လူမှု့တန်ဖိုး ပြန်ရချက်အတိုင်းအတာနှင့် စွန့်ဦးစွမ်းဆောင်ရှင်

မစ္စတာဂစ်တာ

အစဉ်အလာ အဓိပ္ပါယ်ဖွင့်ဆိုချက်အရ စွန့်ဦးစွမ်းဆောင်ရှင် (သို့) စွန့်ဦးတီထွင်လုပ်ငန်းရှင်(Entrepreneur) ဆိုသည်မှာ စီးပွားရေး လုပ်ငန်းအသစ်များကို တီထွင်ဖွဲ့စည်းကာ စွန့်စားလုပ်ကိုင်သူများပင်ဖြစ်ပါသည်။ Entrepreneur များဟာ ကုန်စည် အသစ်နဲ့ဝန်ဆောင်မှု့လုပ်ငန်းအသစ်များကို မိတ်ဆက်ကမ်းလှမ်းခြင်းများကို ပြုလုပ်ရပါမယ်။ ဒါမှမဟုတ် စီးပွားရေး လုပ်ငန်းများအတွက် အတွေးအခေါ်သစ်လမ်းကြောင်းတွေ ဖောက်ထွင်းရပါလိမ့်မယ်။

ဒါပေမယ့် စွန့်ဦးတီထွင် စိတ်ဓါတ်အတွေးအခေါ် (Entrepreneurial Sprit) ဟာစီးပွားရေးလုပ်ငန်းများထဲမှာပဲ ကန့်သတ်ပိတ်ဆို့မနေစေရပါဘူး။ အခုနောက်ပိုင်းမှာ လူမှု့စွန့်ဦး စွမ်ဆောင်ရှင် (Social Entrepreneurs) များရဲ့အကြောင်းကို ပိုပိုပြီး ကြားလာခဲ့ရပါတယ်။ သူတို့ဆောင်ရွက်တာတွေက စီးပွားရေး စွန့်ဦးစွမ်းဆောင်ရှင်တွေအဖြစ် စွမ်းဆောင်ခဲ့ကြတယ်။ ပြီးတော့သူတို့ဟာ လုပ်ငန်းတွေမှာ အရင်းအနှီးမြုပ်နှံခြင်း သို့မဟုတ် အခြားသူများရဲ့ စီးပွားရေးလုပ်ငန်းများအတွက် ရင်းနှီးမြုပ်နှံဖို့ ငွေအရင်းအနှီးရရှိစေဖို့အတွက်ထောက်ပံ့မှု့တွေ ပြုလုပ်နိုင်ခဲ့ကြတယ်။

သို့သော် Social Entrepreneur တွေရဲ့ ပြောကြားချက်အရ သူတို့ဟာ အမြတ်ရဖို့ သဘောထား အပေါ်မှာပဲ ရပ်တည်မနေပါဘူးတဲ့။ သူတို့ရဲ့အရေးကြီးတဲ့ ရည်မှန်းချက်က လူမှု့တန်ဖိုးကို ဖန်တီးဖို့ပါတဲ့။ သူတို့ဟာ သူတို့ရည်မှန်းတဲ့ လူမှု့ပတ်ဝန်းကျင် အခြေအနေ တိုးတက်မှု့ကို ထောက်ပံ့ဖို့အစီအစဉ်တွေကို စီစဉ်ဖွဲ့စည်းတယ်။

Social Entrepreneur များရဲ့ ပြောစကားအရ သူတို့ဟာ လိုအပ်ချက်တွေကို အဖြေရှာဖို့အစိုးရနဲ့ အဖွဲ့အစည်းတွေကိုပဲတာဝန်ရှိတယ်လို့ယူဆပြီး လှစ်လျူရှုမထားပဲ သူတို့ကိုယ်တိုင်လိုအပ်ချက်တွေကို ရှာဖွေဖော်ထုတ်ပြီး ရရှိလာတဲ့ ဖြေရှင်းချက်တွေကိုလည်း ဖြန့်ကျက်သိရှိစေခြင်းငှာ ကြိုးစားဆောင်ရွက် ကြတယ်လို့ ဆိုပါတယ်။ တစ်နည်းအားဖြင့် စနစ်တွေပြောင်းလဲဖို့နဲ့ လူမှု့အဖွဲ့အစည်းရဲ့ပြောင်းလဲတိုးတက်မှု့ကိုရရှိဖို့ ကြိုးစားခြင်းပါပဲ။

သမိုင်းဝင်ဥပမာတစ်ရပ်အနေနဲ့ ယူနိုက်တက်စတိတ်မှာ အမျိုးသမီးထု အခွင့်အရေးအတွက် ဦးဆောင်တိုက်ပွဲဝင်ခဲ့တဲ့ ဆူဇန်ဘီအန်ထော်နီဟာဆိုရင် လူမှု့စွန့်ဦးစွမ်းဆောင်ရှင် (Social Entrepreneur) ဖြစ် ခေါ်ခံရကောင်းခေါ်ခံရနိုင်ပါတယ်။

ဗီနိုဘာဘီဟေ့ဗ်ကလည်း အိန္ဒိယရဲ့ ဆင်းရဲသားနဲ့မြေယာမဲ့တွေအတွက်မြေယာဝေခြမ်းရေး လှုပ်ရှားမှု့ကို ဦးဆောင်ခဲ့ပါတယ်။

ခေတ်ပေါ်သူနာပြုလုပ်ငန်းများရဲ့ မိခင်ကြီးဖြစ်တဲ့ ဗြိတိန်နိုင်ငံကဖလောရင့်စ်နိုက်တင်ဂေးဟာဆိုရင် သူနာပြုကျောင်းတွေကိုတည်ထောင်ပြီး ပိုကောင်းတဲ့ဆေးရုံအခြေအနေတွေကိုဖန်တီးပေးခဲ့ပါတယ်။ ပြီးတော့ အီတလီနိုင်ငံက မာရီမွန်တက်ဆာရီ ဟာလည်းပဲ ကလေးငယ်တွေရဲ့ ငယ်စဉ်ဘ၀ပညာရေးသင်ကြားမှု့နည်းစနစ်တွေကို တိုးတက်အောင် စွမ်းဆောင်ခဲ့ပြန်ပါတယ်။အဲ့ဒါတွေကတော့ ယူနိုက်တက်စတိတ်ရဲ့ Non Profit Group ဖြစ်တဲ့ Ashoka(အာသောက) အဖွဲ့အစည်းကပေးတဲ့ ဥပမာ အချို့ပဲဖြစ်ပါတယ်။

လွန်ခဲ့တဲ့နှစ်ပေါင်းနှစ်ဆယ်ကျော်က သာမာန်မဟုတ်တဲ့ လူမှု့စွန့်ဦး စွမ်းဆောင်မှု့တိုးတက်ခြင်းတွေ ထူးထူးခြားခြားပေါ်ပေါက်ခဲ့ပါတယ်။ တစ်ချို့သော ကျောင်းသားတွေဟာ အကောင်းဆုံးသော စီးပွားရေးကျောင်းတွေက ထွက်လာကြပြီး ယခုအခါ စွန့်ဦး တီထွင်စွမ်းဆောင်မှု့တွေ လုပ်ဖို့ သူတို့ဘ၀အနာဂတ်ရှေ့ရေးအတွက်လေးလေးနက်နက် စဉ်းစားလာကြပါတယ်။ အဲ့ဒီ့လို Entrepreneurship တွေတိုးတက်ပေါ်ပေါက်လာဖို့အတွက် အကူအညီပေး အရှိန်မြှင့်ပေးတာကတော့ Ashoka ပါပဲ။

၁၉၈၂ မှာ ဘီလ်ဒရေတွန်ဆိုသူက Ashoka Nonprofit Group ကိုဖွဲ့စည်းခဲ့တယ်။ Ashoka ကပြောတာက ဒီအဖွဲ့အစည်းဟာ အဆင့်(၃)ဆင့် အပေါ်မှာအခြေခံပြီး လုပ်ငန်းဆောင်ရွက်မှု့တွေ ပြုလုပ်တယ်လို့ဆိုပါတယ်။ Ashoka ဟာ လူမှု့စွန့်ဦးစွမ်းဆောင်ရှင်တစ်ဦးချင်း အပေါ်မှာ ထောက်ပံ့ကူညီပေးမှု့တွေကို ဘဏ္ဍာရေးအရရော အသက်မွေးမှု့အရပါ ထောက်ပံ့ပေးတယ်။ ဒါတင်မဟုတ်ပဲ ဒုတိယအဆင့်အနေနဲ့ စွမ်းဆောင်ရှင်တွေရဲ့ အတွေးအခေါ်လမ်းကြောင်းတွေ ဖြန့်ကျက်ဖို့နဲ့ ကာလရှည် အထောက်အပံ့တွေဖြစ်နိုင်စေရေးအတွက် ကမ္ဘာတစ်လွှားမှာရှိတဲ့ အခြားသော လူမှု့စွန့်ဦး စွမ်းဆောင်ရှင်တွေနဲ့ ချိတ်ဆက်၊ ဆက်သွယ်ဖို့အကူအညီတွေကိုလည်း ပေးပြန်သေးတယ်။ တတိယအဆင့်အနေနဲ့ လူမှု့စွမ်းဆောင်မှု့တိုးတက်ဖွံ့ဖြိုးမှု့ကို ထောက်ပံ့ပေးဖို့အတွက် လိုအပ်လျှက်ရှိတဲ့ ဘဏ္ဍာရေးစနစ်တွေကိုလည်း တည်ဆောက်ဖို့ အကူအညီပေးမှု့တွေကိုလည်း ပြုလုပ်လျှက်ရှိနေပါတယ်။

Social Entrepreneur တွေဟာ သူတို့ရဲ့ ပြန်ရချက်တွေကို အကျိုးအမြတ် တစ်ခုတည်းပေါ်မှာတင် မကြည့်ပဲ သူတို့ရဲ့ စွမ်းဆောင်မှု့ကြောင့် လူမှု့တန်ဖိုး ဘယ်လောက် တိုးတက်မြင့်မားလာသလဲဆိုတဲ့ အပေါ်မှာ ကြည့်ရှု့လျှက်ရှိပါတယ်။

မစ္စတာဂစ်တာ ဘလော့ဂ်မှ