ပညာနှင့်ပညာတတ် (၃)

ဒီတစ်ခါတော့ technician များနဲ့ပတ်သက်ပြီး သုံးသပ်ရေးသားပါမယ်ခင်ဗျာ။ technician များ ဆိုသည်မှာ မိမိတို့၏ ကျွမ်းကျင်မှုများအလိုက် စနစ်တကျ လုပ်ကိုင်သူတွေပါပဲ။ ယေဘုယျ အားဖြင့် အင်ဂျင်နီယာတွေ ဆရာဝန်တွေ၊ စက်မှုလက်မှု ပညာရှင်တွေ ကျောင်းဆရာတွေ လို့အကြမ်းဖျင်း သတ်မှတ် နိုင်ပါတယ်။ technician များသည် သီအိုရီ၊ နည်းစနစ် များကို အလေးထား ကြပြီး မိမိတို့လိုချင်သော ရလဒ်ရအောင် ဖန်တီးစီစဉ် နိုင်ကြသူများ ဖြစ်လေ့ရှိသည်။ ဥပမာ ... အင်ဂျင်နီယာသည် မိမိ ဆောက်မည့် အိမ်ပုံစံအား ကြိုတင် ရေးဆွဲနိုင်ပြီး မတူတူအောင် ဆောက်နိုင်ခြင်း၊ ဆရာဝန်သည် ရောဂါအတွက် မည်သည့် ကုထုံးသုံးပြီး မည်သို့ပျောက်အောင် ကုသနိုင်သည် စသည်တို့ ဖြစ်သည်။ ယင်းတို့သည် စနစ်တကျ လုပ်ကိုင် ချင်ကြသူများ ဖြစ်ကာ တိကျသော အဖြေ ပေးနိုင်ရန် ကြိုးစားလေ့ ရှိသည်။

သီအိုရီများတွင် သက်တမ်း (life-span) များ ရှိတတ်ရာ (academic) သီအိုရီများ ထက်စာလျှင် ( technical) သီအိုရီများ မှာ သက်တမ်း ပိုတို တတ်ပါသည်။ အကြောင်းရင်းမှာ ယင်းသီအိုရီ များသည် စနစ်တကျ ပြုစုထားသော ပညာရပ်ဆိုင်ရာ မှတ်တမ်းများမှတဆင့် ဆက်လက် သုတေသန ပြုကာ ရလဒ်သစ် တင်ပြ နိုင်ချိန်တွင် အကယ်ဒမစ် သီအိုရီများသည် သက်သေပြရန် အချိန် လိုအပ်ခြင်း၊ အခြေ အနေ နှင့် အချိန်အခါ အရ မှားနိုင်သော သီအိုရီသည် နောင်တစ်ချိန် ပြန်မှန် လာနိုင်ခြင်း စသည့် သုံးသပ်ရခက်သည့် သဘော ရှိခြင်း ကြောင့် ဖြစ်သည်။ technician များအဖို့ စနစ်တကျ ခွဲခြမ်း စိတ်ဖြာတတ်သည့် ဦးနှောက်နှင့် အတူ ကိုယ်ပိုင် တန်ဖိုး ယူဆချက် (value judgement) နည်းပါး တတ်ကာ၊ ယုတ္တိကျကျ တွေးခေါ် တတ်သူများ (rational thinkers) များ ဖြစ်ကြသည်။ technician များကြောင့် မိမိတို့ လူမှု အဖွဲ့အစည်းတွင် တိုးတက် ပြောင်းလဲမှုများ အဆက်မပြတ် ဖြစ်ပေါ် နေရာ လူသားများ အတွက် တန်ဖိုးရှိလှသော လူ့စွမ်းအား အရင်းအမြစ်ကြီးအဖြစ် မြင်မိပါကြောင်း ။ ။

ပညာနဲ့ပညာတတ်(၂)

ပညာနဲ့ ပညာတတ် (၁) မှာ ပညာရဲ့ သဘော သဘာဝကို မိမိ နားလည်သလို တင်ပြ ထားပြီး နောက် ပညာရှင်တွေ လျှောက်ရာ လမ်းများ ကိုလည်း အကြမ်းဖျင်း (သာမန်မျှသာ) လေး ခွဲကြည့် မိပါတယ်။ ဒီတော့ အကယ်ဒမစ် ( academic ) နဲ့ ( technique ) လိုင်းဆိုပြီး သတိထား မိလေရဲ့။ လျှောက်တဲ့ လမ်းကြောင်းနဲ့ ဘာသာရပ် သဘောတရား အရ (academician ) နဲ့( technician ) ဆိုပြီး ရပ်တည် ကြကုန် ပါတယ်။ ယေဘုယျ အားဖြင့်တော့ အကယ်ဒမစ် ဆိုတာ အတွေး အခေါ်ကို ပိုပြီး ဦးစား ပေးတတ်ပါတယ်။ လွတ်လပ်တယ်၊ ကွန့်မြူးတယ်၊ ကိုယ်ပိုင် တန်ဖိုး ယူဆချက် ( value judgment ) အားသန် တယ်လေ။ အထူးသဖြင့် လူမှု သိပ္ပံ ဘာသာရပ်တွေ၊ အနုပညာရပ် တွေ မျိုးပေါ့။ သူတို့ဟာ အဖြေတစ်ခုတည်း ပေးနိုင်ဖို့ မကြိုးစား ကြဘူး။ ဖြစ်ပျက် နေတာတွေကို နားလည်အောင် ကြိုးစားတယ်။ လူတွေကို နားလည်အောင် ရှင်းပြဖို့ ၀န်မလေး ပေမယ့် နားမလည် ရင်လည်း လက်ခံ ပေးနိုင် ကြတယ်လေ။ ရလဒ် တစ်ခုကို ရဲရဲကြီး အာမခံ မပေးချင်တော့ တစ်ချို့ အလုပ်တွေ ဆိုရင် အကယ်ဒမစ် ဆန်ဆန် တွေးတောသူတွေ မလိုချင်ပါဟု ဗြောင်ဖော်ထုတ် ကြတာ တွေ့ရပါတယ်။ မည်သို့ပင် ဖြစ်စေ လူမှု သိပ္ပံဆိုင်ရာ ပြဿနာ များမှာ လူသားများ တွင်သာ အရင်းခံလာရာ အကယ်ဒမစ် ပညာရှင်များ မှာလည်း တစ်ထောင့် တစ်နေရာမှ ကူညီ ဖြေရှင်း ပေးနေမည် ဖြစ်ပါ ကြောင်း ။ ။ ... ... ။

"technician" နှင့် ပတ်သက်၍ ဆက်လက် တင်ပြ သွားပါမည် ခင်ဗျာ။
( လိုအပ်ချက်များ ထောက်ပြ၊ ထပ်မံ ဖြည့်စွက် ကြရန် မျှော်လင့်လျက် ... ကိုကိုဖရီး)

ပညာနှင့်ပညာတတ်( ၁)

ကမ္ဘာပေါ်တွင် လူသားများနှင့် အတူ ပညာရပ်ပေါင်း များစွာ ထွန်းကား နေပါသည်။ ပညာ၏ သဘော သဘာဝ အရ တတ်သိ နားလည်ခြင်း၊ ကိုယ်တိုင် ကျွမ်းကျင် ပိုင်နိုင်စွာ လုပ်ဆောင် နိုင်ခြင်း တို့ဖြစ်ရာ အမြင်ဖြင့် လည်းကောင်း၊ အကြားဖြင့် လည်းကောင်း၊ ဖတ်မှတ်ခြင်း အားဖြင့် လည်းကောင်း၊ လက်တွေ့ စမ်းသပ် လုပ်ကိုင်ခြင်း အားဖြင့် လည်းကောင်း ပညာကို မွေးမြူ ထိန်းသိမ်း နိုင်လာ ပါသည်။ ထို့ပြင် ပညာရပ် တစ်ခုသည် ဆက်လက် တိုးတက် ပြန့်ပွား နိုင်သကဲ့သို့ တိမ်မြုပ် ပျောက်ကွယ်၍ လည်း သွားနိုင် ပါသည်။ ထို့ကြောင့် ကောင်းသော ရည်ရွယ်ချက်ဖြင့် ပညာရပ် တစ်ခုကို လက်ဆင့်ကမ်း ဝေမျှရန်မှာ ပညာတတ် တစ်ဦး၏ တာဝန်ဖြစ်ကြောင်း ယူဆ မိပါသည်။ entrepreneur တစ်ယောက် အတွက် လေ့လာ သင်ယူမှု အလေးထား စေချင်သလို ပြန်လည် ဝေမျှသင့်မှု ကိုလည်း သတိထား မိစေရန် ဖြစ်ပါသည် ခင်ဗျာ။ အဘယ်ကြောင့် ဆိုသော် ပညာသည် အပြုသဘောဆောင် ဆင့်ပွား အကျိုးသက် ရောက်မှု ( positive externalities) ရှိ၍ ဖြစ်ပါကြောင်း ၊ ၊
(အားလုံးကို လေးစားလျက် ... ကိုကိုဖရီး)