြေအနေ

နိုင်ငံတနိုင်ငံရဲ့ စီးပွားရေးဖွံ့ဖြိုးတိုးတက်မှုဆိုတာက normative concept တခုဖြစ်ပါတယ်။ ကွဲပြားခြားနားတဲ့ အဓိပ္ပာယ်ဖွင့်ဆိုချက်တွေ ရှိနေမှာပါပဲ။ ဘောဂဗေဒပညာရပ်ကတော့ နိုင်ငံတနိုင်ငံရဲ့ ဖွံ့ဖြိုးတိုးတက်မှုကို agreed-on measurement criteria တွေနဲ့ တိုင်းတာသတ်မှတ်ပါတယ်။ ဒီညွန်ပြကိန်းကဏန်းတွေဟာ ပြီးပြည့်စုံတဲ့ complete picture တခုကိုတော့ မပေးနိုင်ပါဘူး။ ဒါပေမယ့် တိုးတက်မှုကို တိုင်းတာရေး၊ ပြဿနာများ ဖော်ထုတ်ရေး၊ ရည်မှန်းချက်ဆိုင်ရာ ပေါ်လစီရေးရာတွေနဲ့ ပတ်သက်ပြီး evidence-based decision making လုပ်ရာမှာတော့ အသုံးဝင်လှပါတယ်။

Conventional measurement approach အရ တိုင်းပြည်တွေရဲ့ ဖွံ့ဖြိုးတိုးတက်မှုကို စီးပွားရေးရာ indicators များနဲ့ ဆန်းစစ်ချက်လုပ်ကြပါတယ်။ ကမ္ဘာ့ဘဏ်ကတော့ တိုင်းပြည်တွေရဲ့ စီးပွားရေးအဆောက်အအုံကို Atlas method အသုံးပြုတွက်ချက်ရတဲ့ Gross National Income (GNI) per capita နဲ့ တိုင်းတာပါတယ်။ တိုင်းတာချက်များအရ low income economy, low middle income economy, upper-middle income economy နဲ့ high income economy ဆိုပြီး ခွဲခြားပါတယ်။ ၂၀၀၈ခုနှစ်၊ ကမ္ဘာ့တိုးတက်မှုအစီအရင်ခံစာအရ GNI per capita ဒေါ်လာ ၉၃၅နဲ့ အောက်ဆိုရင် low income economy, ဒေါ်လာ ၉၃၅ ကနေ ၃၇၀၅ အထိကြားမှာဆိုရင် low middle income economy, ဒေါ်လာ ၃၇၀၆ နဲ့ ၁၁၄၅၅ ကြားမှာဆိုရင် upper middle income economy နဲ့ ဒေါ်လာ ၁၁၄၅၆ အထက်မှာဆိုရင် high income economy ဆိုပြီး ခွဲခြားထားပါတယ်။

ဒီသတ်မှတ်ချက်တွေထဲမှာ မြန်မာနိုင်ငံဟာ low income economy အမျိုးအစားထဲမှာ ဖြစ်ပြီး၊ ၂၀၀၆ခုနှစ်ရဲ့ GNI per capita ဟာ ဒေါ်လာ ၂၈၁ ဖြစ်ပါတယ်။ အောက်ဖော်ပြပါဇယားမှာ အရှေ့တောင်အာရှနိုင်ငံများရဲ့ ၂၀၀၆ခုနှစ်၊ GNI per capita ကို အများဆုံးကနေ၊ အနည်းဆုံးအလိုက် စီစဉ်ဖော်ပြထားပါတယ်။

နိုင်ငံများ	GNP per capita ($)
စင်ကာပူ	၂၈၇၃၀
ဘရူနိုင်း	၂၆၉၃၀
မလေးရှား	၅၆၂၀
ထိုင်း	၃၀၅၀
အင်ဒိုနီးရှား	၁၄၂၀
ဖိလစ်ပိုင်	၁၃၉၀
ှဗီယက်နမ်	၇၀၀
လာအို	၅၀၀
ကမ်ဘောဒီးယား	၄၉၀
မြန်မာ	၂၈၁

(source: www.adb.org)

့ဒီဇယားကို ကြည့်ခြင်းအားဖြင့် အရှေ့တောင်အာရှမှာ စီးပွားရေးဖွံ့ဖြိုးတိုးတက်မှု နောက်အကျဆုံး နိုင်ငံတနိုင်ငံဖြစ်နေတဲ့ မြန်မာနိုင်ငံရဲ့ အခြေအနေကို တွေ့မြင်ရမှာဖြစ်ပါတယ်။ သယံဇာတပေါကြွယ်ဝတဲ့ နိုင်ငံတနိုင်ငံ၊ တချိန်က အရှေ့တောင်အာရှရဲ့ ဆန်အိုးကြီးလို့တောင် တင်စားခေါ်ဝေါ်ခံခဲ့ရတဲ့ နိုင်ငံတနိုင်ငံဟာ အုပ်ချုပ်သူများရဲ့ ဘက်ပေါင်းစုံ စီးပွားရေးစီမံခန့်ခွဲခြင်းညံ့ဖျင်းမှုအောက်မှာ ပြားပြားဝပ်သွားခဲ့ရပါပြီ။

နိုင်ငံတနိုင်ငံရဲ့ စီးပွားရေးတည်ငြိမ်မှုမှာ အရေးကြီးဆုံးဖြစ်တဲ့ ငွေကြေးဖောင်းပွမှုနှုန်း (inflation rate) အကြောင်း ဆက်လက်ဖော်ပြပါမယ်။ အောက်မှာ ဖော်ပြထားတဲ့ ဇယားကို အရင်ကြည့်ပါ။ ၂၀၀၇ခုနှစ်ရဲ့ GDP deflator (Inflation rate) အခြေအနေပါ။

နိုင်ငံများ	GDP deflator (%)
ဘရူနိုင်း	0.9
ဖိလစ်ပိုင်	2.8
လာအို	3.2
ထိုင်း	3.4
စင်ကာပူ	4.0
မလေးရှား	5.2
ကမ်ဘောဒီးယား	6.5
ဗီယက်နမ်	8.2
အင်ဒိုနီးရှား	11.5
မြန်မာ	18.5

(source: www.adb.org)

ဒီဇယားကို ကြည့်ခြင်းအားဖြင့် အရှေ့တောင်အာရှမှာ မြန်မာနိုင်ငံရဲ့ စီးပွားရေး တည်ငြိမ်မှု မရှိဆုံးဖြစ်နေတဲ့ အခြေအနေကို တွေ့မြင်ရမှာဖြစ်ပါတယ်။ စီးပွားရေးပိတ်ဆို့မှုကြောင့် ဒီလိုဖြစ်နေတာပါလို့ ဆိုလို့မရပါ။ ဘာလို့လဲဆိုတော့ ငွေကြေးဖောင်းပွနှုန်းဆိုတာက ဘောဂဗေဒ ပညာရှင် မိုက်ကယ်အီဗင်ဆိုခဲ့သလိုပဲ အစိုးရ ပေါ်လစီများရဲ့ အားသာချက်၊ အားနည်းချက်ကို ည့န်ပြနေတဲ့ indicator ဖြစ်နေတာကြောင့်ပါပဲ။ သုတေသနပညာရှင် Glesakos က စစ်အသုံးစရိတ်မြင့်မားမှုကြောင့် ဖြစ်လာတဲ့ budget deficit တွေ၊ public sector လစာတိုးမြှင့်မှုတွေဟာ ငွေကြေးဖောင်းပွမှုကို အဓိကမြှင့်တင်ပေးနိုင်တဲ့ အရာတွေဖြစ်ကြောင်း ဆိုထားခဲ့ပါတယ်။ အပြည်ပြည်ဆိုင်ရာ မဟာဗျူဟာ လေ့လာရေးအဖွဲ့ကြီး (International Institute for Strategic Studies) မှ နှစ်စဉ်ထုတ်ဝေတဲ့ military Balance စာတမ်းများပါ ကိန်းဂဏန်းများအရ မြန်မာနိုင်ငံရဲ့ နှစ်စဉ်စစ်အသုံးစရိတ်ဟာ ၁၉၈၅ ခုနှစ်မှာ US$ 171 million ပဲ ရှိရာက တစတစမြင့်တက်လာပြီး၊ ၂၀၀၀ ခုနှစ်မှာဆိုရင် US$ 2000 million ကျော်အထိ နှစ်စဉ်သုံးစရိတ်ဖြစ်နေပါပြီ။ ဒီလိုစစ်အသုံးစရိတ်တိုးမြင့်လာမှုကြောင့် မြန်မာ့စီးပွားရေးအပေါ် ဘယ်လောက်ထိ ဆိုးဝါးစွာ သက်ရောက်ခဲ့တယ်ဆိုတဲ့ အကြောင်းကို လက်ရှိရေးနေတဲ့ ကာကွယ်ရေးအသုံးစရိတ်၏ မြန်မာ့စီးပွားရေးအပေါ်သက်ရောက်မှုများ စာတမ်းပြီးသွားတဲ့အခါ econometric analysis က ထွက်လာတဲ့ အဖြေများနဲ့အတူ ရှင်းလင်းစွာ ဖော်ပြပေးပါမယ်။

Inflation rate အကြောင်းဆက်ကြည့်ကြရအောင်ပါ။ ငွေကြေးဖောင်းပွမှုနှုန်းကို ထိန်းချုပ်နိုင်တာက စနစ်ကျတဲ့ monetary policy နဲ့ တည်ငြိမ်မှုရှိတဲ့ inflationary expectations တွေအပေါ်မှာ အများကြီး မူတည်ပါတယ်။ နအဖအာဏာသိမ်းထားစဉ် ကာလတလျှောက်မှာ မြင့်တက်လာတဲ့ ငွေကြေးဖောင်းပွမှုနှုန်းတွေ၊ ကုန်ပစ္စည်းဈေးနှုန်းတက်မှုတွေကို အရေးပေါ်ကုထုံးအနေနဲ့ လစာတိုးမြင့်တဲ့ ကိစ္စတရပ်တည်းကိုသာ စွဲစွဲမြဲမြဲ ပြုလုပ်ခဲ့ပါတယ်။ လစာတိုးပေးထားရင် ၀န်ထမ်းတွေကြားက အာဏာရှင်စနစ်အပေါ် မကျေနပ်မှုတွေကို ထိန်းကွပ်ထားနိုင်မယ်ဆိုတဲ့ အယူအဆ၊ တပ်သားတွေကို လစာနဲ့ ရပိုင်ခွင့်တွေပေးပြီး ထိန်းချုပ်ထားမယ်ဆိုတဲ့ အယူအဆတွေနဲ့ လစာတိုးမြှင့်မှုတွေကို မဆင်မခြင် အရမ်းကာရော လုပ်ခဲ့ပါတယ်။ ရလာဘ်ကတော့ လစာတိုးတာနဲ့ ကုန်ပစ္စည်းဈေးတွေက တခါထပ်တက်သွားပြီး ငွေကြေးဖောင်းပွမှုနှုန်းကို ဘယ်လိုမှ ထိန်းချုပ်နိုင်ခြင်း မရှိတော့ပါဘူး။

ဒီနည်းလမ်းမျိုးနဲ့ စီးပွားရေးပြဿနာကို ဖြေရှင်းမယ်ဆိုရင် အခြေခံ condition တွေ ရှိထားရပါမယ်။ ပထမတချက်က productivity growth ရှိနေရပါမယ်။ ဒုတိယအချက်က inflationary expectations လျော့နည်းရပါမယ်။ ဒီလိုလျော့နည်းဖို့ဆိုတာကလဲ monetary policy ရဲ့ credibility ဖြစ်မှု၊ deficit ratio၊ အစိုးရဥပဒေလုပ်ထုံးလုပ်နည်းများနဲ့ ငွေကြေးတန်ဖိုး စတာတွေအပေါ်မှာ အများကြီးမူတည်ပါတယ်။ ဒီအချက်နှစ်ချက်မရှိပဲ လစာတိုးမြင့်မှုများလုပ်ရုံနဲ့ စီးပွားရေးပြဿနာတွေကို မဖြေရှင်းနိုင်ပါဘူး။

တခါ လွတ်လပ်စွာကုန်သွယ်မှုကို commitment ထားပြီး၊ foreign markets competition ကို enhance လုပ်ဖို့ ကြိုးစားတယ်ဆိုရင်လဲ တပြိုင်နက်တည်းမှာ monetary authorities တွေအနေနဲ့ ငွေကြေးတန်ဖိုးကို equilibrium value နဲ့ နီးနိုင်သမျှနီးအောင် commitment ရှိနေရမှာ ဖြစ်ပါတယ်။ တကယ်တော့ inflation rate မြင့်မားလာမှုကို ထိန်းချုပ်နိုင်ဖို့ဆိုတာကို monetary authorities များကသာ တတ်နိုင်ပါတယ်။ ဒီလိုလုပ်နိုင်ဖို့ဆိုတာမှာလဲ ငွေကြေးဖောင်းပွနှုန်းမြင့်တက်လာစေနိုင်တဲ့ တခြားအကြောင်းအရာတွေကို နည်းနိုင်သမျှနည်းနေမှ ဖြစ်နိုင်ပါတယ်။ ဥပမာ- product market နဲ့ factor market တွေမှာ အစိုးရ၀င်ရောက်နှောင့်ယှက်မှုတွေ သိပ်များနေရင် ဗဟိုဘဏ်က offset ၀င်မလုပ်သရွေ့ ငွေကြေးဖောင်းပွမှုဟာ တစထက်တစ မြင့်တက်လာမှာဖြစ်ပါတယ်။

ဒီတော့ ဗဟိုဘဏ်နဲ့ ပတ်သက်ပြီး ပြောစရာရှိလာပြန်ပါတယ်။ နိုင်ငံတခုမှာ ဗဟိုဘဏ်နဲ့ ပတ်သက်ပြီး အစိုးရက ချမှတ်ထားတဲ့ လုပ်ထုံးလုပ်နည်းတွေက အရမ်းကို အရေးကြီးပါတယ်။ ငွေကြေးအပေါ်မှာ demand ရှိနေရုံနဲ့ မပြီးပါဘူး။ Money supply function ရှိရပါမယ်။ Money supply ကို ဗဟိုဘဏ်ကသာ determine လုပ်ရပါတယ်။ ဘောဂဗေဒပညာရပ်အရ money demand နဲ့ supply ဟာ equilibrium interest rate မှာ အတူတူပဲဖြစ်ပါတယ်။ interest rate များနေရင် excess supply ဖြစ်ပြီး၊ interest rate နည်းနေရင် excess demand ဖြစ်ပါတယ်။ ဗဟိုဘဏ်ရဲ့ အဓိကတာဝန်က money supply ကို တိုက်ရိုက်ထိန်းချုပ်မှုလုပ်ရတာဖြစ်ပါတယ်။ Monetary Policy ဆိုတာက ပေါ်လစီရည်မှန်းချက်တွေ (ဥပမာ- ၀င်ငွေမြင့်တက်လာမှု၊ ငွေကြေးဖောင်းပွခြင်းထိန်းချုပ်မှု) စတာတွေနဲ့ ပတ်သက်ပြီး ရည်မှန်းချက်ပြည့်မှီစေဖို့ money supply ကို manipulate လုပ်ရတာဖြစ်ပါတယ်။ ဗဟိုဘဏ်တွေက interest rate များချမှတ်ခြင်း၊ foreign currency တွေ၊ bond တွေ ၀ယ်ယူရောင်းချခြင်းစတဲ့ နည်းလမ်းတွေနဲ့ money supply ကို steering လုပ်ရတာဖြစ်ပါတယ်။ အစိုးရဆိုတာတွေကလဲ အိမ်ထောင်စုတွေ၊ စီးပွားရေးတွေလိုပါပဲ၊ revenues နဲ့ expenditures ကို balance လုပ်ယူရပါတယ်။ ဒီလိုမဟုတ်ရင် government budget deficit ဖြစ်ပါတယ်။ ဒီလို deficit တွေကို အစိုးရများက money creation နဲ့ ဖြေရှင်းတတ်ကြပါတယ်။ ငွေစက္ကူတွေ ရိုက်ထုတ်ပြီး၊ money supply ကို မြှင့်တင်ပစ်ခြင်းပါ။ ဒီတော့ ငွေကြေးဖောင်းပွမှုတွေက မတရားတက်လာပါလေရော။ ဒီနေရာမှာ Money supply ကို တိုက်ရိုက်ထိန်းချုပ်နေရတဲ့ ဗဟိုဘဏ်ကသာ independent ဖြစ်နေတယ်ဆိုရင် money financing လို့ဆိုတဲ့ ဒီနည်းလမ်းကို အစိုးရက တောင်းဆိုလာပေမယ့် deficit ratios dynamics ကို ဆန်းစစ်ပြီး လက်ခံမှု၊ ငြင်းဆိုမှုတွေ ပြုလုပ်နိုင်ပါတယ်။

ဒါကြောင့်လဲ ဗဟိုဘဏ်ဟာ လုံးဝ independence မဖြစ်ရင်တောင်မှ Government Interferences အနည်းဆုံးဖြစ်တဲ့ optimal independence တော့ ဖြစ်နေရပါမယ်။ အစိုးရအပေါ်မှာ dependent နည်းလေလေ၊ စီးပွားရေးတိုးတက်မှုအတွက် ကောင်းကျိုးဖြစ်လေလေပါပဲ။ မြန်မာပြည်မှာကျတော့ ဗဟိုဘဏ်လုပ်ငန်းဆောင်တာများအားလုံးကို စစ်အုပ်စုက ကြိုးကိုင်ထားပါတယ်။ ဒီတော့ effective monetary policy ချမှတ်အကောင်အထည်ဖော်နိုင်ဖို့ဆိုတာက လုံးဝမဖြစ်နိုင်တော့ပါဘူး။ တခါ စစ်အုပ်စုရဲ့ ပြည်သူလူထုအပေါ်တာဝန်မခံသော ကြီးမားလှတဲ့ စစ်အသုံးစရိတ်တွေ၊ အုပ်ချုပ်ရေးယန္တရားတခုလုံးက လာဘ်ပေးလာဘ်ယူမှုတွေ၊ စစ်ဗိုလ်စစ်သားများကို အဆမတန်လစာတိုးမြှင့်ပေးထားမှုတွေကြောင့် ပေါ်ပေါက်လာတဲ့ deficit ပြဿနာကိုလည်း money financing ပုံစံကိုသာ အသုံးပြုဖြေရှင်းနေတာကြောင့် currency value ကလဲ အဆမတန်ထိုးကျနေပါတော့တယ်။

ဒီအချက်တွေကိုကြည့်ခြင်းအားဖြင့် မြန်မာပြည်ရဲ့ စီးပွားရေးအခြေအနေဘက်ပေါင်းစုံက ပျက်ယွင်းနေမှုဟာ နိုင်ငံအုပ်ချုပ်နေသူများရဲ့ monetary, fiscal policy ရေးရာ နားမလည်မှုတွေ၊ ပညာရှင်များလုပ်ဆောင်ရမယ့် လုပ်ငန်းဆောင်တာတွေမှာ အသိဥာဏ်မရှိပဲ ၀င်ရောက်ကြိုးကိုင်စွက်ဖက်မှုတွေကြောင့် ဆိုတာဟာ “မပြေးသော်ကန်ရာရှိ” ဆိုသလိုပဲ ထင်ရှားနေပါတယ်။ အခြားသော macroeconomic indicator တွေကို အသုံးပြုပြီး မြန်မာ့စီးပွားရေးလက်ရှိအခြေအနေကို ဆက်လက်လေ့လာကြည့်ကြရအောင်ပါ။

(ရှေ့ဆက်ဖော်ပြပါမည်)

ခင်မမမျိုး (၂၅၊ ၁၀၊ ၂၀၀၈)

စမာနဂိုရ်က နွားမပေါင်ကျိူးလိမ့်မည်လော (အပိုင်း-၃)

2008-10-23T19:44:00.000+06:30

သူလဲလေလောကီသားပေမို့

Global Financial Crisis (2008) စတင်လာတာနဲ့ တပြိုင်နက် အာရှတိုက်အပေါ် ဘယ်လိုသက်ရောက်မှုရှိနိုင်မလဲ ဆိုတဲ့အချက်ဟာ အာရှရေးရာလေ့လာသူများနဲ့ ဘောဂဗေဒ ပညာရှင်များအကြားမှာ ရေပန်းအစားဆုံး ဆွေးနွေးချက်တခုဖြစ်လာခဲ့ပါတယ်။ policy makers များအတွက်လဲ အလွန်ပင် ခေါင်းခဲစရာ ဖြစ်လာခဲ့ပါတယ်။

တချို့သော ပညာရှင်များက ပြဿနာရဲ့ ပင်မရင်းမြစ်ဟာ အမေရိကနဲ့ ဥရောပ ငွေကြေးစနစ်တွေမှာ ဖြစ်နေတာရယ်၊ အာရှငွေကြေးစနစ်က ၁၉၉၇ financial crisis အပြီးမှာ reform လုပ်ပြီးသာ ဖြစ်နေတာရယ်ကြောင့် အာရှကို ထိခိုက်မှုနည်းမယ်လို့ ယူဆကြပါတယ်။ အာရှအရှေ့ပိုင်းနိုင်ငံများ အချင်းချင်းကြားက Inter-trade flows ခိုင်မာမှုကိုလဲ ထောက်ပြကြပါမယ်။ သို့ပေမယ့်လဲ အာရှနိုင်ငံများကြားက trade flows ဟာ integrated production networks ပုံသဏ္ဍာန်အဖြစ်သာ ရှိနေပြီး ကုန်ပစ္စည်းများရဲ့ နောက်ဆုံးဦးတည်ရာ destination ကတော့ အမေရိကနဲ့ ဥရောပသာ ဖြစ်နေတာကြောင့် ရိုက်ခတ်မှုဟာ မလွဲမသွေဖြစ်နိုင်ကြောင်း ပြန်လှန်ငြင်းဆိုမှုတွေ ထွက်လာခဲ့ပါတယ်။

UN conference on Trade and Development (UNCTAD) ရဲ့ ညွှန်ကြားရေးမှူးဟောင်းတဦးဖြစ်တဲ့ Dr Yilmaz Akyuz ကတော့ ၂၀၀၈ခုနှစ်၊ ဧပြီလ (၂၉) ရက်နေ့က ဘန်ကောက်မှာ ကျင်းပခဲ့တဲ့ UN Economic and Social Commission for Asia and the Pacific (ESCAP) ministerial session မှာ အာရှတိုက်ကို ရိုက်ခတ်နိုင်မယ့် ဂယက်တွေကို စာတမ်းတင်သွင်းဖတ်ကြားခဲ့ပါတယ်။ သူ့စာတမ်းရဲ့ အနှစ်ချုပ်ကတော့ အာရှနိုင်ငံတော်တော်များမှာ foreign reserves များရှိနေပြီး၊ domestic savings မြင့်မားတာကြောင့် domestic consumption တက်အောင် ပြုလုပ်နိုင်မယ်ဆိုရင် financial crisis ကြောင့် export sector မှာ ဖြစ်ပွားလာမယ့် စီးပွားရေးနှောင့်နှေးမှုတွေကို offset လုပ်လာနိုင်လိမ့်မယ်လို့ ဖော်ပြထားပါတယ်။ ဒါပေမယ့် credit bubbles နဲ့ asset bubbles တွေတော့ ဖြစ်လာနိုင်တာကိုတော့ စိုးရိမ်ဖွယ်ရာရှိကြောင်း ပြောဆိုထားခဲ့ပါတယ်။

ဘဏ္ဍာရေးလောကမှာ borrower တွေ ငွေကြေးအမြောက်အမြားချေးယူပြီး အကြွေးတွေ ပြန်မဆပ်နိုင်တော့တဲ့ အခြေအနေမျိုးဆိုက်ရောက်လာတာကို credit bubble လို့ သုံးနှုန်းပါတယ်။ များသောအားဖြင့် state of economy ဟာ ဒီလိုဖြစ်လာတယ်ဆိုရင် bankrupcy ခံမှုတွေ၊ financial crisis တွေနဲ့ နိဂုံးချုပ်သွားတတ်ပါတယ်။ Asset Bubble ဆိုတာကတော့ investment (သို့) security တွေရဲ့ ဈေးနှုန်းတွေ ကြောက်မယ်ဖွယ်ရာကောင်းအောင် ရုတ်ခြည်းခုန်တက်သွားတာကို ဆိုလိုပါတယ်။ ဘဏ္ဍာရေးဆိုင်ရာ ကိန်းဂဏန်းများအရ အာရှနိုင်ငံများကို စီးဝင်တဲ့ private capital inflows ခြောက်ဆယ်ရာခိုင်နှုန်းကျော်ဟာ equity investment မှာဖြစ်ပြီး၊ ၂၅ ရာခိုင်နှုန်းကျော်က investment bank lending မှာဖြစ်ပါတယ်။ ကျန်တဲ့ရာခိုင်နှုန်းတွေကတော့ အခြား debt flows တွေဖြစ်တဲ့ bonds နဲ့ carry-trade related ချေးငွေတွေမှာ ဖြစ်ပါတယ်။ ဒီလို capital inflows များကြောင့် liquidity expansion ဖြစ်ပြီး bubbles တွေဖြစ်စေါတယ်။ အိမ်ခြံမြေဈေးကွက်မှာလဲ အရမ်းကာရော boom ဖြစ်သွားတတ်ပါတယ်။ တဖြည်းဖြည်းနဲ့ ဒီ bubbles တွေကြောင့် domestic fragility တွေ ဖြစ်လာစေနိုင်ပါတယ်။

ဒီလို fragility တွေ၊ financial crisis ကြောင့်ဖြစ်လာတဲ့ ကုန်သွယ်မှုနဲ့ ဘဏ္ဍာရေးဆိုင်ရာ shocks တွေဟာ policy makers တွေအတွက်တော့ တကယ့် challenges တွေပါပဲ။ ဒီလိုအခြေအနေမျိုးတွေမှာ domestic demand ကို fiscal stimulus ကတဆင့် ချဲ့ထွင်တာဟာ အသင့်လျော်ဆုံးပေါ်လစီ response ဖြစ်ပြီး၊ ဘဏ္ဍာရေးကဏ္ဍမှာ အခက်အခဲတွေ မြင့်တက်လာတာနဲ့ 'lender of last resort' financing ကို အစိုးရများမှ စီမံဆောင်ရွက်ပေးဖို့လိုကြောင်း ပညာရှင်များက အကြံပြုထားကြပါတယ်။ အိုင်အမ်အက်ဖ်ကလဲ fiscal policy ကို countercyclical tool အနေနဲ့ သုံးဖို့လိုကြောင်း အောက်တိုဘာလထုတ် World Economic Outlook (WEO) Financial Stress, Downturns and Recoveries စာတမ်းမှာ ဖော်ပြထားပါတယ်။

အခုလို နိုင်ငံတကာမှာ ပေါ်လစီရေးရာတွေ ချမှတ်ရေးဆွဲနေကြချိ်န်မှာပဲ subprime crisis ရဲ့ သွယ်ဝိုက်သက်ရောက်မှုများကတော့ အာရှနိုင်ငံများဆီကို တစတစ ကူးစက်လာပါတော့တယ်။ ရှန်ဟိုင်း composite index ဟာ အောက်တိုဘာလ ၊ (၂၀၀၇) ခုနှစ်နဲ့ စာရင် ခုနစ်ဆယ်ရာခိုင်နှုန်းထိုးကျသွားပါတယ်။ အာရှရဲ့ capital outflows ဟာ ပထမပိုင်း ရှစ်လမှာတင် $38 billion ကျော်သွားတယ်။ ဖိလစ်ပိုင်နဲ့ အင်ဒိုနီးရှားက bond auctions တွေ failure ဖြစ်ကုန်တယ်။ အာရှငွေကြေးတွေဖြစ်တဲ့ အင်ဒိုနီးရှား rupiah, ကိုးရီးယား won, ထိုင်း baht, ဗီယက်နမ် dong နဲ့ အိန္ဒိယ rupee တွေမှာ downward pressure တွေဖြစ်လာတယ်။ အိန္ဒိယမှာဆိုရင် နိုင်ငံရဲ့ အကြီးဆုံး ပရိုက်ဗိတ်ဘဏ်ကနေ ငွေအပ်သူတွေက ပိုက်ဆံပြန်ထုတ်နေကြတယ်။ ပါကစ္စတန်မှာ balance of payment crisis က အကြီးအကျယ်ဖြစ်လာတယ်။ စင်ကာပူနဲ့ Baharian တို့မှာ ၀ါရင့်နိုင်ငံရေးသမားများကို စီးပွားရေးတိုးတက်မှုနဲ့ဘဏ်စနစ်ခိုင်မာမှုရေးရာ ပါဝင်ဆောင်ရွက်ဖို့ ပလက်ဖောင်းတခုခွင့်ပြုတဲ့ verbal intervention ကို engage လုပ်လာရတယ်။

အောက်တိုဘာလ (၁၆) ရက်နေ့မှာ Kazakhstan နိုင်ငံမြို့တော် Astana မှာ ကျင်းပခဲ့တဲ့ Pan-Asia ministerial forum မှာ အာရှနိုင်ငံများအချင်းချင်း ပူးပေါင်းဆောင်ရွက်တဲ့ co-ordinated measures တွေကို အကောင်အထည်ဖော်ဖို့ ဆွေးနွေးခဲ့ကြတယ်။ အောက်တိုဘာလ (၂၃) ရက်နေ့မှာ တရုတ်ပြည် ဘေဂျင်းမှာ ကျင်းပတဲ့ ASEM Summit မှာ EU President Jos'e Manuel Barriso က " The eye of the storm was in the US, but it is a global storm and there will be ripple effects all over the world. Simply we swim together or we sink together” လို့ ပြောကြားလာခဲ့တယ်။

တကယ်တော့ သူလဲလေလောကီသားပေမို့ ဆိုတဲ့အတိုင်း ကမ္ဘာတ၀ှမ်းလုံးမှာ financial crisis ဖြစ်ပွားနေချိန်မှာ အာရှနိုင်ငံတွေကို ရိုက်ခတ်မှုများဟာလဲ မလွဲမသွေ ကြုံတွေ့ရင်ဆိုင်ကြရမှာပါပဲ။ တရုတ်နဲ့ အိန္ဒိယအပါအ၀င် အာရှနိုင်ငံများရဲ့ export market ဟာ အမေရိကန်၊ ဥရောပနဲ့ ဂျပန် (G3) တို့ဖြစ်နေတာကြောင့် ဒီနိုင်ငံများမှာ စီးပွားရေး ကျဆင်းတယ်ဆိုတာနဲ့ spill over effects တွေ ဖြစ်ပွားလာမှာကတော့ အသေအချာပါပဲ။ အာရှဖွံ့ဖြိုးတိုးတက်ရေးဘဏ် ADBရဲ့ chief economist ကတော့ 'If the global slowdown extends beyond 2009, the repercussions for the region could be severe' လို့ အဆိုပြုထားခဲ့ပါတယ်။ ဖိလစ်ပိုင်နိုင်ငံ၊ Institute of Political Studies က ဘုတ်အဖွဲ့ဝင် Reihana Mohideen ကလဲ 'If the western economies get the flu, not only will Asia sneeze, but it could catch a fever' လို့ အတည်ပြုဆိုထားလိုက်ပါပြီ။

ဆက်လက်ပြီး Global Financial Crisis (2008) ဟာ နဂိုကတည်းက ယိုင်လဲလုနီးပါးဖြစ်နေတဲ့ မြန်မာနိုင်ငံရဲ့ စီးပွားရေးအဆောက်အအုံ အပေါ်မှာကော ဘယ်လို ရိုက်ခတ်မှုတွေ ဖြစ်လာနိုင်မလဲဆိုတာကို လေ့လာကြည့်ကြရအောင်ပါ။ ရိုက်ခတ်မှုတွေအကြောင်း မဆန်းစစ်ခင် လက်ရှိမြန်မာနိုင်ငံ စီးပွားရေးအဆောက်အအုံရဲ့ ပကတိအခြေအနေမှန်ကို တင်ပြချင်ပါတယ်။ နအဖကတော့ စီးပွားရေးဖြစ်ပေါ်ပြောင်းလဲတိုးတက်မှုများလို့ ဆိုပါတယ်။ ဒီအချက်မှန်မမှန်ကို ကိန်းဂဏာန်းများ၊ ကားချပ်များက အခုလို ညွှန်းဆိုပြသပါလိမ့်မယ်။

(ရှေ့ဆက်ဖော်ပြပါမည်)

ခင်မမမျိုး (၂၃၊ ၁၀၊ ၂၀၀၈)