Monday, October 13, 2008

Happy, Alert and Heartfelt Entrepreneurship

ပျော်ပျော်ရွှင်ရွှင် တက်တက်ကြွကြွ ရင်ထဲက တီထွင်


စက်မှုခေတ်မှာ တိုးတက်အောင်၊ ကြီးပွားအောင် အဓိက လုပ်ခဲ့တဲ့တွန်းအားက စက်တွေ၊ အရင်းအနှီးတွေဆိုတဲ့ အရာဝတ္ထုတွေလေ၊ လူတွေ မပါလို့တော့ မဖြစ်ဘူး။ ဒါပေမယ့် အဲဒီလူတွေဆိုတာက အစားထိုးလို့ရတဲ့ သူတွေ၊ ကာယလုပ်သားတွေ ဖြစ်နေပါတယ်။ သူတို့ရဲ့ခန္ဓာကိုယ်ပဲ အရေးကြီးတယ်၊ စိတ်တွေ နှလုံးတွေ၊ မှန်တာ မှားတာတွေ မလိုဘူး။ လူဆိုတာလည်း အရာဝတ္ထုတစ်ခု ဖြစ်သွားပါလေရော။

ဒီနေ့ခေတ် စီမံခန့်ခွဲရေး လုပ်ထုံးလုပ်နည်းတွေ အားလုံးဟာ စက်မှုခေတ်ရဲ့ အခြေအနေအပေါ်မှာ အခြေခံထားတယ်။ လူတွေကို အရာဝတ္ထုတွေနဲ့ ခွဲမမြင်၊ ရောမြင်လိုက်တဲ့အတွက် လူတွေကိုလည်း အရာဝတ္ထုတွေလိုပဲ ထိန်းချုပ်ရမယ်၊ စီမံခန့်ခွဲရမယ်လို့ မြင်လာကြတယ်။

မန်နေဂျာတစ်ယောက်အနေနဲ့ ထိန်းချုပ်မှုတွေ၊ စီမံခန့်ခွဲမှုတွေလုပ်လေ ထိန်းချုပ်စရာ၊ စီမံခန့်ခွဲစရာတွေ ပိုများလာတာ ပိုလုပ်လာကြတာကို တွေ့ရတတ်ပါတယ်။ တစ်နည်းပြောရရင် ထိန်းချုပ်သူရှိနေတော့ အထိန်းချုပ်ခံတွေ၊ ထိန်းချုပ်စရာတွေပေါ်လာတယ်။ အထိန်းချုပ်ခံတွေ၊ ထိန်းချုပ်စရာတွေရှိနေတော့ ထိန်းချုပ်သူလိုလာတယ်။ သူရှိလို့ ကိုယ်ရှိရ၊ ကိုယ်ရှိလို့ သူရှိရနဲ့ဖြစ်လာတယ်။ ဘယ်သူကမှ တာဝန်မယူဘူး၊ ဘယ်သူ့ကိုမှ တာဝန်မရှိစေဘူး။

ဒါကြောင့် ဒီအခြေအနေကို ပြောင်းလဲဖို့ဆိုတာ တစ်ဖက်ဖက်က စလှုပ်ရှားရမယ်၊ အဲဒီတစ်ဖက်ဆိုတာလည်း ကိုယ့်ဘက်မဟုတ်၊ သူ့ဘက်ကိုပဲ မြင်နေကြတယ်။ ကိုယ့်ရဲ့အားနည်းချက်ကို မမြင်ဘူး၊ ကိုယ့်ပြဿနာကို မမြင်တော့ အဲဒီပြဿနာကို မဖြေရှင်းနိုင်ဘူး၊ ပြဿနာဆိုတာကလည်း ဖန်တီးနိုင်တဲ့ ဉာဏ်ထက် ဖြေရှင်းနိုင်တဲ့ ဉာဏ်က ပိုပြီးမြင့်တယ်။ ပြဿနာဖြစ်အောင် ဖန်တီးနိုင်လောက်တဲ့ ဉာဏ်နဲ့ ပြဿနာကို ဖြေရှင်းလို့ မရဘူး။

လူတွေကို ရှုမြင်ပုံ၊ စီမံသူနဲ့ စီမံခံသူတွေရဲ့ ဆက်ဆံရေးဟာလည်း ဓလေ့ထုံးစံတွေလိုပဲ ပြောင်းခဲတယ်။ ပိုကောင်းတဲ့ ပုံစံတစ်ခုမပေါ်ပေါက်မီ နှစ်ပေါင်းရာချီပြီး ပုံစံဟောင်းတစ်ခုဟာ တည်တံ့နေတတ်တယ်။

နည်းပညာခေတ်၊ နည်းပညာ လုပ်သားခေတ်ကို စက်မှုခေတ်၊ ကာယလုပ်သားခေတ်က ပုံစံမျိုးနဲ့ဖြတ်သန်းလို့ မရဘူး။ လူအတော်များများဟာ သူတုိ့ရဲ့လုပ်ငန်းခွင်မှာ မပျော်မွေ့ကြဘူး။ ကုမ္ပဏီတွေ၊ အဖွဲ့အစည်းတွေဟာ ဝန်ထမ်းတွေရဲ့အကောင်းဆုံး အရည်အသွေးတွေ၊ အစွမ်းအစတွေ၊ ပါရမီတွေကို ထုတ်မသုံးနိုင်ကြဘူး။

ဘာလို့ အခုလိုဖြစ်နေသလဲ။ အခြေခံကတော့ လူဆိုတာ ထိန်းချုပ်ရမယ့်၊ လှုံ့ဆော်ရမယ့် အရာဝတ္ထုကြီး မဟုတ်ဘူး။ လူတွေမှာ ခန္ဓာကိုယ်ရယ်၊ စိတ်ရယ်၊ နှလုံးသားရယ်၊ နာမ်ရယ်ဆိုပြီး လေးပိုင်းစလုံးပါဝင်နေတာကို အသိအမှတ် ပြုဖို့လိုတယ်။ အဲသလို လေးပိုင်းစုံတဲ့လူတွေဟာ အသက်ရှင်သန်ချင်ကြတယ်၊ မေတ္တာထားချင်ကြတယ်၊ ဆက်ဆံရေးတွေ တည်ဆောက်ချင်ကြတယ်၊ တိုးတက်ချင်၊ ကြီးပွားချင်ကြတယ်၊ ကိုယ်လုပ်တဲ့အလုပ်တွေဟာ အဓိပ္ပာယ်ရှိတဲ့ အလုပ်တွေ ဖြစ်စေချင်တယ်၊ ထိုက်တန်တဲ့အလုပ်တွေ ဖြစ်စေချင်တယ်၊ နောင်လာ နောက်သားတွေ မျိုးဆက်သစ်တွေအတွက် အမွေကောင်းတွေ ပေးခဲ့ချင်တယ်။

တကယ်တော့ လူတွေနဲ့အရာ ဝတ္ထုတွေရဲ့ကွာခြားချက်က လူတွေဟာ ရွေးချယ်မှုတွေ ပြုလုပ်တတ်ကြတယ်၊ အရာဝတ္ထုတွေကတော့ ရွေးချယ်နိုင်တဲ့ အသိဉာဏ်မျိုး မရှိကြဘူး။ ဘယ်လောက် အလုပ်လုပ်ကြမလဲ၊ အလုပ်လုပ်ရအောင် သူတို့ကို ဘယ်လို ဆက်ဆံသလဲ၊ ဘယ်လိုအခွင့်အလမ်းတွေ ရှိသလဲဆိုတာ လူတွေက ချင့်ချိန်ရွေးချယ် ဆုံးဖြတ်တတ်ကြတယ်။

လူတွေမှာရှိကြတဲ့ ခန္ဓာကိုယ်၊ နှလုံးသား၊ စိတ်ပိုင်း၊ နာမ်ပိုင်းတွေကို အပြည့်အဝ အသုံးပြုကြသလား။ တချို့လုပ်ငန်းတွေမှာ ဝန်ထမ်းတွေဟာ မျှမျှတတ ဆက်ဆံခြင်း မခံကြရဘူး။ ရတဲ့လခနဲ့ လုပ်ရတဲ့အလုပ် အချိုးမညီဘူးလို့ မြင်ကြတယ်။ ဒီအခါ ဝန်ထမ်းတွေဟာ ဆန့်ကျင်ကြ၊ အလုပ်ထွက်ဖို့ ကြိုးစားကြတာကို တွေ့ရတယ်။

လခကောင်းတဲ့ လုပ်ငန်းတွေလည်း ရှိပါရဲ့။ ဒါပေမယ့် ကိုယ့်အပေါ် ကြင်ကြင်နာနာ မဆက်ဆံတာ၊ မလေးစားတာ၊ လိုတစ်မျိုး၊ မလိုတစ်မျိုးဆက်ဆံတာ၊ ကိုယ့်အထက်လူကြီးရဲ့ အရိပ်အကဲကို ကြည့်နေရတာမျိုး ဖြစ်တယ်။ ကိုယ့်အထက်လူကြီးကလည်း အခု ရွှေ၊ အခုငွေ။ အခုလိုမျိုးနဲ့ကြုံတဲ့အခါ ဝန်ထမ်းတွေခမျာ နာခံတော့ နာခံကြပါရဲ့ ... လခမျက်နှာက ရှိသေးတာကိုး။ ဒါပေမယ့် မချစ်သော်လည်း အောင့်ကာနမ်းနေရတဲ့ နာခံမှုမျိုးတွေ ဖြစ်နေတတ်တယ်။

တချို့လုပ်ငန်းတွေမှာတော့ လခလည်းကောင်း၊ ကောင်းကောင်းမွန်မွန်လည်း ဆက်ဆံပါရဲ့၊ ဒါကလည်း ကိုယ့်ဆီက လိုချင်တာရှိတဲ့အချိန်၊ ကိုယ့်ရဲ့အကြံဉာဏ်ယူချင်တဲ့ အချိန်မျိုးတွေမှာ ဖြစ်နေပြန်တယ်၊ ကိုယ့်ခန္ဓာ ကိုယ်နဲ့ကိုယ့်နှလုံးသားကိုတော့ လေးစားပါရဲ့၊ ကိုယ့်စိတ်ကို မလေးစားဘူး ဖြစ်နေတယ်။ ဒီအခါ စိတ်ပါလက်ပါ လိုက်နာပေမယ့် လိုက်နာနေရတာကိုတော့ မပျော်ရွှင်နိုင်ဘဲဖြစ်နေရပြန်တယ်။

လခလည်းကောင်း၊ ကြင်ကြင်နာနာလည်းဆက်ဆံ၊ တီထွင်ကြံဆခွင့်၊ ဖန်တီးခွင့်တွေလည်းရပါရဲ့၊ ဒါပေမယ့် အဓိပ္ပာယ်မရှိဘူးလို့ ထင်တဲ့အလုပ်မျိုးတွေ လုပ်ရ၊ ဘယ်သူမှ မဖတ်တဲ့အစီရင်စာခံတွေ ရေးနေရတာမျိုးတွေ ဖြစ်နေပြန်ရင်လည်း တက်တက်ကြွကြွ မရှိနိုင်ပြန်ဘူး။

မျှမျှတတလည်းပေး၊ ကြင်ကြင်နာနာလည်းဆက်ဆံ၊ အဓိပ္ပာယ်ရှိတဲ့ အလုပ်မျိုးတွေလည်း လုပ်ရပါရဲ့၊ ဒါပေမယ့် ဖောက်သည်တွေကို ကိုယ်က လိမ်ရညာရ၊ မပြောချင်တာတွေ ပြောနေရတဲ့အခါမျိုးကျတော့လည်း စိတ်အားထက်သန်မှု၊ စိတ်တက်ကြွမှု မရှိနိုင်ပြန်ဘူး။

ဆိုလိုတာက လူတွေရဲ့သဘော သဘာဝကို အပြည့်အဝ ဂရုမစိုက်ဘဲ တစ်ခုခုလစ်ဟာသွားတာနဲ့ တစ်ပြိုင်နက် လူတစ်ယောက်ဟာ လူတစ်ယောက် မဟုတ်တော့ဘဲ အရာဝတ္ထုတစ်ခု ဖြစ်သွားတော့တယ်။ အရာဝတ္ထုတစ်ခုဖြစ်သွားရင် ထိန်းချုပ်ရတာ၊ စီမံခန့်ခွဲရတာ၊ သူတို့လုပ်ချင် ကိုင်ချင်စိတ်ပေါက်ဖို့ ဆုပေးရ၊ ဒဏ်ပေးရတာတွေ ပါလာရပါတော့တယ်။

အသိပညာခေတ်မှာ မျှတတဲ့ လခရ၊ ကြင်ကြင်နာနာ ဆက်ဆံခြင်းခံရ၊ တီထွင်ဖန်တီးခွင့်ရ၊ လူတွေရဲ့ အကျိုးစီးပွားအတွက် အမှန်တကယ် လုပ်ဆောင်ခွင့်ရကြ၊ အကောင်းအဆိုး အကြောင်းအကျိုး ခွဲခြားဝေဖန်ခွင့် ရကြတဲ့ ဝန်ထမ်းတွေဟာ ပျော်ပျော်ရွှင်ရွှင် အလုပ်လုပ်ကြ၊ ရင်ထဲက ပူးပေါင်းပါဝင်ကြ၊ တက်တက်ကြွကြွ တီထွင်ဖန်တီးကြတဲ့သူတွေ ဖြစ်လာပါတယ်။

ခင်မောင်ညို (ဘောဂဗေဒ)

Ref: Stephen R.Covey The 8th Habit

No comments:

Post a Comment